2014-10-25
Today from Hiiraan Online:  _
Wararka Maanta- Sabti, May 12, 2012
Kulankii Qoreyaasha Soomaaliyeed oo lagu soo gabagabeeyay Helsinki Finland



Sabti, May 12, 2012 - Waxaa magaalada Helsinki ee dalka Finland maanta lagu soo gabagabeeyay kulankii Qoreyaasha Soomaaliyeed ee shalay & maanta ka socday deegaannada Espoo Kiskus & Espoo  Enteresse isla markaana ay ka soo qeybgaleen qeybaha bulshada Soomaaliyeed ee ku dhaqan magaalada Helsinki. Kulankaas oo ay maanta ka soo qeybgaleen isla markaasna ay hadallo ka jeediyeen mas'uuliyiin ka socotay dhinacyada waxbarashada & dhaqanka ee dalkaasi.

Waxaa markii ugu horreysay hadallo soo dhaweyn & bogaadin ah halkaasi ka soo jeediyay u qeybsanaha ama sarkaalka u qaabilsan qabanqaabooyinka banfhigyada dhaqamada kala duwan Mr. C/raxmaan Max'ud Cali "Jiimi", sidoo kalena waxaa halkaasi hadallo ka soo jeedisay agaasimaha dhaqamada xaafadda Espoo City, Mrs. Helena Vari & madaxa maktabadaha deegaanka Eva Jappinen.

Kulankan gebagabada ahaa waxaa ka soo qeybgalay in ka badan 180 - 220 ruux oo isugu jiray Haween, Carruur, Waayeel & Dhallinyaro, iyadoo halkaasina hadallo ay ka jeediyeen C/qaadir Cali Boolaay & Max'ed Sh. Xassan oo ku hadlaayay magaca Qoreyaasha Soomaaliyeed ammaan & mahad ballaaran u jeediyeen dadkii xafladihii shalay & maanta ka soo qeybgalay.

Dhinaca kale waxaa halkaasi hadallo ka jeediyay Inj. Max'ed Ibrahim Mursal hadallo ku aaddan sidii afka Soomaaliga uu ula hana qaadi lahaa toknolojiyada casriga ah ee maanta dunidan ka jirta.



Qoreyaashii maanta halkaasi ka hadlay waxaa ka mid ahaa;-

1.      Dr. C/qaadir Cali Boolaay
2.      Max’ed Sh. Xassan Nuur
3.  C/casiis Cali Ibrahim "Xildhiban"
4.      Macallin Bashiir Ismaaciil Cusmaan
5.      Eng. Max'ed Mursal "Ilka-case"

Haddaba waxaa iyadna halkaasi hadallo qiimo badan badan ka soo jeedisay madaxa Espoo Sello Library Sunniva Drake, waxaana furitaankii barnaamijkan ee maanta ka soo qeybgalay dad kor u dhaafayay 270 – 300 oo ruux oo isu jirtay qeybaha bulshada Soomaaliyeed eek u dhaqan magaaladaasi.





Post your comments

2012-05-12 9:21 AM EST
Sabti, May 12, 2012(HOL) — Waxaa manta Magaalada Cabudwaaq ka dhacay isu imaatin loogu baroordiqayay Xildhibaannadi naftooda qaaliga ah ku waayay qaraxii ka dhacay magaalada Dhuusamareeb ee xarunta gobolka Galgaduud.

2012-05-12 9:11 AM EST
Sabti, May 12, 2012 (HOL) — Askari u dhashay dalka Uganad kana tirsanaa ciidanka AMSIOM ee ka howlgala Muqdisho ayaa la xukumay kaddib markii uu rasaas ka iibiyay wiil Soomaali ah.

2012-05-12 8:57 AM EST
Sabti, May 12, 2012 (HOL) — Waxaa maanta magaalada Doolow ee Gobolka Gedo tababar ciidan loogu soo xiray 1,500 oo askari kuwaasoo bilooyinkii u danbeeyay uu halkaasi uga socday tababar Militari.

2012-05-12 8:42 AM EST
Sabti, May 12, 2012 (HOL) — Dowladda Iiraan ayaa sheegtay inay dhawaan u dirayso Soomaaliya shixnadii 15-aad oo gargaar bani'aadamnimo ah, taasoo isugu jirta raashin iyo dawo.

