3/19/2024
Today from Hiiraan Online:  _
Wararka Maanta- Isniin, July 2 , 2012
Dowladda KMG, Puntland iyo Mareykanka oo cambaareeyay Weeraradii Gaarisa iyo Afduubyada Shaqaalaha Gargaarka
Isniin, July 02, 2012 (HOL) — Dowladda KMG, maamulka Puntland iyo Mareykanka ayaa si isku mid ah u cambaareeyay qaraxyadii ka dhacay magaalada Gaarisa oo ay ku dhinteen 17-qof ayna ku dhaawacmeen 50-qof iyo afduubyada shaqaalaha gargaarka.

Ra'iisul wasaaraha Soomaaliya, C/weli Maxamed Cali oo isagoo Nairobi ku sugan la hadlay BBC-da ayaa sheegay in weeraradaas ay mas'uul ka tahay Al-shabaab ayna ahaayeen kuwo wuxuushnimo ah, isagoo xusay inay DKMG ah cambaareynayso.

"Weerarkaas iyo afduubyada ka dhacaya Kenya waxaa mas'uul ka ah Al-shabaab, waxaana ku baaqaynaa in dagaal wadajir ah lala galo," ayuu ra'iisul wasaaruhu yiri isagoo sheegay in Al-shabaab ay khatar weyn ku tahay ammaanka Bariga Afrika.

Maamulka Puntland ayaa isaguna warsaxaafadeed uu soo saaray ku sheegay inay aad uga xun yihiin weeraradii ka dhacay magaalada Gaarisa iyo afduubyadii loo geystay shaqaalaha samafalka.

"Puntland waxay cambaareynaysaa qaraxyadii iyo weerarkii tooska ahaa ee lagu qaaday dadka shacabka ah iyo afduubyada shaqaalaha gargarka," ayaa lagu yiri warsaxaafadeedka ay soo saartay Puntlnad.

Mas'uuliyiinta Puntlad waxay ku tilmaameen weerarkii lagu qaaday kaniisadaha ku yaalla magaalada Gaarisa inay yihiin kuwo lagu doonayo in lagu abuuro shaki soo dhexgala shacabka ku nool Kenya.

"Waxaan aaminsannahay in weerarkan iyo afduubka shaqaaalaha samafalka ay yihiin kuwo lagu doonayo in lagu carqaladeeyo howlaha samafalka ah ee ka socda xeryaha qoxootiga iyo kuwo lagu doonayo inay dadku u diraan qaab diineed," ayay Putland ku sheegay qoraalkeeda.

Sidoo kale, warsaxaafadeed kasoo baxay Aqalka Cad ee Mareykanka ayaa lagu sheegay in weerarkii kaniisadaha Kenya, afduubkii iyo dilkii shaqaalaha gargaarka ay muujinayaan inaan la xushmeynayn sharafta iyo nolosha bani'aadamka, waxaana la codsaday in cadaaladda la horkeeno kuwii ka dambeeyay falalkaas.

Maxamed Cismaan oo ah wiil Soomaaliyeed oo cilmiga kambiyuutarka ka barta Nairobi ayaa weerarkii ka dhacay Gaarisa ku tilmaamay mid aad u fool xun isagoo yiri: "Waxaa maxay sababta loo dilayo dad aan waxba galabsan, dad cibaado ku jiray? Ma garanayo waxa xigi doona."

Dadweynaha Kenyanka ah ayaa waxay baqdin weyn ka qabaan in falalkan ay abuuraan dilal u dhexeeya dadka diimaha kala duwan haysta ee Kenya ku nool, iyadoo maanta ay degmada Gaarisa booqdeen xubno uu ka mid yahay ra'iisul wasaaraha Kenya, Raila Odinga.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
7/2/2012 6:52 PM EST
Talaado, July 03, 2012(HOL): Xaflad lagu soo bandhigayey buug uu qorey Abwaan Mustafe Sh Cilmi oo la magac baxay DAL MASIIBO DABBAASHAY DAREEN HOY U AHAADAY ayaa lagu qabtey magaalada Stockhlom ee dalka Sweden.

7/2/2012 5:51 PM EST
Isniin, July 02, 2012(HOL): Munaasibad lagu xusayay 1-da July oo ah maalintii ay Soomaaliya xornimada qaadatay, isla markaasina ay israaceen gobolada koonfurta iyo waqooyiga Soomaaliya, ayaa lagu qabtay magaalada Minneapolis ee gobolka Minnesota oo ah halka ay Soomaalidu u badan tahay wadanka Mareykanka.

