2014-10-20
Today from Hiiraan Online:  _
Wararka Maanta- Khamiis, Nov 1 , 2012
Saraakiil ka tirsan AMISOM oo shaaca ka qaaday in 500 oo ka tirsan Askarta Uganda iyo Burundi lagu dilay Soomaaliya


Khamiis, November 01, 2012 (HOL) — Wasiir ku xigeenka wasaaradda arrimaha dibadda ee dalka Kenya, Richard Onyonka ayaa Arbacadii shalay sheegay in 2,700 oo askari oo ka tirsan cidamada Uganda ee qaybta ka ah howgalka Midoga Afrika lagu dilay Soomaaliya tan iyo markii uu howgalkan billowday sannadkii 2007.


Laakiinse laba sarkaal oo ka tisran ciidamada AMISOM ee Soomaaliya ku sugan oo la hadlay wakaaladda wararka ee AP ayaa beeniyay in tiradaas laga dilay ciidamada AMISOM, iyagoo sheegay in 500 oo askari lagu dilay Soomaaliya tan iyo markii uu howgalku billowday, kuwaasoo ka kala socday dalalka Uganda iyo Burundi oo safka hore kaga jira howgalka Midowga Afrika ee ka socda Soomaaliya.

"Uganda waxay howgalka AMISOM ee Soomaaliya ku wayday 2,700 askari tan iyo markii uu howgalkan billowday sannadkii 2007. Halka ay dowladda Kenya ku wayday halkii sano ee ay Soomaaliya howgalka ka wadday 36-askari oo keliya," ayuu yiri Onyonka.

Tirada askarta ku dhintay howgalka AMISOM ee ka socda Soomaaliya ayaa intiisa badan ahaa mid qarsoodi ah, waxaase tirada uu soo bandhigay wasiirka ay durba abuurtay muran ku saabsan askarta Midowga Afrika kaga dhimatay Soomaaliya.

Ciidamada Uganda iyo kuwa Burundi oo ah kuwa ugu tirada badan ciidamada qaybta ka ah howgalka AMISOM ayaa waxay dagaallo culus la galayeen xoogagga Al-shabaab tan iyo markii ay ciidamadii Itoobiya isaga baxeen Soomaaliya sannadkii 2009, iyagoo laba beegsaday qaraxyo dhowr ah, askar badanna looga dilay dagaallo fool-ka-fool ah oo dhexmaray Al-shabaab iyo iyaga.

Dagaal ka dhacay degmada Dayniile bishii Oktoobar ee sannadkii 2011 ayaa la xusuustaa inay ku dhintaan tiro ka badan 76 askari oo ka tirsan ciidamada dalka Uganda, iyagoo dagaalkaas uu noqonayo kii ugu khasaaraha badnaa ee soo gaara ciidamada AMISOM.

Ururka Midowga Afrika iyo dowladda Uganda ayaan ka hadlin tirada uu sheegay inay ciidamada Uganda uga dhinteen dagaalladii ka dhacay Soomaaliya. hadalka ayaa wuxuu kusoo beegmayaa iyadoo ciidamada Midowga Afrika oo ay kusoo biireen kuwo ka socda dalalka Jabuuti, Kenya iyo Sierra Leone ay gaareen deegaanno ka fog halkii ay howgalka ka billaabeen oo Muqdisho ahayd.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-11-01 6:16 PM EST
Magaalada London ayaa waxaa lagu qabtay xaflad lagu maamuusayo sannad guuradii ka soo wareegtay qorista afka Soomaalia. Waxaa warbixintaan noo soo diray Baafo

2012-11-01 2:48 PM EST
Khamiis, November 01, 2012(HOL): War aynu ka helnay ilo diblumaasiyadeed oo aad loogu kalsoon yahay ayaa noo xaqiijiyay in Golaha Ammaanka ee Qaramada Midoobay uu muddada u kordhinayo ciidammada nabad-ilaalinta ah ee Midowga Africa ka jooga Soomaaliya.

2012-11-01 1:52 PM EST
Khamiis, November 01, 2012 (HOL) —Howlgallo ballaaran oo ay maanta gudaha magaalada Kismaayo ka fuliyeen ciidamada dowladda iyo kuwa Raaskaambooni ayay kusoo qabqabteen boqollaal qof oo lagu eedeeyay in ay xiriir la leeyihiin Al-shabaab.

2012-11-01 9:08 AM EST
Khamiis, November 01, 2012 (HOL) — Maxkamada ciidammada Dowladda Soomaaliya ayaa maanta xukunno xabsi ah ku ridday sagaal ruux oo la sheegay inay ka tirsan yihiin Xarakada Al-shabaab oo ay soo qabqabteen ciidamada dowladda Soomaaliya.

2012-11-01 7:29 AM EST
Khamiis, November 01, 2012 (HOL) — Iyadoo muran weyn uu ka taagnaa maamul u sameynta gobollada Jubbooyinka ayaa dowladda Kenya waxay markii ugu horreysay ku dhawaaqday inaysan lug ku lahayn maamul u sameynta gobolladan Koonfurta Soomaaliya ku yaalla.

2012-11-01 7:04 AM EST
Khamiis, November 01, 2012 (HOL) — Golaha ammaanka ee Qaramada Midoobay ayaa kulan ay xalay ku yeesheen meel ka baxsan xaruntooda New York waxay muddo hal todobaad ah ku kordhiyeen howl-galka ciidamada AMISOM ee ka howgalaya Soomaaliya, iyadoo uu jiro muran ku saabsan xilli kordhinta AMISOM oo u dhexeeya 15-ka dal ee golaha ammaanka.

2012-11-01 6:16 AM EST
Khamiis, November 01, 2012 (HOL) — Maamulka dowladda Soomaaliya ee gobolka Bakool ayaa sheegay in xoogagga Al-shabaab ay kala wareegeen deegaano dhowr ah oo ay hore uga arimin jireen kadib dagaal xooggan oo ay la galeen.

2012-11-01 4:16 AM EST
Khamiis, November 01, 2012 (HOL) — Howlgallo ballaaran ayaa saaka ka bilowday xaafadaha kala duwan ee magaalada Kismaayo, iyadoona ay maanta hawada ka maqantahay guud ahaan isgaarsiintii Degmadaasi.

2012-11-01 3:34 AM EST
Khamiis, November 01, 2012 (HOL) — Ururka Midowga Afrika ayaa ka dalbaday golaha ammaanka ee Qaramada Midoobay inay xoojiyaan taageerada ay siiyaan ciidamadooda ku sugan Soomaaliya, sidoo kalena Soomaaliya laga qaado cunno-qabateynta hubka ee saaraan Soomaaliya, lana adkeeyo xayiraadda lagu soo rogay dhoofka dhuxusha Soomaaliya.