3/19/2024
Today from Hiiraan Online:  _
Wararka Maanta- Jimco, Nov 16, 2012
Dagaal Khasaare Geystay oo kooxo Beeraleey ah ku dhexmaray Deegaano ka tirsan Goboka Shabeellada Hoose
Jimco, November 16, 2012 (HOL) — Ugu yaraan afar qof oo beeraley ah ayaa ku dhintay sideed kalena dhaawacyo kala duwan ayaa soo gaaray kaddib dagaal ku dhexmaray deegaanka Warmaxan ee gobolka Shabeellada hoose kooxo beeraley ah oo ku muransan dhul beereed halkaas ku yaalla.

Dagaalkan ayaa qarxay markii labada dhinac ee dagaalamay ay isku qabsadeen lahaanshaha dhul beereed ay koox waliba dhinaceeda u sheeganayso, iyadoo ay socdaan hadda waanawaanno lagu doonayo in lagu xalliyo khilaafkaas.

"Inta aan ognahay afar qof ayaa dhintay, sideed kalena dhaawacyo kala duwan ayaa soo gaaray kaddib dagaal ku dhexmaray deegaanka Warmaxan kooxo beeraley ah. Hadda waxaa socda dadaallo lagu doonayo in lagu xalliyo khilaafka," ayuu yiri guddoomiye ku xigeenka gobolka Shabeellada hoose Maxamed Maxamuud Cilmi.

Odayaasha kooxaha dagaalamay oo ka mid ah beelo wada-dega deegaankaas ayaa dadaal xooggan ugu jira sidii ay u qaboojin lahayaeen xiisadda, iyadoo dagaalkan uu yahay kii ugu horreeyay oo kooxo beeraley ah ku dhexmara deegaankaas tan iyo markii Al-shabaab laga qabsaday bishii hore.

Goobjoogayaal ayaa sheegay in dhinacyada dagaalamay ay weli koox walba ay iyadu sheeganayso inay leedahay dhulka, waxayna sheegeen in weli la dareemayo saansac colaadeed oo sababi karta in dagaalladu ay dib u soo laabtaan.

Deegaankan ayaa ahaa kuwo nabadoon oo ay dadka beeraleyda ahi si nabad ah ku wada nool yihiin sannadihii ay Al-shabaab ka talinaysay deegaannadaas, iyadoo aan la ogeyn waxa dagaalkooda kusoo beegay xilli ay dowladdu ka talinayso deegaanka.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
11/16/2012 12:55 PM EST
Jimco, November 16, 2012 (HOL) — Waxaa horraantii bishan aynu ku jirno ee Nov, 2012 si rasmi ah usoo gaba gaboobey hawlihii shidaal baarista ahaa ee ay shirkadda Africa Oil ka waddey ceelalka Shabeel-1 iyo Shabeel-2 ee dooxada Dharoor ee gobolka Bari.

11/16/2012 7:57 AM EST
Jimco, November 16, 2012(HOL): Magaalada Muqdisho ayaa waxaa lagu soo gunaanaday tababar la siinayo suxufiyiinta Soomaaliyeed, kaasi oo lagu barayay sidii ay isu badbaadin lahaayeen marka ay ku shaqeynayaan xaaladaha khatarta ah eek a jira dalka gudahiisa.

11/16/2012 7:06 AM EST
Jimco, November, 16, 2012 (HOL) -- Guddoomiyaha maamulka gobollka C/fitaax Xassan Afrax oo wehliyaan xubno ka tirsan ku-xigeenadiisa iyo saraakiisha ciidamada midowgga Africa AMISOM ee ka howlgala gobollka Hiiraan ayaa maanta gaaray magaalada Baladweyne.

11/16/2012 3:29 AM EST
Jimco, November 16, 2012 (HOL) — Madaxweynaha Dowladda Soomaaliya, Xasan Sheekh Maxamuud ayaa iska fogeeyay waribxin ay daabacday wakaaladda wararka ee Reutes, taasoo lagu sheegay in madaxweynaha Soomaaliya uu ogolaaday in la dhoofiyo dhuxusha taalla Kismaayo.

11/16/2012 3:01 AM EST
Jimco, November 16, 2012 (HOL) — Taliyeyaasha saldhigyaada degmooyinka Xamar Jajab, Xamar-weyne, Waaberi iyo Wardhiigley ayaa loo xiray qaraxii dhawaan ka dhacay afaafka hore ee xarunta baarlamaanka Soomaaliya, kaasoo khasaare nafeed oo aad u yar dhaliyay.

11/16/2012 2:43 AM EST
Jimco, November 16, 2012 (HOL) — Xoghayaha guud ee Qaramada Midoobay, Ban Ki-Moon ayaa soo dhaweeyay dhaarinta inta badan xubnaha golaha wasiirrada dowladda Soomaaliya ee uu soo dhisay ra'iisul wasaare Cabdi Faarax Shir-doon (Saacid) isagoo ku tilmaamay dhaarinta wasiirrada tallaabo kale oo horay loo qaaday.

11/16/2012 2:29 AM EST
Jimco, November 16, 2012 (HOL) — Madaxweynaha Somaliland Md: Axmed Maxamed Maxamuud (Siilaanyo) iyo weftigii uu hogaaminayey oo labaddii cisho u dambeeyey hawlo shaqo ku joogay magaaladda Boorame ayaa booqday mashaariic kala duwan oo ka socda magaaladda Boorame iyo jaamacadda Camuud.