2014-10-25
Today from Hiiraan Online:  _
Wararka Maanta- Axad, Feb 10, 2013
Iskahorimaad Ciidamada dowladda Soomaaliya iyo dagaalyahanada Al-shabaab ku Dhexmaray Duleedka Degmada Ceelwaaq


Axad, Feberaayo 10, 2013 (HOL) — Iskahorimaad u dhexeeya ciidamada dowladda Soomaaliya iyo Al-shabaab ayaa ka dhacay shalay gallinkii dambe deegaan u dhexeeya degmooyinka Baardheere iyo Ceelwaaq ee gobolka Gedo, sida uu sheegay sarkaal ka tisran ciidamada dowladda Soomaaliya.

Col. Maxamed Axmed Maxamuud (Carab) oo ku sugan degamda Ceelwaaq ayaa sheeagy in ciidamada dowladda ay ka hortageen weerar ay xoogag ka tirsan Al-shabaab doonayeen inay kusoo qaadaan degmada Ceelwaaq.

“Dagaalka waxaa ku dhintay shan dagaalyahan oo Al-shabaab ka tirsan, hal askari oo ciidamada dowladda ka tirsanna wuu ku dhaawcmay,” ayuu yiri Col. Carab, isagoo sheegay in xoogaggii Al-shabaab ay ka furteen hub fudud.

Sarkaalku wuxuu hadalkiisa ku daray in xoogagga Al-shabaab ay warteen gaari TOYOTO ah, iyadoo aysan dagaalkan weli ka hadlin Al-shabaab, balse gobolka Gedo ayaa ah gobol ay dagaallada ugu badan ku dhexmaraan ciidamada dowladda iyo kuwa Al-shabaab.

“Xaaladdu way daggan tahay saakay, ciidamada dowladda ayaana ku sugan deegaankii lagu dagaalamay,” ayuu sarkaalku u sheegay warbaahinta, si dhab ahna looma oga khasaaraha ka dhashay dagaalka.

Gobolka Gedo ayaa waxaa tan iyo sannadkii 2010 ka dhacayay dagaallo u dhexeeya xoogagga Al-shabaab oo intiisa badna ka talin jirtay gobolkaas iyo ciidamada dowladda oo kaashanaya ciidamada Itoobiya iyo Kenya oo qayb ka ah AMISOM.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2013-02-10 12:32 PM EST
Axad, Feberaayo 10, 2013 (HOL) — Naadiga NBCC ayaa xalay bandhig sannadeedkiisa xog-waranka oo loogu gogol xaarayay sannad-guurada saddexaad ee naadiga. Bandhiggan oo ahaa mid in badan ka duwanaa bandhigyadii looga bartay naadiga ayaa wuxuu ka dhacay machadka culuunta sare ee BORAMA COLLEGE FOR ACADEMIC STUDIES.

2013-02-10 12:30 PM EST
Axad, Feberaayo 10, 2013 (HOL) — Kooxda ciidanka asluubta ayaa maanta ku guuleysatay koobkii dowladda hoose ee degmada Boorame kaddib ciyaar maanta ka dhacay garoonka weyn ee magalaada Boorama ee Biroole, taasoo ahayd mid aad u xiiso badan.

2013-02-10 11:07 AM EST
Axad, Feberaayo 10, 2013 (HOL) — Guddoomiyaha cusub ee gobolka Maroodi jeex Maxamed Maxamuud Jeeni Yare, ayaa maanta si rasmi ah ugala wareegay xilkii gudoomiyihii hore ee gobolka Axmed Cumar Xaaji Cabdilaahi Xamarje.

2013-02-10 6:12 AM EST
Axad, Feberaayo 10, 2013 (HOL) — Waxaa maanta magaalada Kismaayo laga dareemayaa diyaargarow ku aadan sidii dib loogu ambaqaadi lahaa shirkii maamul u sameynta Jubooyinkii, iyadoona maanta ilaa shalay ay garoonka diyaaradaha Kismaayo ka dagayeen wufuudii kala duwanayd ee shirka ka qeybqaadan lahayd.

2013-02-10 4:49 AM EST
Axad, Feberaayo 10, 2013 (HOL) — Ra’iisul wasaaraha Soomaaliya, Cabdi Faarax Shirdoon (Saacid) oo la hadlay saxaafadda ayaa sheegay in xaqiijinta amniga aysan ku ekaan doonin magaalada Muqdisho oo kaliya, balse ay gaarsiin doonaan dalka oo dhan.

2013-02-10 4:48 AM EST
Axad, Feberaayo 10, 2013 (HOL) — Magaalada Muqdisho ayaa waxaa laga furay hotel casri ah, iyadoo furitaankii hoteelkan ay ka qaybgaleen xubno ka socday dowaldda oo ay ka mid ahayd wasiir ku xigeenka wasaaradda khayraadka dalka, Siciido Xasan Cismaan, ganacsato, culummo, waxgarad iyo dadweyne kale.

2013-02-10 2:31 AM EST
Axad, Feberaayo 10, 2013 (HOL) — Golaha ammaanka ee Ummadaha Midoobay ayaa toddobaadka soo socda kulan ka yeelanaya arrimaha Soomaaliya, iyadoo goluhu uu sheegay inay tixgelin doonaan warbixin ku saabsan doorka ay Qaramada Midoobay ku yeelanayso Soomaaliya mustaqbalka soo socda.