2014-10-22
Today from Hiiraan Online:  _
Wararka Maanta- Isniin, July 2 , 2012
Minnesota oo laga xusay 1-da July (SAWIRRO)



Isniin, July 02, 2012(HOL): Munaasibad lagu xusayay 1-da July oo ah maalintii ay Soomaaliya xornimada qaadatay, isla markaasina  ay israaceen gobolada koonfurta iyo waqooyiga Soomaaliya, ayaa lagu qabtay magaalada Minneapolis ee gobolka Minnesota oo ah halka ay Soomaalidu u badan tahay wadanka Mareykanka.

 Munaasibadda dabaaldegga oo ka dhacday bartamaha wado dheer oo dhexmarta magaalada Minneapolis, ayaa waxaa isugu soo ururay dadweyne aad u fara badan oo ka kala yimid degmooyinka kala duwan ee gobolka Minnesota.

Dadka dabaaldegayey, oo intooda badan muuqaalka ay ka sinaayeen uu ahaa midabka buuluga iyo cadaanka isugu jira ee calanka Soomaaliya, oo qaarkood ay luxayeen, halka qaar kalana ay dhar ahaan u soo xirteen, ayaa waxaa la hadlay aqoonyahano, waxgarad iyo siyaasiin isugu jira Soomaali iyo kuwo ka tirsan dowladda Mareykanka, kuwaasi oo dhammaantood ka sheekeeyey qiimaha ay bulsho waliba ay u leedahay maalintooda xornimada, iyo sida loogu baahan in maalintaan la weyneeyo.

Saciid faahiye, oo ah gudoomiyaha ururka isku’taga jaaliyada Soomaaliyeed ee gobolka Minnesota oo ugu horreyn ka hadlay madasha, ayaa sheegay in maalimtaan xornimadu ay tahay maalin ku weyn ummadda Soomaaliyeed oo ay u dabaaldegaan, taasina ay ka qeybqaadayaan Soomaalida Minnesota.


“Maanta waxaa halkaan isugu kaaya keenay in aan xusno maalinta xornimadeena oo ah maalin dhammaanteen, nagu weyn, waxaanse Illaahay ka baryeynaa in uu wadankeena nabad nooga dhigo,”  ayuu yiri Saciid Faahiye.

Saadiq Warfaa, oo isuguna ah nin u dhaqdhaqaaqa Soomaalida gobolka Minnesota, kana mid ahaa shaqsiyaadkii goobtaan ka hadlay, ayaa sheegay in maalintaan xornimada ay dad badani ku bixiyeen dhiig iyo maal, islamarkaasna looga baahan yahay bulshada Soomaaliyeed, gaar ahaan dhalinyaradu in ay ka qeybqaataan sidii loo soo celin lahaa qarannimo iyo ammaan dhab ah oo Soomaaliya ka hirgala.

Prof. Axmed Maxamed Qaadi, oo ka mid ah aqoonyahanada Soomaaliyeed meesha ka hadlay ayaa ka sheekeeyey ahmiyada ay maalinta xornimada Sooomaliya leedahay iyo sidii bulshada Soomaaliyeed ay isugu tiirsanayd maalintii xornimada la qaadayey.


“Xisbigiii Leegada iyo dadkii kala soo shaqeeyey dhalinta xornimadu waqti badan ayey galiyeen maalintaan, idinkana waxaa la idin kaga baahan yahay in iinaan marnaba illoobin ahmiyada maalintaan ay leedahay,” ayuu yiri Axmed Maxamed Qaadi.

“Waxaan ku faraxsanahay in aan maanta ka qeybqaato dagaaldega xornimadeena, waana maalin nagu weyn dhammaanteen haddii aan nahay Soomaali, waxaase loo baahan yahay in aan dhammaanteen sidaan oo kale ka wada shaqeyno sidii aan wadankeena nabad uga dhigi lahayn,” sidaasi waxaa yiri isaguna goobta ka Maxamed Guuleed, oo madax ka ah shirkad ganacsi oo lagu magacaabo Daa’us, oo iyadu munaasibadaan dagaaldaga maalgalisay.

Munaasibadaan oo abaabulka iyo isku dubbaridkeeda ay waqti iyo maal badan galiyeen dhalinyaro Soomaaliyeed oo wadaniyiin ah, ayaa lagu tilmaamay in ahayd middii ugu horaysay oo soo jiidatay indhaha kumanaan ruux, islamarkaasina loogu dabaaldegayo xornimo Soomaaliyeed oo lagu qabto gobolka Minnesota, iyadoona lagu soo bandhigayay xoolo nool sida geel, goob ay ubudku ku ciyaaraan xiligooda damaashaadka,  ciyaaro dhaqameed, sugaan isugu jirtay gabayo, dhaanto iyo waliba heeso wadani u badnaa oo ay goobta ka qaadayeen kooxo fanaaniin ah.









