3/29/2024
Today from Hiiraan Online:  _
Wararka Maanta- Sabti, May 12, 2012
Dowladda Iiraan oo sheegtay in Deeq Raashin iyo Dawo isugu jira ay ku Caawinayso Shacabka Soomaaliyeed

Sabti, May 12, 2012 (HOL) — Dowladda Iiraan ayaa sheegtay inay dhawaan u dirayso Soomaaliya shixnadii 15-aad oo gargaar bani'aadamnimo ah, taasoo isugu jirta raashin iyo dawo.

Madaxa haya'dda bisha cas ee dalka Iiraan, Maxamuud Mozaffar oo la hadlayay FNA oo ah wakaalad wararka u baahisa dalka Iiraan ayaa hoosta ka xariiqay in deeqdan ay noqonayso tii ugu horreysay oo Iiraan ay u dirto Soomaaliya markii uu sannadka cusub ee Iiraan billowday 20-kii bishii Maarso ee sannadkan.

"Deeqdan waxay ka kooban tahay 200-tan oo u badan cunno iyo dawo, waxaana ku caawin doonnaa dadka Soomaaliyeed ee ay saameeyeen dagaallada, abaaraha iyo macluusha," ayuu yiri Mozaffar.

Madaxa IRCS ee dalka Iiraan wuxuu sheegay in gargaarka la marin doono badda, wuxuuna intaas ku daray in bisha Cas ee Iiraan ay 30-milyan oo dollar oo gargaar ah u dirtay Soomaaliya tan iyo markii ay abaaruhu dillaaceen.

"Gargaarka aan u dirnay Soomaaliya illaa markii abaaruhu dillaaceen wuxuu ku kacay 39-milyan oo doollar oo u dhiganta 46-bilyan oo lacagta Iiraan ah, waxaana si gaar ah u geynay deeqdaan magaalada Muqdisho," ayuu yiri xoghayaha guud ee ururka bisha cas ee dalka Iiraan, Zaher Rostami.

Dalka Iiraan ayaa wuxuu ka mid yahay dalalkii ugu horreeyay oo u soo gurmada shacabka Soomaaliyeed markii sannadkii hore ay ku dhufatay Soomaaliya abaartii dhalisay macluusha, waxaana horay ay Iiraan u keentay Soomaaliya 14-shixnadood oo gargaar bani'aadamnimo ah.

Hay'adda bisha cas ee dalka Iiraan ayaa waxay ka hirgelisay Soomaaliya isbitaallo lagu daweeyo dadka barakacayaasha ah iyo sidoo kale xeryo lagu quudiyo dadka barakacayaasha ah kuwaasoo macluul daran ka dhaxlay abaartii dalka ku dhufatay.

Maxamed Xaaji Xuseen, Hiiraan Online
[email protected]
Muqdisho, Soomaaliya













Click here
5/12/2012 9:21 AM EST
Sabti, May 12, 2012(HOL) — Waxaa manta Magaalada Cabudwaaq ka dhacay isu imaatin loogu baroordiqayay Xildhibaannadi naftooda qaaliga ah ku waayay qaraxii ka dhacay magaalada Dhuusamareeb ee xarunta gobolka Galgaduud.

5/12/2012 9:11 AM EST
Sabti, May 12, 2012 (HOL) — Askari u dhashay dalka Uganad kana tirsanaa ciidanka AMSIOM ee ka howlgala Muqdisho ayaa la xukumay kaddib markii uu rasaas ka iibiyay wiil Soomaali ah.

5/12/2012 8:57 AM EST
Sabti, May 12, 2012 (HOL) — Waxaa maanta magaalada Doolow ee Gobolka Gedo tababar ciidan loogu soo xiray 1,500 oo askari kuwaasoo bilooyinkii u danbeeyay uu halkaasi uga socday tababar Militari.

5/12/2012 8:25 AM EST
Sabti, May 12, 2012 (HOL) — Madaxweynnaha Somaliland, Md: Axmed Maxamed Maxamuud Siillaanyo, iyo Wefti balaadhan oo uu hogaaminayo ayaa maanta safar shaqo ku tagay gobolka Awdal ee somaliland, waxaanu xadhiga ka jaray waddo cusub oo laga hirgaliyey Dilla ilaa Boorame.

