2014-10-21
Today from Hiiraan Online:  _
Wararka Maanta- Khamiis, Nov 1 , 2012
Golaha Ammaanka ee Qaramada Midoobay oo muddada u kordhinaya ciidamada Amisom ee ka howlgelaya Soomaaliya


Khamiis, November 01, 2012(HOL): War aynu ka helnay ilo diblumaasiyadeed oo aad loogu kalsoon yahay ayaa noo xaqiijiyay in Golaha Ammaanka ee Qaramada Midoobay uu muddada u kordhinayo ciidammada nabad-ilaalinta ah ee Midowga Africa ka jooga Soomaaliya.

 

Warkan ayaa intaas ku daraya in Golaha Ammaanka ee Qarammada Midoobay uu marka hore sanadkan inta ka harsan u kordhin doono ciidammada Amisom, marka sanadka cusub la gaarana uu muddo sanad ah oo dheeraad ah uu ugu sii dari doono.

 

Golaha Ammaanka ee Qarammada Midoobay ayaa tan iyo wixii ka dambeeyay isbedelkii ka dhacay Soomaaliya ee dhinaca siyaasadda iyo doorashooyinkii dowladnimo ee dhacay  waxaa uu ka fekerayay codsi uga yimid Midowga Afrika iyo Urur Goboleedka IGAD, kaasi oo ahaa in cunaqabateynta hubka laga qaado Soomaaliya, si dowladda Soomaaliya ay fursad ugu hesho in ay soo dhisto noocyada kala duwan ee ciidamadeeda, ayna ugu sahlanaato in ay iskeed isu difaacdo.

 

Dalka Soomaaliya ayaa tan iyo sannadkii 1992 waxaa saarnaa cuno-qabteyn dhinaca hubka ah kaasi oo Soomaaliya la saaray kaddib markii ay ka billowdeen Soomaaliya dagaallo sokeeye oo qaab beeleed ku dhisnaa.

 

Dhowr jeer oo hore ayuu golaha Ammaanka ee Qaramada Midoobay muddo kordhin u sameeyay Ciidammada Amisom ee Soomaaliya ka howlgelaya, waxayna muddo kordhintaas ku soo beegmeysay iyadoo dowladihii xilligaas ka jiray Soomaaliya ay ahaayeen kuwo KMG ah, halka dowladda haatan jirta aysan ahayn mid KMG ah.

 

Ciidamada Amisom ee Soomaaliya ka howlgelaya oo ka kala socda dalalka Uganda, Burundi, Jabuuti iyo Kenya ayaa kuwoodii ugu horreeyay oo ka socda Uganda waxay Soomaaliya cagaha dhigeen sanadkii 2007, xilligaas oo ay dalka Soomaaliya ku sugnaayeen Ciidamo Itoobiyaan ah oo markii dambe ka baxay Soomaaliya, inkastoo  marar kale ay dib ugu soo noqdeen gobollo ka tirsan dalka Soomaaliya.

 

 

Salaad Iidow Xasan (Xiis), Hiiraan Online

sxiis@hiiraan.com

 





Post your comments

2012-11-01 6:16 PM EST
Magaalada London ayaa waxaa lagu qabtay xaflad lagu maamuusayo sannad guuradii ka soo wareegtay qorista afka Soomaalia. Waxaa warbixintaan noo soo diray Baafo

2012-11-01 1:52 PM EST
Khamiis, November 01, 2012 (HOL) —Howlgallo ballaaran oo ay maanta gudaha magaalada Kismaayo ka fuliyeen ciidamada dowladda iyo kuwa Raaskaambooni ayay kusoo qabqabteen boqollaal qof oo lagu eedeeyay in ay xiriir la leeyihiin Al-shabaab.

2012-11-01 9:08 AM EST
Khamiis, November 01, 2012 (HOL) — Maxkamada ciidammada Dowladda Soomaaliya ayaa maanta xukunno xabsi ah ku ridday sagaal ruux oo la sheegay inay ka tirsan yihiin Xarakada Al-shabaab oo ay soo qabqabteen ciidamada dowladda Soomaaliya.

2012-11-01 7:29 AM EST
Khamiis, November 01, 2012 (HOL) — Iyadoo muran weyn uu ka taagnaa maamul u sameynta gobollada Jubbooyinka ayaa dowladda Kenya waxay markii ugu horreysay ku dhawaaqday inaysan lug ku lahayn maamul u sameynta gobolladan Koonfurta Soomaaliya ku yaalla.

2012-11-01 7:04 AM EST
Khamiis, November 01, 2012 (HOL) — Golaha ammaanka ee Qaramada Midoobay ayaa kulan ay xalay ku yeesheen meel ka baxsan xaruntooda New York waxay muddo hal todobaad ah ku kordhiyeen howl-galka ciidamada AMISOM ee ka howgalaya Soomaaliya, iyadoo uu jiro muran ku saabsan xilli kordhinta AMISOM oo u dhexeeya 15-ka dal ee golaha ammaanka.

2012-11-01 6:16 AM EST
Khamiis, November 01, 2012 (HOL) — Maamulka dowladda Soomaaliya ee gobolka Bakool ayaa sheegay in xoogagga Al-shabaab ay kala wareegeen deegaano dhowr ah oo ay hore uga arimin jireen kadib dagaal xooggan oo ay la galeen.

2012-11-01 4:16 AM EST
Khamiis, November 01, 2012 (HOL) — Howlgallo ballaaran ayaa saaka ka bilowday xaafadaha kala duwan ee magaalada Kismaayo, iyadoona ay maanta hawada ka maqantahay guud ahaan isgaarsiintii Degmadaasi.

2012-11-01 3:34 AM EST
Khamiis, November 01, 2012 (HOL) — Ururka Midowga Afrika ayaa ka dalbaday golaha ammaanka ee Qaramada Midoobay inay xoojiyaan taageerada ay siiyaan ciidamadooda ku sugan Soomaaliya, sidoo kalena Soomaaliya laga qaado cunno-qabateynta hubka ee saaraan Soomaaliya, lana adkeeyo xayiraadda lagu soo rogay dhoofka dhuxusha Soomaaliya.

2012-11-01 3:05 AM EST
Khamiis, November 01, 2012 (HOL) — Wasiir ku xigeenka wasaaradda arrimaha dibadda ee dalka Kenya, Richard Onyonka ayaa Arbacadii shalay sheegay in 2,700 oo askari oo ka tirsan cidamada Uganda ee qaybta ka ah howgalka Midoga Afrika lagu dilay Soomaaliya tan iyo markii uu howgalkan billowday sannadkii 2007.