3/19/2024
Today from Hiiraan Online:  _
Wararka Maanta- Isniin, July 2 , 2012
Shirkii Kooxda Xariirka Caalamiga ah oo Roma ka furmay


Isniin, July 02, 2012(HOL): Waxaa maanta si rasmi ah uga furmay xarunta wasaarada arrimaha dibadda Talyaaniga  shirkii kooxda xariirka calamiga ah ee Soomaaliya ( International Contact Group ICG ), waxaana  shirkaas ka qayb galaya Dowladda Federalka KMG ah ee Soomaaliya maamullada Puntland, Galmudug, iyo Ururka Ahlusuna Waljameec. Shirkani waxaa uu furmay 2-dii duhurnimo  waxaana  uu socon doonaa mudo laba cisho ah.

Waxaa shirka furay wasiirka arimaha dibadda Talyaaniga Giulio Terzi waxaana uu kaga hadlay khudbaddiisa horumarka dhan kasta leh oo ka socda Soomaaliya kaasoo ay hormuud ka tahay dowladda KMG ah  iyadoo garab ka helaysaa wadadamada ku bahoobay urur Gobleedka IGAD iyo midowga Africa. Waxaa kale oo wasiirka ku soo hadal qaaday xariirka soo jireenka ah oo ka dhaxeeya dowladda Talyaaniga iyo Soomaaliya isagoona goobta ka caddeeyey in Talyaanigu la garab taagan yahay shacabka Soomaalyeed taageero dhinac kasta leh.

Ra’iisul Soomaaliya Dr. Cabdiweli Maxamed Cali Gaas  ayaa ka soo jeediyay shirka  khudbad aad u qiimo badan isagoo ka warbixiyey guulaha is-daba joogga ah ee ay gaareen ciidamada qalabka sida ee Soomaaliya iyo kuwa Amisom, waxaana Ra”iisul wasaare Gaas sheegay in bishii la soo dhaafay ay gacanta dowladda ku soo noqotay degmooyinka Afgooye iyo Balcad oo ah meelo aad muhiim ugu ah isu socodka gobollada dalka.

Waxaa kale oo Ra’iisul wasaaruhu sheegay in dowladdiisa meel gabagabo ah marinayso qodobadii ku xusnaa Roadmap-ka iyadoo Odayaasha dhaqanka  ay ku guda jiraan sidii loo soo gudbin lahaa ergooyinkii ansixin lahaa Dastuurka dalka.

Sidoo kale Ra’iisul wasaare Gaas ayaa u sheegay ka soo qaybgalayaasha shirka in ciidamadda qalabka sida ee Soomaaliya ay ku guulaysteen in ay xoog ku soo furtaan saaka waabarigii la haystayaal laga soo afduubtay usbuucii la soo dhaafay  xerada qaxootiga Dhadhaab ee dalka Kenya, kuwaasoo u shaqaynayey Norwegian Refugee Council , sidoo kale Ra’iisul wasaare Gaas waxaa uu cambaareeey kooxda argagaxisada ah ee Al-shabaab qaraxyadii shalay ay ka gaysteen Kaniisad ku taalla magaalada Gaarisa ee dalka Kenya.

Shirkaan oo ah kii ugu dambeeyay oo ay soo qaban qaabiso kooxda xariirka caalamiga (International Contact Group) xiliga KMG ah  ayaa socon doona muddo labo cisho ah, waxaana looga hadli doonaa qodobo ay ka mid yihiin:

1.     Dhameystirka xilliga kala guurka ah

2.     Sidii loo wajihii lahaa wixii ka danbeeya kala guurka

3.     In dabagal lagu sameeyo go’aannadii ka soo baxay shirkii Istanbuul iyo London

4.     Arrimaha ku saabsan amniga iyo cadaaladda

5.     Sidii dib u habeyn loogu sameyn lahaa kooxda xiriirka caalamiga ah

6.      Sidii loo taageeri lahaa AMISOM & ciidamada nabadgelyadda Soomaaliya.


 













Click here
7/2/2012 6:52 PM EST
Talaado, July 03, 2012(HOL): Xaflad lagu soo bandhigayey buug uu qorey Abwaan Mustafe Sh Cilmi oo la magac baxay DAL MASIIBO DABBAASHAY DAREEN HOY U AHAADAY ayaa lagu qabtey magaalada Stockhlom ee dalka Sweden.