5/12/2012 8:10 AM EST
Sabti, May 12, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in fikirka ku aaddan dastuurka ee Puntland ayaa ku sheegay mid la mid ah fikirka ay dadku ka qabaan dastuurka.

5/12/2012 7:28 AM EST
Sabti, May 12, 2012 (HOL) — Booliska Kenya ayaa xeryaha qoxootiga Dhadhaab ee dalka Kenya ku qabqabtay shalay gallinkii dambe illaa xalay in ka badan boqol qof, kuwaasoo lagu eedeeyay inay ku ku lug lahaayeen falalka amni-darro oo ka dhaca xeryahaas.

5/12/2012 7:09 AM EST
Sabti, May 12, 2012 (HOL) — Hay'adda Midowga Dhallinyarada Soomaaliyeed (UYS) ayaa maanta dood-cilmiyeed hal-ku-dhiggiisu ahaa adkeynta nabada ugu qabatay Muqdisho odayaasha-dhaqanka.

5/12/2012 6:26 AM EST
Sabti, May 12, 2012 (HOL) — Guddoomiyaha maamulka gobolka Hiiraan. Cabdifitaax Xasan Afrax ayaa sheegay in maamulkiisu uu wax badan ka qabtay muddadii uu xilka hayay arrimaha amaanka, samafalka iyo weliba dib-u-dhiska.

5/12/2012 6:26 AM EST
Sabti, May 12, 2012 (HOL) — Boqollaal Haween ah oo ay nolosha qoyskoodu ku tiirsanayd ka ganacsiga qaadka ayaa ka cabanaya shaqo la'aan iyo xaalado nolol xumo oo soo foodsaaray, kadib markii dhawaan xoogagga Al-shabaab ay gabi ahaanba mamnuuceen ka ganacsiga Qaadka.

5/12/2012 3:34 AM EST
Sabti, May 12, 2012 (HOL) — Maamul-goboleedka Puntland ayaa kasoo horjeestay dastuurka cusub ee Soomaaliya, iyagoo ku sheegay inuusan ahayn dastuur u qalma in lagu hoggaamiyo Soomaaliya.

5/12/2012 3:20 AM EST
Sabti, May 12, 2012 (HOL) — Xildhibaan Maxamed Raage oo ka mid ah xubanaha dowladda KMG ah ee ku sugan gobolka Jubbada hoose ayaa sheegay in ciidamada dowladda Soomaaliya ee gobolkaas ku sugan ay qabteen dagaalyahan Kenyan ah oo ka tirsan Al-shabaab.

5/12/2012 3:01 AM EST
Sabti, May 12, 2012 (HOL) — Hoggaamiyaha Al-Qaacida, Dr Ayman Al-Zawahiri oo Internet-ka soo diray cajalad maqal iyo muuqaal ah ayaa kula taliyay Al-shabaab in dagaalkooda ay u bedelaan qaab jabhadeyn ah ayna la dagaalamaan ciidamada DKMG ah iyo kuwa kale ee ku sugan Soomaaliya.

5/12/2012 1:58 AM EST
Sabti, May 12, 2012 - Waxaa magaalada Helsinki ee dalka Finland maanta lagu soo gabagabeeyay kulankii Qoreyaasha Soomaaliyeed ee shalay & maanta ka socday deegaannada Espoo Kiskus & Espoo Enteresse isla markaana ay ka soo qeybgaleen qeybaha bulshada Soomaaliyeed ee ku dhaqan magaalada Helsinki.

5/12/2012 1:24 AM EST
Sabti, May 12, 2012 (HOL) - Banaan baxaan oo salaaddii jimcaha kadib ka dhacay iridda hore xarunta weyn ee bangiga Wellsfargo ku leeyahay bartamaha magaalada Minneapolis ee Gobolka Minnesota, ayaa waxaa ka soo qeybgalay boqolaal Soomaali ah, oo ka gadoodsan wada-shaqeyn la’aanta bangiyada iyo xirnaashaha xawaaladaha Soomaalida.