2014-09-01
Today from Hiiraan Online:  _
Wararka Maanta- Sabti, May 12, 2012
Ganacsatadii Qaadka ku Iibin Jirtay Magaalada Kismaayo ee Gobolka Jubbada Hoose oo ka cabaneysa shaqo la'aan


Sabti, May 12, 2012 (HOL) — Boqollaal Haween ah oo ay nolosha qoyskoodu ku tiirsanayd ka ganacsiga qaadka ayaa ka cabanaya shaqo la'aan iyo xaalado nolol xumo oo soo foodsaaray, kadib markii dhawaan xoogagga Al-shabaab ay gabi ahaanba mamnuuceen ka ganacsiga Qaadka.

Qaar katirsan haweenkii ka ganacsan jiray Qaadka oo iyagoo ku sugan magaalada Kismaayo HOL u waramay ayaa sheegay in ay lasoo darastay dhibaato dhanka nolosha ah kadib markii la joojiyay ganacsiga Qaadka oo ay sheegeen in ay ka heli jireen nolol maalmeedkooda, waxayna sheegeen in aysan jirin wax shaqo ah oo ay haatan qabtaan islamarkaasina xaaladooda nololeed ay aad u liidato.

Haweenkan ayaa ka codsaday maamulka Xarakada Al-shabaab ee Jubooyinka in uu u abuuro shaqooyin kale oo ay ku maareeyaan nolosha Qoyskooda.

Qaar kamid ah haweenkii ka ganacsan jiray Qaadka ee ku sugnaa Gobollada Jubooyinka ayaa u barakacay dhanka magaalada Muqdisho ee Caasimadda dalka Soomaaliya, iyagoona halkaasi ka bilaabay ganacsigoodii dhanka Qaadka ahaa.

Iyadoo ay saameyn ku yeelatay dad badan oo cuni jiray ama ka ganacsan jiray mamnuucista ay xoogagga Al-shabaab ka mamnuuceen Jubooyinka , ayaa hadana waxa jiro dad fara badan oo siweyn usoo dhaweeyay mamnuucista Qaadka, kuwaasoo sheegay in uu ahaa maandooriye liddi ku ah dhaqaalaha qoyska iyo weliba maskaxda biniaadamka.

Xoogagga Al-shabaab ayaa dhawaan ka mamnuucay guud ahaan gobollada ay gacanta ku hayaan ee koonfurta Soomaaliya cunista iyo weliba ka ganacsiga Qaadka, iyagoona sheegay in tallaabo laga qaadi doono cidii isku dayda in ay Qaad soo geliso gobollada ay ka taliso Xarakada Al-shabaab.

Xasan Nuur, Hiiraan Online
hnur@hiiraan.com
Kismaayo, Soomaaliya





Post your comments

2012-05-12 9:21 AM EST
Sabti, May 12, 2012(HOL) — Waxaa manta Magaalada Cabudwaaq ka dhacay isu imaatin loogu baroordiqayay Xildhibaannadi naftooda qaaliga ah ku waayay qaraxii ka dhacay magaalada Dhuusamareeb ee xarunta gobolka Galgaduud.

2012-05-12 9:11 AM EST
Sabti, May 12, 2012 (HOL) — Askari u dhashay dalka Uganad kana tirsanaa ciidanka AMSIOM ee ka howlgala Muqdisho ayaa la xukumay kaddib markii uu rasaas ka iibiyay wiil Soomaali ah.

2012-05-12 8:57 AM EST
Sabti, May 12, 2012 (HOL) — Waxaa maanta magaalada Doolow ee Gobolka Gedo tababar ciidan loogu soo xiray 1,500 oo askari kuwaasoo bilooyinkii u danbeeyay uu halkaasi uga socday tababar Militari.

2012-05-12 8:42 AM EST
Sabti, May 12, 2012 (HOL) — Dowladda Iiraan ayaa sheegtay inay dhawaan u dirayso Soomaaliya shixnadii 15-aad oo gargaar bani'aadamnimo ah, taasoo isugu jirta raashin iyo dawo.

