2014-10-25
Today from Hiiraan Online:  _
Wararka Maanta- Isniin, July 2 , 2012
Danjire David Shinn: "Wadahadalada Soomaaliya iyo Somaliland waxay meesha ka saarayaan is-faham la'aantii mudada dheer jirtay"


Isniin, July 02, 2012 (HOL) — Danjirihii Mareykanka ee dalka Itoobiya, David Shinn ahna siyaasi ka faallooda arrimaha siyaasadda geeska Afrika ayaa soo dhaweeyay wadahadallada u billowday Soomaaliya iyo Somaliland, isagoo ku tilmaamay kuwo meesha ka saari kara khilaafkii labada dhinac u dhexeeyay.

Kulanka madaxweynaha Soomaaliya iyo madaxweynaha Somaliland ee ka dhacay magaalada Dubai ayuu ku tilmaamay mid horumar ah, isagoo ku boorriyay madaxda Soomaalida inay kulammada sii wadaan.

“Waxaan soo dhawaynayaa kulankii dhexmaray Seekh Shariiif iyo Axmed Siilaanyo ee ka dhacay magaalada Dubai, wadahadaladaas waxay meesha ka saarayaan is-faham la’aantii mudada dheer ka dhaxeysay labada dhinac,” ayuu yiri David Shinn.

Kulammada Soomaaliya iyo Somaliland ayaa waxay qayb ka ahaayeen qodobbadii kasoo baxay shirkii London lagu qabtay bishii Feberaayo ee sannadkan, waxaana labadii ergo ee kala matalaysay labada dhinac ay bishii hore ku kulmeen duleedka London.

“Haddii aan dareykeyga ka hadlo wadahadalka Somaliland iyo Soomaaliya waxay xal u noqonayaan inay labada dhinac kasoo dabcaa halkii ay markii hore kala joogeen, waxaana xusid mudan in Soomaaliya ay muddo dheer ka jireen dagaallo iyo xasilooni-darro, Somalilandna indho-gooniya ayay ku eegaysaa wadhadalladan si ay dowladda dambe ee bedelaysa midad hadda jirta ula sii waddo wadahadalladan," ayuu yiir David Shinn.

Ugu dambeyn, danjire Shinn oo wareysi siinayay telefishinka afka Soomaaliga ku hadla ee Horn-Cabel ayaa la weydiiyay sababta Maraykanku uu u dhiirri-gelin la'a yahay in Somaliland ay aqoonsi hesho ayuu wuxuu kaga jawaabay in aqoonsiga Somaliland uu yahay mid u yaalla Ururka Midowga Afrika, Mareykankuna uusan awood u lahayn inuu aqoosi siiyo.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-07-02 6:52 PM EST
Talaado, July 03, 2012(HOL): Xaflad lagu soo bandhigayey buug uu qorey Abwaan Mustafe Sh Cilmi oo la magac baxay DAL MASIIBO DABBAASHAY DAREEN HOY U AHAADAY ayaa lagu qabtey magaalada Stockhlom ee dalka Sweden.

2012-07-02 5:51 PM EST
Isniin, July 02, 2012(HOL): Munaasibad lagu xusayay 1-da July oo ah maalintii ay Soomaaliya xornimada qaadatay, isla markaasina ay israaceen gobolada koonfurta iyo waqooyiga Soomaaliya, ayaa lagu qabtay magaalada Minneapolis ee gobolka Minnesota oo ah halka ay Soomaalidu u badan tahay wadanka Mareykanka.

2012-07-02 1:57 PM EST
Isniin, July 02, 2012(HOL): Waxaa maanta si rasmi ah uga furmay xarunta wasaarada arrimaha dibadda Talyaaniga shirkii kooxda xariirka calamiga ah ee Soomaaliya ( International Contact Group ICG ), waxaana shirkaas ka qayb galaya Dowladda Federalka KMG ah ee Soomaaliya maamullada Puntland, Galmudug, iyo Ururka Ahlusuna Waljameec. Shirkani waxaa uu furmay 2-dii duhurnimo waxaana uu socon doonaa mudo laba cisho ah.

