2014-10-23
Today from Hiiraan Online:  _
Wararka Maanta- Khamiis, Nov 1 , 2012
Maxkamadda Ciidamada qalabka sida ee Soomaaliya oo Xukunno ku riday dhallinyaro lagu Eedeeyay inay Al-shabaab ka tirsan yihiin


Khamiis, November 01, 2012 (HOL) —  Maxkamada ciidammada Dowladda Soomaaliya ayaa maanta xukunno xabsi ah ku ridday sagaal ruux oo la sheegay inay ka tirsan yihiin Xarakada Al-shabaab oo ay soo qabqabteen ciidamada dowladda Soomaaliya.

Dacwadda raggan ayaa waxaa soo gudbisay xeer ilaalinta maxkamadda ciidammada qalabka sida, iyadoo raggan ku eedeysay ka tirsan yihiin Al-shabaab iyadoo kaddib dhageysiga dacwaddan uu guddoomiyaha maxkamaddu ku dhawaaqay xabsiyada lagu xukumay dhallinyaradan.

"Maxkamaddu markii ay dhageystay dacwadda lagu soo eedeeyay dhallinyaradan waxay ku xukuntay min shan sano oo xabsi ciidan ah," ayuu yiri guddoomiyaha maxkamadda ciidamada qalabka sida ee dowladda Soomaaliya Liibaan Cali Yaroow oo xukunka ku dhawaaqay.

Xubnaha la xukumay oo da'dodu u dhexeysay 27-jir illaa 18-jir ayaa waxay magacyadoodu kala yihiin:
  1. Cabdiraxmaan Maxamed Axmed oo 27-jir ah
  2. Axmed Cabdi Culusoow oo 25-jir ah
  3. Maxamed Axmed Cali oo 22-jir ah
  4. Kaamil Cabdi Yuusuf oo 22-jir ah
  5. Faarax Aadan Dhoore oo 21-jir ah
  6. Maxamed Cabdullaahi Cabdi oo 21-jir ah
  7. Najiib Maxamuud Cabdullaahi oo 20-jir ah
  8. Xamsa Maxamed Cali oo 19-jir ah
  9. Bashiir Shuuriye Canshuur oo 18-jir ah
Dhanka kale, maxkamadda ciidamada qalabka sida ayaa waxay xukuntay in loo sameeyo dhaqan-celin laba wiil oo aan weli qaangaarin kuwaasoo magacyadoodu kala yihiin: Maxamed Cabdi Cali iyo Cabdirisaaq Maxamuud Cismaan, kuwaasoo ka mid ahaa labaatameeyo ruux oo maxkamadda la horkeenay maanta.

Ugu dambeyn, guddoomiyaha maxkamadda ciidamada ayaa sheegay in xukunka raggan ay u cuskadeen diinta islaamka, xeerarka ciqaabta guud ee dalka iyo xeerka ciqaabta ciidamada milateriga Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-11-01 6:16 PM EST
Magaalada London ayaa waxaa lagu qabtay xaflad lagu maamuusayo sannad guuradii ka soo wareegtay qorista afka Soomaalia. Waxaa warbixintaan noo soo diray Baafo

2012-11-01 2:48 PM EST
Khamiis, November 01, 2012(HOL): War aynu ka helnay ilo diblumaasiyadeed oo aad loogu kalsoon yahay ayaa noo xaqiijiyay in Golaha Ammaanka ee Qaramada Midoobay uu muddada u kordhinayo ciidammada nabad-ilaalinta ah ee Midowga Africa ka jooga Soomaaliya.

2012-11-01 1:52 PM EST
Khamiis, November 01, 2012 (HOL) —Howlgallo ballaaran oo ay maanta gudaha magaalada Kismaayo ka fuliyeen ciidamada dowladda iyo kuwa Raaskaambooni ayay kusoo qabqabteen boqollaal qof oo lagu eedeeyay in ay xiriir la leeyihiin Al-shabaab.

2012-11-01 7:29 AM EST
Khamiis, November 01, 2012 (HOL) — Iyadoo muran weyn uu ka taagnaa maamul u sameynta gobollada Jubbooyinka ayaa dowladda Kenya waxay markii ugu horreysay ku dhawaaqday inaysan lug ku lahayn maamul u sameynta gobolladan Koonfurta Soomaaliya ku yaalla.

2012-11-01 7:04 AM EST
Khamiis, November 01, 2012 (HOL) — Golaha ammaanka ee Qaramada Midoobay ayaa kulan ay xalay ku yeesheen meel ka baxsan xaruntooda New York waxay muddo hal todobaad ah ku kordhiyeen howl-galka ciidamada AMISOM ee ka howgalaya Soomaaliya, iyadoo uu jiro muran ku saabsan xilli kordhinta AMISOM oo u dhexeeya 15-ka dal ee golaha ammaanka.

2012-11-01 6:16 AM EST
Khamiis, November 01, 2012 (HOL) — Maamulka dowladda Soomaaliya ee gobolka Bakool ayaa sheegay in xoogagga Al-shabaab ay kala wareegeen deegaano dhowr ah oo ay hore uga arimin jireen kadib dagaal xooggan oo ay la galeen.

2012-11-01 4:16 AM EST
Khamiis, November 01, 2012 (HOL) — Howlgallo ballaaran ayaa saaka ka bilowday xaafadaha kala duwan ee magaalada Kismaayo, iyadoona ay maanta hawada ka maqantahay guud ahaan isgaarsiintii Degmadaasi.

2012-11-01 3:34 AM EST
Khamiis, November 01, 2012 (HOL) — Ururka Midowga Afrika ayaa ka dalbaday golaha ammaanka ee Qaramada Midoobay inay xoojiyaan taageerada ay siiyaan ciidamadooda ku sugan Soomaaliya, sidoo kalena Soomaaliya laga qaado cunno-qabateynta hubka ee saaraan Soomaaliya, lana adkeeyo xayiraadda lagu soo rogay dhoofka dhuxusha Soomaaliya.

2012-11-01 3:05 AM EST
Khamiis, November 01, 2012 (HOL) — Wasiir ku xigeenka wasaaradda arrimaha dibadda ee dalka Kenya, Richard Onyonka ayaa Arbacadii shalay sheegay in 2,700 oo askari oo ka tirsan cidamada Uganda ee qaybta ka ah howgalka Midoga Afrika lagu dilay Soomaaliya tan iyo markii uu howgalkan billowday sannadkii 2007.