2012-05-12 8:25 AM EST
Sabti, May 12, 2012 (HOL) — Madaxweynnaha Somaliland, Md: Axmed Maxamed Maxamuud Siillaanyo, iyo Wefti balaadhan oo uu hogaaminayo ayaa maanta safar shaqo ku tagay gobolka Awdal ee somaliland, waxaanu xadhiga ka jaray waddo cusub oo laga hirgaliyey Dilla ilaa Boorame.

2012-05-12 8:10 AM EST
Sabti, May 12, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in fikirka ku aaddan dastuurka ee Puntland ayaa ku sheegay mid la mid ah fikirka ay dadku ka qabaan dastuurka.

2012-05-12 7:28 AM EST
Sabti, May 12, 2012 (HOL) — Booliska Kenya ayaa xeryaha qoxootiga Dhadhaab ee dalka Kenya ku qabqabtay shalay gallinkii dambe illaa xalay in ka badan boqol qof, kuwaasoo lagu eedeeyay inay ku ku lug lahaayeen falalka amni-darro oo ka dhaca xeryahaas.

2012-05-12 7:09 AM EST
Sabti, May 12, 2012 (HOL) — Hay'adda Midowga Dhallinyarada Soomaaliyeed (UYS) ayaa maanta dood-cilmiyeed hal-ku-dhiggiisu ahaa adkeynta nabada ugu qabatay Muqdisho odayaasha-dhaqanka.

2012-05-12 6:26 AM EST
Sabti, May 12, 2012 (HOL) — Guddoomiyaha maamulka gobolka Hiiraan. Cabdifitaax Xasan Afrax ayaa sheegay in maamulkiisu uu wax badan ka qabtay muddadii uu xilka hayay arrimaha amaanka, samafalka iyo weliba dib-u-dhiska.

2012-05-12 3:34 AM EST
Sabti, May 12, 2012 (HOL) — Maamul-goboleedka Puntland ayaa kasoo horjeestay dastuurka cusub ee Soomaaliya, iyagoo ku sheegay inuusan ahayn dastuur u qalma in lagu hoggaamiyo Soomaaliya.

2012-05-12 3:20 AM EST
Sabti, May 12, 2012 (HOL) — Xildhibaan Maxamed Raage oo ka mid ah xubanaha dowladda KMG ah ee ku sugan gobolka Jubbada hoose ayaa sheegay in ciidamada dowladda Soomaaliya ee gobolkaas ku sugan ay qabteen dagaalyahan Kenyan ah oo ka tirsan Al-shabaab.

2012-05-12 3:01 AM EST
Sabti, May 12, 2012 (HOL) — Hoggaamiyaha Al-Qaacida, Dr Ayman Al-Zawahiri oo Internet-ka soo diray cajalad maqal iyo muuqaal ah ayaa kula taliyay Al-shabaab in dagaalkooda ay u bedelaan qaab jabhadeyn ah ayna la dagaalamaan ciidamada DKMG ah iyo kuwa kale ee ku sugan Soomaaliya.

2012-05-12 1:58 AM EST
Sabti, May 12, 2012 - Waxaa magaalada Helsinki ee dalka Finland maanta lagu soo gabagabeeyay kulankii Qoreyaasha Soomaaliyeed ee shalay & maanta ka socday deegaannada Espoo Kiskus & Espoo Enteresse isla markaana ay ka soo qeybgaleen qeybaha bulshada Soomaaliyeed ee ku dhaqan magaalada Helsinki.

2012-05-12 1:24 AM EST
Sabti, May 12, 2012 (HOL) - Banaan baxaan oo salaaddii jimcaha kadib ka dhacay iridda hore xarunta weyn ee bangiga Wellsfargo ku leeyahay bartamaha magaalada Minneapolis ee Gobolka Minnesota, ayaa waxaa ka soo qeybgalay boqolaal Soomaali ah, oo ka gadoodsan wada-shaqeyn la’aanta bangiyada iyo xirnaashaha xawaaladaha Soomaalida.