2014-04-20
Today from Hiiraan Online:  _
Wararka Maanta- Khamiis, Nov 1 , 2012
Midowga Afrika oo ka dalbaday Golaha Ammaanka in la taageero AMISOM lana qaado Cunno-qabateynta Hubka ee Soomaaliya
Khamiis, November 01, 2012 (HOL) — Ururka Midowga Afrika ayaa ka dalbaday golaha ammaanka ee Qaramada Midoobay inay xoojiyaan taageerada ay siiyaan ciidamadooda ku sugan Soomaaliya, sidoo kalena Soomaaliya laga qaado cunno-qabateynta hubka ee saaraan Soomaaliya, lana adkeeyo xayiraadda lagu soo rogay dhoofka dhuxusha Soomaaliya.


Soomaaliya ayaa waxaa ku sugan ciidammo ka socda Midowga Afrika oo tiradoodu ka badan tahay 12,000 askari oo ka kala socda dalalka, Uganda, Burundi, Kenya iyo Jabuuti, kuwaasoo gacan ku siinaya ciidamada dowlada dagaalka ay kula jiraan xoogagga Al-shabaab.

"Nabadda oo soo laabata iyo nolosha dadweynaha oo caadi noqota waxay ku xiran tahay ammaan iyo in Al-shabaab laga adkaado, taasna waxay ku xiran tahay in la qaado cunno-qabteynta hubka lana taageero ciidamada Midowga Afirka ee ku sugan Soomaaliya," ayaa lagu yiri warsaxaafadeed kasoo baxay Midowga Afrika shalay oo Arbaco ahayd.

Sidoo kale, ururka Midowga Afrika wuxuu ku baaqay in la adkeeyo xayiraadda lagu soo rogay dhoofinta dhuxusha Soomaaliya, taasoo ay ku tilmaameen inay dhaqaale ka hesho Xarakada Al-shabaab oo dagaal kula jirta ciidamada dowladda iyo kuwa ay gacan ka helaan.

"Cunno-qabateynta hubka ee saaran Soomaaliya oo la qaado waxay sababaysaa in la xoojiyo awoodda ciidamada difaaca Soomaaliya iyo hay'adaha ammaanka," ayaa lagu yiri warbixinta Midowga Afrika.

Howgalka Midowga Afrika oo muddo dheer soo socday ayaa waxay ciidamadooda ku guuleysteen inay qabsadaan degmooyin badan oo ay Al-shabaab ka talin jirtay sida Kismaayo, Baydhabo, Baladweyne, Afgooye, Marko iyo Balcad oo dhammaantood ahaa goobo ay ku xooggan tahay Al-shabaab.

Dalabka Midowga Afrika ayaa wuxuu imaanayaa iyadoo bishii September ee lasoo dhaafay ay xildhibaannada baarlamaanka Soomaaliya u doorteen madaxweynaha cuusb ee Soomaaliya, Xasan Sheekh Maxamuud, waxaana sidoo kale uu dalabkan kusoo beegmayaa xilli Soomaaliya ay ka baxday xilligii KMG ahaa.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-11-01 6:16 PM EST
Magaalada London ayaa waxaa lagu qabtay xaflad lagu maamuusayo sannad guuradii ka soo wareegtay qorista afka Soomaalia. Waxaa warbixintaan noo soo diray Baafo

2012-11-01 2:48 PM EST
Khamiis, November 01, 2012(HOL): War aynu ka helnay ilo diblumaasiyadeed oo aad loogu kalsoon yahay ayaa noo xaqiijiyay in Golaha Ammaanka ee Qaramada Midoobay uu muddada u kordhinayo ciidammada nabad-ilaalinta ah ee Midowga Africa ka jooga Soomaaliya.

2012-11-01 1:52 PM EST
Khamiis, November 01, 2012 (HOL) —Howlgallo ballaaran oo ay maanta gudaha magaalada Kismaayo ka fuliyeen ciidamada dowladda iyo kuwa Raaskaambooni ayay kusoo qabqabteen boqollaal qof oo lagu eedeeyay in ay xiriir la leeyihiin Al-shabaab.

2012-11-01 9:08 AM EST
Khamiis, November 01, 2012 (HOL) — Maxkamada ciidammada Dowladda Soomaaliya ayaa maanta xukunno xabsi ah ku ridday sagaal ruux oo la sheegay inay ka tirsan yihiin Xarakada Al-shabaab oo ay soo qabqabteen ciidamada dowladda Soomaaliya.

2012-11-01 7:29 AM EST
Khamiis, November 01, 2012 (HOL) — Iyadoo muran weyn uu ka taagnaa maamul u sameynta gobollada Jubbooyinka ayaa dowladda Kenya waxay markii ugu horreysay ku dhawaaqday inaysan lug ku lahayn maamul u sameynta gobolladan Koonfurta Soomaaliya ku yaalla.

2012-11-01 7:04 AM EST
Khamiis, November 01, 2012 (HOL) — Golaha ammaanka ee Qaramada Midoobay ayaa kulan ay xalay ku yeesheen meel ka baxsan xaruntooda New York waxay muddo hal todobaad ah ku kordhiyeen howl-galka ciidamada AMISOM ee ka howgalaya Soomaaliya, iyadoo uu jiro muran ku saabsan xilli kordhinta AMISOM oo u dhexeeya 15-ka dal ee golaha ammaanka.

2012-11-01 6:16 AM EST
Khamiis, November 01, 2012 (HOL) — Maamulka dowladda Soomaaliya ee gobolka Bakool ayaa sheegay in xoogagga Al-shabaab ay kala wareegeen deegaano dhowr ah oo ay hore uga arimin jireen kadib dagaal xooggan oo ay la galeen.

2012-11-01 4:16 AM EST
Khamiis, November 01, 2012 (HOL) — Howlgallo ballaaran ayaa saaka ka bilowday xaafadaha kala duwan ee magaalada Kismaayo, iyadoona ay maanta hawada ka maqantahay guud ahaan isgaarsiintii Degmadaasi.

2012-11-01 3:05 AM EST
Khamiis, November 01, 2012 (HOL) — Wasiir ku xigeenka wasaaradda arrimaha dibadda ee dalka Kenya, Richard Onyonka ayaa Arbacadii shalay sheegay in 2,700 oo askari oo ka tirsan cidamada Uganda ee qaybta ka ah howgalka Midoga Afrika lagu dilay Soomaaliya tan iyo markii uu howgalkan billowday sannadkii 2007.