2012-05-12 8:25 AM EST
Sabti, May 12, 2012 (HOL) — Madaxweynnaha Somaliland, Md: Axmed Maxamed Maxamuud Siillaanyo, iyo Wefti balaadhan oo uu hogaaminayo ayaa maanta safar shaqo ku tagay gobolka Awdal ee somaliland, waxaanu xadhiga ka jaray waddo cusub oo laga hirgaliyey Dilla ilaa Boorame.

2012-05-12 8:10 AM EST
Sabti, May 12, 2012 (HOL) — Ra'iisul wasaaraha Soomaaliya, C/weli Maxamed Cali ayaa sheegay in fikirka ku aaddan dastuurka ee Puntland ayaa ku sheegay mid la mid ah fikirka ay dadku ka qabaan dastuurka.

2012-05-12 7:28 AM EST
Sabti, May 12, 2012 (HOL) — Booliska Kenya ayaa xeryaha qoxootiga Dhadhaab ee dalka Kenya ku qabqabtay shalay gallinkii dambe illaa xalay in ka badan boqol qof, kuwaasoo lagu eedeeyay inay ku ku lug lahaayeen falalka amni-darro oo ka dhaca xeryahaas.

2012-05-12 7:09 AM EST
Sabti, May 12, 2012 (HOL) — Hay'adda Midowga Dhallinyarada Soomaaliyeed (UYS) ayaa maanta dood-cilmiyeed hal-ku-dhiggiisu ahaa adkeynta nabada ugu qabatay Muqdisho odayaasha-dhaqanka.

2012-05-12 6:26 AM EST
Sabti, May 12, 2012 (HOL) — Guddoomiyaha maamulka gobolka Hiiraan. Cabdifitaax Xasan Afrax ayaa sheegay in maamulkiisu uu wax badan ka qabtay muddadii uu xilka hayay arrimaha amaanka, samafalka iyo weliba dib-u-dhiska.

2012-05-12 6:26 AM EST
Sabti, May 12, 2012 (HOL) — Boqollaal Haween ah oo ay nolosha qoyskoodu ku tiirsanayd ka ganacsiga qaadka ayaa ka cabanaya shaqo la'aan iyo xaalado nolol xumo oo soo foodsaaray, kadib markii dhawaan xoogagga Al-shabaab ay gabi ahaanba mamnuuceen ka ganacsiga Qaadka.

2012-05-12 3:34 AM EST
Sabti, May 12, 2012 (HOL) — Maamul-goboleedka Puntland ayaa kasoo horjeestay dastuurka cusub ee Soomaaliya, iyagoo ku sheegay inuusan ahayn dastuur u qalma in lagu hoggaamiyo Soomaaliya.

2012-05-12 3:20 AM EST
Sabti, May 12, 2012 (HOL) — Xildhibaan Maxamed Raage oo ka mid ah xubanaha dowladda KMG ah ee ku sugan gobolka Jubbada hoose ayaa sheegay in ciidamada dowladda Soomaaliya ee gobolkaas ku sugan ay qabteen dagaalyahan Kenyan ah oo ka tirsan Al-shabaab.

2012-05-12 3:01 AM EST
Sabti, May 12, 2012 (HOL) — Hoggaamiyaha Al-Qaacida, Dr Ayman Al-Zawahiri oo Internet-ka soo diray cajalad maqal iyo muuqaal ah ayaa kula taliyay Al-shabaab in dagaalkooda ay u bedelaan qaab jabhadeyn ah ayna la dagaalamaan ciidamada DKMG ah iyo kuwa kale ee ku sugan Soomaaliya.

2012-05-12 1:24 AM EST
Sabti, May 12, 2012 (HOL) - Banaan baxaan oo salaaddii jimcaha kadib ka dhacay iridda hore xarunta weyn ee bangiga Wellsfargo ku leeyahay bartamaha magaalada Minneapolis ee Gobolka Minnesota, ayaa waxaa ka soo qeybgalay boqolaal Soomaali ah, oo ka gadoodsan wada-shaqeyn la’aanta bangiyada iyo xirnaashaha xawaaladaha Soomaalida.