Maxamed Faarax Talyaani, Hiiraan Online
mtalyaani@hiiraan.com
Minnesota, Minneapolisa





Post your comments

2012-07-02 6:52 PM EST
Talaado, July 03, 2012(HOL): Xaflad lagu soo bandhigayey buug uu qorey Abwaan Mustafe Sh Cilmi oo la magac baxay DAL MASIIBO DABBAASHAY DAREEN HOY U AHAADAY ayaa lagu qabtey magaalada Stockhlom ee dalka Sweden.

2012-07-02 1:57 PM EST
Isniin, July 02, 2012(HOL): Waxaa maanta si rasmi ah uga furmay xarunta wasaarada arrimaha dibadda Talyaaniga shirkii kooxda xariirka calamiga ah ee Soomaaliya ( International Contact Group ICG ), waxaana shirkaas ka qayb galaya Dowladda Federalka KMG ah ee Soomaaliya maamullada Puntland, Galmudug, iyo Ururka Ahlusuna Waljameec. Shirkani waxaa uu furmay 2-dii duhurnimo waxaana uu socon doonaa mudo laba cisho ah.

2012-07-02 8:59 AM EST
Isniin, July 02, 2012 (HOL) — Danjirihii Mareykanka ee dalka Itoobiya, David Shinn ahna siyaasi ka faallooda arrimaha siyaasadda geeska Afrika ayaa soo dhaweeyay wadahadallada u billowday Soomaaliya iyo Somaliland, isagoo ku tilmaamay kuwo meesha ka saari kara khilaafkii labada dhinac u dhexeeyay.

2012-07-02 8:53 AM EST
Isagoo dhawaananba ku sugnaa magaalada Nairobi ee xarunta dalka Kenya ayaa ra'iisul wasaarihii hore ee Soomaaliya Maxamed C/laahi Farmaajo uu kumannaan dadweyne ah kula hadlay xaafada Easleigh ee Soomaalidu ka dagantahay magaalada Nairobi ee xarunta dalka Kenya .

2012-07-02 8:17 AM EST
Isniin, July 02, 2012 (HOL) — Xaafadda gubta oo ka tirsan degmada Dayniile ee gobolka Banaadir ayaa maanta lagu arkay maydadka laba haween ah oo la dilay, kuwaasoo la sheegay inay wateen ukun fara badan.

2012-07-02 8:13 AM EST
Isniin, July 02, 2012 (HOL) — Dowladda KMG, maamulka Puntland iyo Mareykanka ayaa si isku mid ah u cambaareeyay qaraxyadii ka dhacay magaalada Gaarisa oo ay ku dhinteen 17-qof ayna ku dhaawacmeen 50-qof iyo afduubyada shaqaalaha gargaarka.

2012-07-02 7:41 AM EST
Isniin, July 02, 2012 (HOL) — Siminnaarkan oo ay ka qaybagleen 150 haween ah ayaa waxaa soo qaban-qaabisay hay'adda Midowga Dhallinyarada Soomaaliya UYS iyadoo xubnaha ka qaybgalay ay ku jireen mas'uuliyiin ka tirsan dowladda DKMG ah.

2012-07-02 7:25 AM EST
Isniin, July 02, 2012 (HOL) — Magaalada Toronto ee dalka Kanada ayaa waxaa lagu qabtay xaflad ballaaran oo lagu taageerayay murashaxnimada ra'iisul wasaaraha Soomaaliya, C/weli Maxamed Cali Gaas isla markaana lagu taageerayay waxqabadka xukuumaddiisa muddadii halka sano ahayd ee ay shaqeynaysay.

2012-07-02 5:03 AM EST
Isniin, July 02, 2012 (HOL) — C/raxmaan C/shakuur Warsame oo ka mid ah xubnaha u tagaan xilka madaxnimo ee Soomaaliya oo shalay ka qaybgalayay xaflad loo qabtay xuska 1-da Luuliyo ayaa sheegay in wadahadallada Soomaaliya iyo Somaliland ay ka weyn yihiin olole loo isticmaalo doorasho.

2012-07-02 4:37 AM EST
Isniin, July 02, 2012 (HOL) — Ugu yaraan 10-qof oo labada dhinac ah ayaa lagu dilay dagaal culus oo xalay duleedka degmada Xudur ee gobolka Bakool ku dhexmaray ciidamada DKMG ah oo garansanaya kuwa Itoobiya iyo xoogagga Al-shabaab.

2012-07-02 4:09 AM EST
Isniin, July 02, 2012 (HOL) — Saraakiil u hadlay ciidamada DKMG ah iyo kuwa Kenya ee ku sugan Koonfurta Soomaliya ayaa sheegay Isniinta maanta ah in howgal ay si wadajir ah xalay u sameeyeen kusoo furteen afar ruux ajnabi ah kuwaasoo saddex maalmood ka hor laga afduubay xeryaha qoxootiga Dhadhaab-Kenya.

2012-07-02 2:49 AM EST
Isniin, July 02, 2012 (HOL) — Shirkii shanaad ee guddida haga arrimaha duulista Soomaaliya (Steering Committee) ayaa lagu qabtay magaalada Montreal ee xaruunta hay'adda Qaramada Midoobay u qaabilsan duulista hawada ee ICAO (International Civil Aviation Organization) 28-kii bishii lasoo dhaafay ee Juun.