2014-10-25
Today from Hiiraan Online:  _
Wararka Maanta- Isniin, July 2 , 2012
Musharax C/raxmaan C/shakuur: "Wadahadalada Soomaaliya iyo Somaliland waa ka weyn yihiin in Olole doorasho loo isticmaalo"


xaflada 3.jpg

Isniin, July 02, 2012 (HOL) — C/raxmaan C/shakuur Warsame oo ka mid ah xubnaha u tagaan xilka madaxnimo ee Soomaaliya oo shalay ka qaybgalayay xaflad loo qabtay xuska 1-da Luuliyo ayaa sheegay in wadahadallada Soomaaliya iyo Somaliland ay ka weyn yihiin olole loo isticmaalo doorasho.

Xafladda oo uu soo qabanqaabiyay ururka dhalinyarada Xoriyo ayna ka qaybgaleen siyaasiyiin, xildhibaanno, odayaal-dhaqameed, saraakiil ciidan, haween iyo qaar ka mid ah fannaaniinta hobolada Waaberi ayaa waxaa xubnihii ka hadlay ka mid madaxweynaha maamulka Ximan iyo Xeen, Maxamad Aadan Tiiceey, Jen. Cabdi Qaybdiid, Jen Caare, Jen. Yuusuf Indhacade, xildhibanno iyo mas'uuliyiin kale oo fara badan.

"Wadahadallada u billowday Soomaaliya iyo Somaliland waan soo dhaweynayaa, waxaana walaalaha Somaliland ku ammaanayaa sidii naf-hnimada iyo niyad-samida lahayd ee sannadkii 1960-kii ay ugu soo biireen walaalahooda Koonfureed iyagoo aan wax shuruud ah ku xirin, taas bedelkeedana loo baahan yahay in iyagana loo tago, balse waxaan ka digayaa in wadahadalka uu noqdo mid qudbo-siro ah oo dad uu waqtigoodii ka haray 50-maalmoo ay u isticmaalaan olole doorasho," ayuu yiri murashaxa madaxweynenimo ee Soomaaliya, C/raxmaan C/sharkuur.

xaflada 1.jpg

Sidoo kale, murashaxu wuxuu u duceeyay dadkii xoriyada u soo halgalay, isagoo ku tilmaamay in geesiyaashaas ay haysataan raasumaal bulsho, taasoo murashaxu uu ku tilmaamay; kalsooni, wax-isku-hurid, isku-turida, dulqaad, tix-gelin, isku-dhimrin iyo is aaminaad. Isagoo intaas ku daray in markii raasumaalka bulshada uu baaba'ay ay ka dhasheen in xusuustii wadaagga ahayd luntay, dareenkii halista ee wadaagga ahaana lagu kala aragti duwanaado, himiladii ummadeedna ay lunto, isagoo sheegay in loo baahan yahay hoggaan hiigsi qaran abuura, hawl hal-beeg leh iyo qorshe cad.

Musharaxa ayaa ku dheeraaday taariikhda Somalia iyo sidii ciidanka Soomaaliyeed uu u ahaa mid sharaf, hufaan iyo karti leh oo ka madaxbannaan siyaasadda. Isagoo

madaxda DKMG ah ku eedeeyay inay u isticmaalaan awoodda dalka qaab maroorsi ah, sidoo kalena ay iyagu isku koobeen warbaahinta qaranka, taasoo uu sheegay in aanay ogoleyn inuu ka baxo fikir aan kooda ahayn, isagoo sheegay in warbaahinta Qaranka lagu dhisay canshuurta shacabka Soomaaliyeed ayna waajib tahay in loo sinnaado isticmaalkeeda.

Waxaa uu nasiib darro ku tilmaamay in hay'adaha nabad-sugidda ay dalal shisheeye ku tiirsan yihiin iyadoo aysan jirin miisaaniyad loo qoondeeyay, isagoo madaxda DKMG ah ku eedeeyay inay maalin walba diyaarad ku kireystaan tobanaan kun oo doollar, askarta difaaca uga jirta gobollada dalkana aysan helin xuquuqdooda ayna iyaga iyo caruurtoodu baahan yihiin.

