3/28/2024
Today from Hiiraan Online:  _
Wararka Maanta- Khamiis, Nov 15, 2012
Guddigii Farsamo ee gaaray Degmada Kismaayo oo kulamo la leh odoyaasha beelaha dega Gobollada Jubbooyinka

Khamiis, November 15, 2012 (HOL) —Guddigii farsamo ee ka socday shirka maamul u sameynta Jubooyinka ayaa gudaha magaalada Kismaayo kulamo gooni-gooni ah kula leh odoyaasha dhaqan beelaha dega Jubooyinka.

Kulamadan oo maalmihii ugu danbeeyay ka dhacayay xarunta jaamacadda Kismaayo ayaa waxa ay ku saaabsanyihiin sidii beelaha dega Jubooyinka ay uga qeybqaadan lahaayeen maamulka la filayo in dhawaan loo sameeyo gobolladaasi.

Mid kamid ah nabadoonada magaalada Kismaayo oo codsaday in aan magaciisa la xigan ayaa HOL u sheegay in kulamada ay ahaayeen kuwo wada tashi ah, isagoona sheegay in diirada lagu saarayay sida ugu macquulsan ee loo dhameystiri karo dhismaha maamul goboleedka Jubbaland.

“Kulamada waxay u dhexeeyaan odoyaasha dhaqanka beelaha dega Jubooyinka iyo guddiga farsamo ee ka socda shirka Nairobi, waxayna odoyaasha ka talo bixinayaan dhismaha maamulka Jubbaland,” ayuu nabadoonka hadalkiisii raaciyay.

Guddiga ayaa maalmihii ugu danbeeyay ku mashquulsanaa kulamo ay la qaadanayeen qeybaha kala duwan ee bulshada ku dhaqan gobollada Jubooyinka, kuwaasoo ka talo bixinayay dhismaha maamulka Jubbaland.

Shirka maamul u sameynta Jubooyinka oo uu soo agaasimay urur goboleedka IGAD ayaa bilooyinkii u danbeeyay ka socday magaalada Nairobi, waxaana la filayaa in dhameystirka dhismaha maamulka uu ka dhaco gudaha magaalada Kismaayo ee xarunta gobolka jubada Hoose.

Kulamada guddiga ka socda shirka maamul u sameynta jubbaland ay la yeelanayaan waxgaradka ku dhaqan Jubooyinka ayaa kusoo beegmaya xilli shir jaraa'id oo uu shalay qabtay madaxweeyne Dowladda Federaalka Soomaaliya Mudane Xasan Sheekh Max’uud  uu ku sheegay in maamul u sameeynta Jubooyinka ay masuul ka tahay dowladda Soomaaliya.

Xasan Nuur, Hiiraan Online
[email protected]
Kismaayo, Soomaaliya

 













Click here
11/15/2012 9:08 AM EST
Khamiis, November 15, 2012 (HOL) — Kulanka diimeedkan oo ay soo qabanqaabisay hay'adda Wadahadalka bulshada ayaa waxaa ka qayb-galay illaa 10 culumaa’udiinka Soomaaliyeed ka mid ah iyagoo kulanooda kasoo saaray qodobbo diiini ah, iyagoo shacabka Soomaaliyeed ugu baaqay inay Alle u laabtaan.

11/15/2012 8:48 AM EST
Khamiis, November 15, 2012 (HOL) — Madaxweynaha Soomaaliya, Xasan Sheekh Maxamuud ayaa ku sheegay khudbad uu jeediyay xalay in dowladdu ay si cad ula xisaabtami doonto hay'adaha kala duwan ee maaliyadda, isagoo sheegay in tani ay hordhac inaan lagu takri-falin hantida dowladda soo gasha.

11/15/2012 8:48 AM EST
Khamiis, November 15, 2012 (HOL) — Kulan ay ururrada bulshada rayidka ah ee Soomaaliyeed ku taageerayaan xukuumadda Soomaaliya ayaa Muqdisho lagu qabtay, iyadoo kulankan ay soo qabanqaabiyeen haya'dda horumarinta haweenka ee IIDA iyo hay'adda Somali Women Agenda SWA.

11/15/2012 6:29 AM EST
Khamiis, November 15, 2012 (HOL) — Sagaal wasiir oo ka mid ah golaha wasiirrada xukuumadda Soomaaliya ee dhawaan uu baarlamaanku ansixiyay ayaa maanta lagu dhaariyay xarunta golaha shacabka ee Muqdisho, waxaana dhaarka ka maqnayd wasiiradda arrimaha dibadda ahna ra'iisul wasaare ku xigeenka, Fowziyo Yuusuf Xaaji Aadan oo safar dibadeed ku maqan.

11/15/2012 6:27 AM EST
Khamiis, November 15, 2012 (HOL) — Mas’uuliyiinta maamulka gobolka Hiiraan ayaa soo dhaweeyay talaabadii uu dhawaan baarlamaanka Soomaaliya ku ansixiyay xukuumada cusub ee Soomaaliya, kadib shir jaraa’id oo ay ku qabteen magaalada Baladweyne.

11/15/2012 5:43 AM EST
Khamiis, November 15, 2012 (HOL) — Guddoomiyihii gobolka Banaadir iyo duqii Muqdisho, Maxamed Cumar Xabeeb (Maxamed Dheere) ayaa maanta xanuun awgiis ugu geeriyooday Muqdisho xilli la doonayay in arrimo caafimaad dalka dibaddiisa loogu qaado.

11/15/2012 3:03 AM EST
Khamiis, November 15, 2012 (HOL) — Xarakada Al-shabaab oo dagaal kula jirta dowaldda Soomaaliya ayaa uga digtay shacabka inay raacaan gaadiidka muraayadaha madow, gaar ahaan kuwa mara deegaannada ay gobolka Shabeellada hoose ee ay ka taliso dowaldda Soomaaliya.

11/15/2012 2:50 AM EST
Khamiis, November 15, 2012 (HOL) — Xukuumadda Uganda ayaa sheegtay inay ka laabatay go'aankii ay ciidamadeeda uga saaraysay Soomaaliya iyo dalal kale oo ku yaalla Afrika, taasoo ka dhalatay caro ay Uganda ka qaaday warbixin ay guddi ka tirsan Qaramada Midoobay ku sheegeen in dalalka Uganad iyo Ruwanda ay taageero siiyaan jabahadda M23 ee ka dagaalanta bariga dalka Jamhuuriyadda Congo.

11/15/2012 2:24 AM EST
Khamiis, November 15, 2012 (HOL) — Madaxweynaha Soomaaliya, Xasan Sheekh Maxamuud oo shir jaraa'id ku qabtay xarunta madaxtooyada Soomaaliya shalay oo Arbaco ahayd ayaa kaga hadlay arrimo badan oo ay ka mid yihiin maamul u sameynta gobollada dalka, wax ka qabashada ammaanka iyo dhoofinta dhuxusha taalla Kismaayo.