2014-10-25
Today from Hiiraan Online:  _
Wararka Maanta- Sabti, May 12, 2012
Ururka Midowga Dhallinyarada Soomaaliyeed oo Dood-cilmiyeed ugu qabtay Muqdisho Odayaasha-dhaqanka



Sabti, May 12, 2012 (HOL) — Ururka Midowga Dhallinyarada Soomaaliyeed (UYS) ayaa maanta dood-cilmiyeed hal-ku-dhiggiisu ahaa adkeynta nabada ugu qabatay Muqdisho odayaasha-dhaqanka.

Dood-cilmiyeedkan oo socday muddo saacado ah ayaa lagu lafa-garay xaaladda kala-guurka ee uu dalku ku jiro iyo sidii looga gudbi lahaa marxaladihii lasoo maray si aan dib loogu laaban.

Abuukar Sheekh Cusmaan (Abuukar Ganey) oo hadal ku furay doodda ayaa sheegay inay wanaagsan tahay in wax walba dhinaca horumarka laga eego, isagoo xusay in ummadda Soomaaliyeed ay soo mareen dhibaatooyin iyo colaado haatanna la joogo xilligii horumarka iyo nabada.

"Qof kasta oo Soomaali ah haddii aqoon-yahan uu yahay, haddii siyaasi uu yahay, haddii dhallinyaro uu yahay iyo haddii uu yahay oday ama wadaad waxaa saaran waajib ah inaan dib loo noqon marxaladii lasoo maray, waana in dadaal dheeraad ah lagu bixiyo sidii looga bixi lahaa kooxeysiga loogana shaqeyn lahaa danta ummadda," ayuu yiri Abuukar Ganey.

Xildhibaan Cali Seeko oo ka mid ah mudanayaasha baarlamaanka ayaa UYS ku guubaabiyay inay sii wado wacyi-gelinta iyo kulammada looga hadlayo nabadda si bulshada u gaaraan himiladooda.

"Waxaan ku gubaabinayaa hay'adda UYS inay sii waddo howsha baaxada leh ee ay bulshada u heyso, waxaa kaloo muhiim ah in la xoojiyo nabadda iyo is-dhex-galka bulshada oo aan dib loogu laaban sannadkii 1992-kii," ayuu yiri xildhibaan Seeko.

Xildhibaanka ayaa sheegay in loo baahan yahay in la isku xirnaado, min degmo, waax illaa laan; dadkana ay noqdaan kuwo iska-war-qaba, taasoo uu sheegay inay tahay midda keliya ee nabadda lagu gaari karo.

Caaqil Xasan Cilmi Yaxye oo ka mid ahaa odayaashii-dhaqanka ee doodda ka qayb-galay ayaa sheegay in loo baahan yahay in la iska kaashado sidii danta dalka looga shaqeyn lahaa, isagoo sheegay in taasi ay hormkuud u noqon karaan odayaasha-dhaqanka.

"Odayaasha-dhaqanka waa maamulka bulshada, burburkii dowladnimada waa mid ku timid dhaqan la'aan, dadka kuwa xalin jiray waa dhaqanka, dhibaato kasta oo dalka ka dhacdana way xallin jireen," ayuu yiri Caaqil Yaxye .

Sidoo kale; waxaa ka hadlay doodda Xasan Maxamed Diirshe, C/llaahi C/lle Weheliye iyagoo hoosta ka xarriiqay in xilliga kala guurka aanay ka faa'ideysan kooxaha kale, gaar ahaana inaysan Al-shabaab fursad u noqon is-qab-qabsiga dowladda.

Maxamed Jaamca Dirir oo ka mid ahaa madax-dhaqameedyadii ka qaybgalya doodda ayaa isna sheegay in odayaashu ay tubta toosan ku hagi karaan shacbaka, maadaama aysan iyagu weligood qori qaadan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-05-12 9:21 AM EST
Sabti, May 12, 2012(HOL) — Waxaa manta Magaalada Cabudwaaq ka dhacay isu imaatin loogu baroordiqayay Xildhibaannadi naftooda qaaliga ah ku waayay qaraxii ka dhacay magaalada Dhuusamareeb ee xarunta gobolka Galgaduud.

2012-05-12 9:11 AM EST
Sabti, May 12, 2012 (HOL) — Askari u dhashay dalka Uganad kana tirsanaa ciidanka AMSIOM ee ka howlgala Muqdisho ayaa la xukumay kaddib markii uu rasaas ka iibiyay wiil Soomaali ah.