2012-07-02 8:53 AM EST
Isagoo dhawaananba ku sugnaa magaalada Nairobi ee xarunta dalka Kenya ayaa ra'iisul wasaarihii hore ee Soomaaliya Maxamed C/laahi Farmaajo uu kumannaan dadweyne ah kula hadlay xaafada Easleigh ee Soomaalidu ka dagantahay magaalada Nairobi ee xarunta dalka Kenya .

2012-07-02 8:17 AM EST
Isniin, July 02, 2012 (HOL) — Xaafadda gubta oo ka tirsan degmada Dayniile ee gobolka Banaadir ayaa maanta lagu arkay maydadka laba haween ah oo la dilay, kuwaasoo la sheegay inay wateen ukun fara badan.

2012-07-02 8:13 AM EST
Isniin, July 02, 2012 (HOL) — Dowladda KMG, maamulka Puntland iyo Mareykanka ayaa si isku mid ah u cambaareeyay qaraxyadii ka dhacay magaalada Gaarisa oo ay ku dhinteen 17-qof ayna ku dhaawacmeen 50-qof iyo afduubyada shaqaalaha gargaarka.

2012-07-02 7:41 AM EST
Isniin, July 02, 2012 (HOL) — Siminnaarkan oo ay ka qaybagleen 150 haween ah ayaa waxaa soo qaban-qaabisay hay'adda Midowga Dhallinyarada Soomaaliya UYS iyadoo xubnaha ka qaybgalay ay ku jireen mas'uuliyiin ka tirsan dowladda DKMG ah.

2012-07-02 7:25 AM EST
Isniin, July 02, 2012 (HOL) — Magaalada Toronto ee dalka Kanada ayaa waxaa lagu qabtay xaflad ballaaran oo lagu taageerayay murashaxnimada ra'iisul wasaaraha Soomaaliya, C/weli Maxamed Cali Gaas isla markaana lagu taageerayay waxqabadka xukuumaddiisa muddadii halka sano ahayd ee ay shaqeynaysay.

2012-07-02 5:03 AM EST
Isniin, July 02, 2012 (HOL) — C/raxmaan C/shakuur Warsame oo ka mid ah xubnaha u tagaan xilka madaxnimo ee Soomaaliya oo shalay ka qaybgalayay xaflad loo qabtay xuska 1-da Luuliyo ayaa sheegay in wadahadallada Soomaaliya iyo Somaliland ay ka weyn yihiin olole loo isticmaalo doorasho.

2012-07-02 4:37 AM EST
Isniin, July 02, 2012 (HOL) — Ugu yaraan 10-qof oo labada dhinac ah ayaa lagu dilay dagaal culus oo xalay duleedka degmada Xudur ee gobolka Bakool ku dhexmaray ciidamada DKMG ah oo garansanaya kuwa Itoobiya iyo xoogagga Al-shabaab.

2012-07-02 4:09 AM EST
Isniin, July 02, 2012 (HOL) — Saraakiil u hadlay ciidamada DKMG ah iyo kuwa Kenya ee ku sugan Koonfurta Soomaliya ayaa sheegay Isniinta maanta ah in howgal ay si wadajir ah xalay u sameeyeen kusoo furteen afar ruux ajnabi ah kuwaasoo saddex maalmood ka hor laga afduubay xeryaha qoxootiga Dhadhaab-Kenya.

2012-07-02 2:49 AM EST
Isniin, July 02, 2012 (HOL) — Shirkii shanaad ee guddida haga arrimaha duulista Soomaaliya (Steering Committee) ayaa lagu qabtay magaalada Montreal ee xaruunta hay'adda Qaramada Midoobay u qaabilsan duulista hawada ee ICAO (International Civil Aviation Organization) 28-kii bishii lasoo dhaafay ee Juun.