2014-10-20
Today from Hiiraan Online:  _
Wararka Maanta- Isniin, July 2 , 2012
Siminaar looga hadlayay Kaalinta Haweenku ka qaadan karaan Horumarinta Nabadda oo lagu qabtay Muqdisho




Isniin, July 02, 2012 (HOL) — Siminnaarkan oo ay ka qaybagleen 150 haween ah ayaa waxaa soo qaban-qaabisay hay'adda Midowga Dhallinyarada Soomaaliya UYS iyadoo xubnaha ka qaybgalay ay ku jireen mas'uuliyiin ka tirsan dowladda DKMG ah.

Guddoomiyaha ururka haweenka gobolka Banaadir, Marwo Jawaahir Baarqab kana mid ah haweenka qurba-joogta ah ayaa ka hadashay heerarkii kala duwanaa ee ay soo mareen haweenka, waxayna sheegtay in haweenka mar kasta ay ragga uga dadaal badan yihiin u damqashada dhallinyarada.

"Waa haweenka kuwa maanta u taagan badbaadinta dalka iyo dadka," ayay tiri Jawaahir Baarqab oo intaas ku dartay in horumarka maanta dalka ka jira iyo guulaha la gaaray ay haweenku kaalin weyn ku leeyihiin.

Xaawo Maxamuud Cali (Xaawo Kiin) oo ka mid ah guddiga haweenka UYS ayaa ka dhawaajisay in qaabka ugu habboon ee lagu wacyi-gelin karo haweenka ku sugan goobaha ay Al-shabaab maamulaan uu yahay farriimaha la isku diro, waxayna soo jeedisay in haweenka goobahaas ku sugan loo furo siminaarro lagu wacyi-gelinayo si ay uga qayb-qaataan inaan haweenka la marin habaabin.




Sidoo kale, Raxmo Daahir oo UYS ka tirsan ayaa iyadana ka hadashay sidii dallad ay ku mideysan yihiin loogu sameyn karo haweenka Soomaaliyeed, waxayna tilmaantay in haweenka iyagoo kaashanaya wasaaradda haweenka ama madax-bannaan ay sameyn karaan dallad mideysa, waxayna ku boorrisay haweenka inay ka fogaadaan qabyaaladda.

Dhanka kale, Cafoon Wehliye Siyaad oo iyadana hadashay siminaarka ayaa xustay in hooyada ay door muhiim ah ku leedahay wacyi-gelinta nabadda; iyadoo si cad u sheegtay in haddii aanay haweenku ka qaadan door muuqda aan nabad la helayn.



Mudadii uu socday siminaarka ayaa waxaa khudbadihii la jeedinayay dhextaal u ahaa heeso iyo suugaan lagu maamuusayay 1-da Luuliyo oo ku beegan sanad-guuradii 52-aad ee ka soo wareegatay xornimada gobolada Koonfurta iyo midowgii Koonfurta iyo Waqooyiga Soomaaliya.

Ugu dambeyn, guddoomiyaha degmada Wardhiigley Deeqo C/qaadir Axmed ayaa jeedisay khudbaddii xiraanka ahayd iyadoo haweenka ku guubaabisay in wixii ay ka kororsadeen siminnaarka ay u gudbiyaan haweenka kale ee aan nasiibka u yeelan inay siminnaarkan ka qaybgalaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-07-02 6:52 PM EST
Talaado, July 03, 2012(HOL): Xaflad lagu soo bandhigayey buug uu qorey Abwaan Mustafe Sh Cilmi oo la magac baxay DAL MASIIBO DABBAASHAY DAREEN HOY U AHAADAY ayaa lagu qabtey magaalada Stockhlom ee dalka Sweden.

2012-07-02 5:51 PM EST
Isniin, July 02, 2012(HOL): Munaasibad lagu xusayay 1-da July oo ah maalintii ay Soomaaliya xornimada qaadatay, isla markaasina ay israaceen gobolada koonfurta iyo waqooyiga Soomaaliya, ayaa lagu qabtay magaalada Minneapolis ee gobolka Minnesota oo ah halka ay Soomaalidu u badan tahay wadanka Mareykanka.