7/2/2012 5:51 PM EST
Isniin, July 02, 2012(HOL): Munaasibad lagu xusayay 1-da July oo ah maalintii ay Soomaaliya xornimada qaadatay, isla markaasina ay israaceen gobolada koonfurta iyo waqooyiga Soomaaliya, ayaa lagu qabtay magaalada Minneapolis ee gobolka Minnesota oo ah halka ay Soomaalidu u badan tahay wadanka Mareykanka.

7/2/2012 8:59 AM EST
Isniin, July 02, 2012 (HOL) — Danjirihii Mareykanka ee dalka Itoobiya, David Shinn ahna siyaasi ka faallooda arrimaha siyaasadda geeska Afrika ayaa soo dhaweeyay wadahadallada u billowday Soomaaliya iyo Somaliland, isagoo ku tilmaamay kuwo meesha ka saari kara khilaafkii labada dhinac u dhexeeyay.

7/2/2012 8:53 AM EST
Isagoo dhawaananba ku sugnaa magaalada Nairobi ee xarunta dalka Kenya ayaa ra'iisul wasaarihii hore ee Soomaaliya Maxamed C/laahi Farmaajo uu kumannaan dadweyne ah kula hadlay xaafada Easleigh ee Soomaalidu ka dagantahay magaalada Nairobi ee xarunta dalka Kenya .

7/2/2012 8:17 AM EST
Isniin, July 02, 2012 (HOL) — Xaafadda gubta oo ka tirsan degmada Dayniile ee gobolka Banaadir ayaa maanta lagu arkay maydadka laba haween ah oo la dilay, kuwaasoo la sheegay inay wateen ukun fara badan.

7/2/2012 8:13 AM EST
Isniin, July 02, 2012 (HOL) — Dowladda KMG, maamulka Puntland iyo Mareykanka ayaa si isku mid ah u cambaareeyay qaraxyadii ka dhacay magaalada Gaarisa oo ay ku dhinteen 17-qof ayna ku dhaawacmeen 50-qof iyo afduubyada shaqaalaha gargaarka.

7/2/2012 7:41 AM EST
Isniin, July 02, 2012 (HOL) — Siminnaarkan oo ay ka qaybagleen 150 haween ah ayaa waxaa soo qaban-qaabisay hay'adda Midowga Dhallinyarada Soomaaliya UYS iyadoo xubnaha ka qaybgalay ay ku jireen mas'uuliyiin ka tirsan dowladda DKMG ah.

7/2/2012 7:25 AM EST
Isniin, July 02, 2012 (HOL) — Magaalada Toronto ee dalka Kanada ayaa waxaa lagu qabtay xaflad ballaaran oo lagu taageerayay murashaxnimada ra'iisul wasaaraha Soomaaliya, C/weli Maxamed Cali Gaas isla markaana lagu taageerayay waxqabadka xukuumaddiisa muddadii halka sano ahayd ee ay shaqeynaysay.

7/2/2012 5:03 AM EST
Isniin, July 02, 2012 (HOL) — C/raxmaan C/shakuur Warsame oo ka mid ah xubnaha u tagaan xilka madaxnimo ee Soomaaliya oo shalay ka qaybgalayay xaflad loo qabtay xuska 1-da Luuliyo ayaa sheegay in wadahadallada Soomaaliya iyo Somaliland ay ka weyn yihiin olole loo isticmaalo doorasho.

7/2/2012 4:37 AM EST
Isniin, July 02, 2012 (HOL) — Ugu yaraan 10-qof oo labada dhinac ah ayaa lagu dilay dagaal culus oo xalay duleedka degmada Xudur ee gobolka Bakool ku dhexmaray ciidamada DKMG ah oo garansanaya kuwa Itoobiya iyo xoogagga Al-shabaab.

7/2/2012 4:09 AM EST
Isniin, July 02, 2012 (HOL) — Saraakiil u hadlay ciidamada DKMG ah iyo kuwa Kenya ee ku sugan Koonfurta Soomaliya ayaa sheegay Isniinta maanta ah in howgal ay si wadajir ah xalay u sameeyeen kusoo furteen afar ruux ajnabi ah kuwaasoo saddex maalmood ka hor laga afduubay xeryaha qoxootiga Dhadhaab-Kenya.

7/2/2012 2:49 AM EST
Isniin, July 02, 2012 (HOL) — Shirkii shanaad ee guddida haga arrimaha duulista Soomaaliya (Steering Committee) ayaa lagu qabtay magaalada Montreal ee xaruunta hay'adda Qaramada Midoobay u qaabilsan duulista hawada ee ICAO (International Civil Aviation Organization) 28-kii bishii lasoo dhaafay ee Juun.