2012-05-12 8:57 AM EST
Sabti, May 12, 2012 (HOL) — Waxaa maanta magaalada Doolow ee Gobolka Gedo tababar ciidan loogu soo xiray 1,500 oo askari kuwaasoo bilooyinkii u danbeeyay uu halkaasi uga socday tababar Militari.

2012-05-12 8:42 AM EST
Sabti, May 12, 2012 (HOL) — Dowladda Iiraan ayaa sheegtay inay dhawaan u dirayso Soomaaliya shixnadii 15-aad oo gargaar bani'aadamnimo ah, taasoo isugu jirta raashin iyo dawo.

2012-05-12 8:25 AM EST
Sabti, May 12, 2012 (HOL) — Madaxweynnaha Somaliland, Md: Axmed Maxamed Maxamuud Siillaanyo, iyo Wefti balaadhan oo uu hogaaminayo ayaa maanta safar shaqo ku tagay gobolka Awdal ee somaliland, waxaanu xadhiga ka jaray waddo cusub oo laga hirgaliyey Dilla ilaa Boorame.

2012-05-12 8:10 AM EST
Sabti, May 12, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in fikirka ku aaddan dastuurka ee Puntland ayaa ku sheegay mid la mid ah fikirka ay dadku ka qabaan dastuurka.

2012-05-12 7:28 AM EST
Sabti, May 12, 2012 (HOL) — Booliska Kenya ayaa xeryaha qoxootiga Dhadhaab ee dalka Kenya ku qabqabtay shalay gallinkii dambe illaa xalay in ka badan boqol qof, kuwaasoo lagu eedeeyay inay ku ku lug lahaayeen falalka amni-darro oo ka dhaca xeryahaas.

2012-05-12 6:26 AM EST
Sabti, May 12, 2012 (HOL) — Guddoomiyaha maamulka gobolka Hiiraan. Cabdifitaax Xasan Afrax ayaa sheegay in maamulkiisu uu wax badan ka qabtay muddadii uu xilka hayay arrimaha amaanka, samafalka iyo weliba dib-u-dhiska.

2012-05-12 6:26 AM EST
Sabti, May 12, 2012 (HOL) — Boqollaal Haween ah oo ay nolosha qoyskoodu ku tiirsanayd ka ganacsiga qaadka ayaa ka cabanaya shaqo la'aan iyo xaalado nolol xumo oo soo foodsaaray, kadib markii dhawaan xoogagga Al-shabaab ay gabi ahaanba mamnuuceen ka ganacsiga Qaadka.

2012-05-12 3:34 AM EST
Sabti, May 12, 2012 (HOL) — Maamul-goboleedka Puntland ayaa kasoo horjeestay dastuurka cusub ee Soomaaliya, iyagoo ku sheegay inuusan ahayn dastuur u qalma in lagu hoggaamiyo Soomaaliya.

2012-05-12 3:20 AM EST
Sabti, May 12, 2012 (HOL) — Xildhibaan Maxamed Raage oo ka mid ah xubanaha dowladda KMG ah ee ku sugan gobolka Jubbada hoose ayaa sheegay in ciidamada dowladda Soomaaliya ee gobolkaas ku sugan ay qabteen dagaalyahan Kenyan ah oo ka tirsan Al-shabaab.

2012-05-12 3:01 AM EST
Sabti, May 12, 2012 (HOL) — Hoggaamiyaha Al-Qaacida, Dr Ayman Al-Zawahiri oo Internet-ka soo diray cajalad maqal iyo muuqaal ah ayaa kula taliyay Al-shabaab in dagaalkooda ay u bedelaan qaab jabhadeyn ah ayna la dagaalamaan ciidamada DKMG ah iyo kuwa kale ee ku sugan Soomaaliya.

2012-05-12 1:58 AM EST
Sabti, May 12, 2012 - Waxaa magaalada Helsinki ee dalka Finland maanta lagu soo gabagabeeyay kulankii Qoreyaasha Soomaaliyeed ee shalay & maanta ka socday deegaannada Espoo Kiskus & Espoo Enteresse isla markaana ay ka soo qeybgaleen qeybaha bulshada Soomaaliyeed ee ku dhaqan magaalada Helsinki.

2012-05-12 1:24 AM EST
Sabti, May 12, 2012 (HOL) - Banaan baxaan oo salaaddii jimcaha kadib ka dhacay iridda hore xarunta weyn ee bangiga Wellsfargo ku leeyahay bartamaha magaalada Minneapolis ee Gobolka Minnesota, ayaa waxaa ka soo qeybgalay boqolaal Soomaali ah, oo ka gadoodsan wada-shaqeyn la’aanta bangiyada iyo xirnaashaha xawaaladaha Soomaalida.