2012-07-02 1:57 PM EST
Isniin, July 02, 2012(HOL): Waxaa maanta si rasmi ah uga furmay xarunta wasaarada arrimaha dibadda Talyaaniga shirkii kooxda xariirka calamiga ah ee Soomaaliya ( International Contact Group ICG ), waxaana shirkaas ka qayb galaya Dowladda Federalka KMG ah ee Soomaaliya maamullada Puntland, Galmudug, iyo Ururka Ahlusuna Waljameec. Shirkani waxaa uu furmay 2-dii duhurnimo waxaana uu socon doonaa mudo laba cisho ah.

2012-07-02 8:59 AM EST
Isniin, July 02, 2012 (HOL) — Danjirihii Mareykanka ee dalka Itoobiya, David Shinn ahna siyaasi ka faallooda arrimaha siyaasadda geeska Afrika ayaa soo dhaweeyay wadahadallada u billowday Soomaaliya iyo Somaliland, isagoo ku tilmaamay kuwo meesha ka saari kara khilaafkii labada dhinac u dhexeeyay.

2012-07-02 8:53 AM EST
Isagoo dhawaananba ku sugnaa magaalada Nairobi ee xarunta dalka Kenya ayaa ra'iisul wasaarihii hore ee Soomaaliya Maxamed C/laahi Farmaajo uu kumannaan dadweyne ah kula hadlay xaafada Easleigh ee Soomaalidu ka dagantahay magaalada Nairobi ee xarunta dalka Kenya .

2012-07-02 8:17 AM EST
Isniin, July 02, 2012 (HOL) — Xaafadda gubta oo ka tirsan degmada Dayniile ee gobolka Banaadir ayaa maanta lagu arkay maydadka laba haween ah oo la dilay, kuwaasoo la sheegay inay wateen ukun fara badan.

2012-07-02 8:13 AM EST
Isniin, July 02, 2012 (HOL) — Dowladda KMG, maamulka Puntland iyo Mareykanka ayaa si isku mid ah u cambaareeyay qaraxyadii ka dhacay magaalada Gaarisa oo ay ku dhinteen 17-qof ayna ku dhaawacmeen 50-qof iyo afduubyada shaqaalaha gargaarka.

2012-07-02 7:25 AM EST
Isniin, July 02, 2012 (HOL) — Magaalada Toronto ee dalka Kanada ayaa waxaa lagu qabtay xaflad ballaaran oo lagu taageerayay murashaxnimada ra'iisul wasaaraha Soomaaliya, C/weli Maxamed Cali Gaas isla markaana lagu taageerayay waxqabadka xukuumaddiisa muddadii halka sano ahayd ee ay shaqeynaysay.

2012-07-02 5:03 AM EST
Isniin, July 02, 2012 (HOL) — C/raxmaan C/shakuur Warsame oo ka mid ah xubnaha u tagaan xilka madaxnimo ee Soomaaliya oo shalay ka qaybgalayay xaflad loo qabtay xuska 1-da Luuliyo ayaa sheegay in wadahadallada Soomaaliya iyo Somaliland ay ka weyn yihiin olole loo isticmaalo doorasho.

2012-07-02 4:37 AM EST
Isniin, July 02, 2012 (HOL) — Ugu yaraan 10-qof oo labada dhinac ah ayaa lagu dilay dagaal culus oo xalay duleedka degmada Xudur ee gobolka Bakool ku dhexmaray ciidamada DKMG ah oo garansanaya kuwa Itoobiya iyo xoogagga Al-shabaab.

2012-07-02 4:09 AM EST
Isniin, July 02, 2012 (HOL) — Saraakiil u hadlay ciidamada DKMG ah iyo kuwa Kenya ee ku sugan Koonfurta Soomaliya ayaa sheegay Isniinta maanta ah in howgal ay si wadajir ah xalay u sameeyeen kusoo furteen afar ruux ajnabi ah kuwaasoo saddex maalmood ka hor laga afduubay xeryaha qoxootiga Dhadhaab-Kenya.

2012-07-02 2:49 AM EST
Isniin, July 02, 2012 (HOL) — Shirkii shanaad ee guddida haga arrimaha duulista Soomaaliya (Steering Committee) ayaa lagu qabtay magaalada Montreal ee xaruunta hay'adda Qaramada Midoobay u qaabilsan duulista hawada ee ICAO (International Civil Aviation Organization) 28-kii bishii lasoo dhaafay ee Juun.