7/2/2012 1:57 PM EST
Isniin, July 02, 2012(HOL): Waxaa maanta si rasmi ah uga furmay xarunta wasaarada arrimaha dibadda Talyaaniga shirkii kooxda xariirka calamiga ah ee Soomaaliya ( International Contact Group ICG ), waxaana shirkaas ka qayb galaya Dowladda Federalka KMG ah ee Soomaaliya maamullada Puntland, Galmudug, iyo Ururka Ahlusuna Waljameec. Shirkani waxaa uu furmay 2-dii duhurnimo waxaana uu socon doonaa mudo laba cisho ah.

7/2/2012 8:59 AM EST
Isniin, July 02, 2012 (HOL) — Danjirihii Mareykanka ee dalka Itoobiya, David Shinn ahna siyaasi ka faallooda arrimaha siyaasadda geeska Afrika ayaa soo dhaweeyay wadahadallada u billowday Soomaaliya iyo Somaliland, isagoo ku tilmaamay kuwo meesha ka saari kara khilaafkii labada dhinac u dhexeeyay.

7/2/2012 8:53 AM EST
Isagoo dhawaananba ku sugnaa magaalada Nairobi ee xarunta dalka Kenya ayaa ra'iisul wasaarihii hore ee Soomaaliya Maxamed C/laahi Farmaajo uu kumannaan dadweyne ah kula hadlay xaafada Easleigh ee Soomaalidu ka dagantahay magaalada Nairobi ee xarunta dalka Kenya .

7/2/2012 8:17 AM EST
Isniin, July 02, 2012 (HOL) — Xaafadda gubta oo ka tirsan degmada Dayniile ee gobolka Banaadir ayaa maanta lagu arkay maydadka laba haween ah oo la dilay, kuwaasoo la sheegay inay wateen ukun fara badan.

7/2/2012 7:41 AM EST
Isniin, July 02, 2012 (HOL) — Siminnaarkan oo ay ka qaybagleen 150 haween ah ayaa waxaa soo qaban-qaabisay hay'adda Midowga Dhallinyarada Soomaaliya UYS iyadoo xubnaha ka qaybgalay ay ku jireen mas'uuliyiin ka tirsan dowladda DKMG ah.

7/2/2012 7:25 AM EST
Isniin, July 02, 2012 (HOL) — Magaalada Toronto ee dalka Kanada ayaa waxaa lagu qabtay xaflad ballaaran oo lagu taageerayay murashaxnimada ra'iisul wasaaraha Soomaaliya, C/weli Maxamed Cali Gaas isla markaana lagu taageerayay waxqabadka xukuumaddiisa muddadii halka sano ahayd ee ay shaqeynaysay.

7/2/2012 5:03 AM EST
Isniin, July 02, 2012 (HOL) — C/raxmaan C/shakuur Warsame oo ka mid ah xubnaha u tagaan xilka madaxnimo ee Soomaaliya oo shalay ka qaybgalayay xaflad loo qabtay xuska 1-da Luuliyo ayaa sheegay in wadahadallada Soomaaliya iyo Somaliland ay ka weyn yihiin olole loo isticmaalo doorasho.

7/2/2012 4:37 AM EST
Isniin, July 02, 2012 (HOL) — Ugu yaraan 10-qof oo labada dhinac ah ayaa lagu dilay dagaal culus oo xalay duleedka degmada Xudur ee gobolka Bakool ku dhexmaray ciidamada DKMG ah oo garansanaya kuwa Itoobiya iyo xoogagga Al-shabaab.

7/2/2012 4:09 AM EST
Isniin, July 02, 2012 (HOL) — Saraakiil u hadlay ciidamada DKMG ah iyo kuwa Kenya ee ku sugan Koonfurta Soomaliya ayaa sheegay Isniinta maanta ah in howgal ay si wadajir ah xalay u sameeyeen kusoo furteen afar ruux ajnabi ah kuwaasoo saddex maalmood ka hor laga afduubay xeryaha qoxootiga Dhadhaab-Kenya.

7/2/2012 2:49 AM EST
Isniin, July 02, 2012 (HOL) — Shirkii shanaad ee guddida haga arrimaha duulista Soomaaliya (Steering Committee) ayaa lagu qabtay magaalada Montreal ee xaruunta hay'adda Qaramada Midoobay u qaabilsan duulista hawada ee ICAO (International Civil Aviation Organization) 28-kii bishii lasoo dhaafay ee Juun.