"Odayaasha dhaqanka ee Muqdisho ku shirsan waxaan ka codsanayaa inay xubno wax-tar leh soo xulaan, waayo innaga nalooma ogola inaan idiin imaanno," ayuu yiri C/raxmaan C/shakuur oo sheegay in odayaasha ay ka dalbanayaan inay u yimaadaan markii ay casuumaad u fidiyaan.

Sidoo kale, murashaxu wuxuu madaxweynaha DKMG ah ugu baaqay inuu sameysto la taliyeyaal khibrad leh mar haddii uusan jirin qof wax-kasta yaqaanaa, isagoo u soo qaatay tusaale Nebi Muuse (CS) oo ilaahay weydiistay in walaalkiis uu caawiye uga dhigo, markii sababta la weydiiyayna ku jawaabay: "Waa iga fasaaxad badan yahay, kaddibna Alle uu codsigiisa aqbalay."

Madaxweynaha Ximan iyo Xeeb oo isaguna goobta ka hadlay ayaa sheegay in loo baahan yahay in dadaal-dheeri ah la sameeyo oo xaaladda wax laga bedelo si ay macno u yeelato 1-da Luuliyo oo ah maalinta xorriyadda Soomaaliya, isagoo dhinaca kale sheegay inuu taageersan yahay musharaxnimada C/raxmaan C/shakuur oo uu ku tilmaamay nin leh karti iyo aqoon uu ku gudan karo howsha uu u istaagay.

Jen. Cabdi Qaybdiid oo isaguna goobta ka hadlay ayaa sheegay in dhallinyaradu ay u istaagaan dib u dhiska dalkooda iyo soo noolaynta Qarankii Soomaaliyeed, isagoo u rajeeyay murashaxa guul.

xaflada 2.jpg
xaflada 4.jpg
xaflada 6.jpg
xaflada 5.jpg

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-07-02 6:52 PM EST
Talaado, July 03, 2012(HOL): Xaflad lagu soo bandhigayey buug uu qorey Abwaan Mustafe Sh Cilmi oo la magac baxay DAL MASIIBO DABBAASHAY DAREEN HOY U AHAADAY ayaa lagu qabtey magaalada Stockhlom ee dalka Sweden.

2012-07-02 5:51 PM EST
Isniin, July 02, 2012(HOL): Munaasibad lagu xusayay 1-da July oo ah maalintii ay Soomaaliya xornimada qaadatay, isla markaasina ay israaceen gobolada koonfurta iyo waqooyiga Soomaaliya, ayaa lagu qabtay magaalada Minneapolis ee gobolka Minnesota oo ah halka ay Soomaalidu u badan tahay wadanka Mareykanka.

2012-07-02 1:57 PM EST
Isniin, July 02, 2012(HOL): Waxaa maanta si rasmi ah uga furmay xarunta wasaarada arrimaha dibadda Talyaaniga shirkii kooxda xariirka calamiga ah ee Soomaaliya ( International Contact Group ICG ), waxaana shirkaas ka qayb galaya Dowladda Federalka KMG ah ee Soomaaliya maamullada Puntland, Galmudug, iyo Ururka Ahlusuna Waljameec. Shirkani waxaa uu furmay 2-dii duhurnimo waxaana uu socon doonaa mudo laba cisho ah.

2012-07-02 8:59 AM EST
Isniin, July 02, 2012 (HOL) — Danjirihii Mareykanka ee dalka Itoobiya, David Shinn ahna siyaasi ka faallooda arrimaha siyaasadda geeska Afrika ayaa soo dhaweeyay wadahadallada u billowday Soomaaliya iyo Somaliland, isagoo ku tilmaamay kuwo meesha ka saari kara khilaafkii labada dhinac u dhexeeyay.

2012-07-02 8:53 AM EST
Isagoo dhawaananba ku sugnaa magaalada Nairobi ee xarunta dalka Kenya ayaa ra'iisul wasaarihii hore ee Soomaaliya Maxamed C/laahi Farmaajo uu kumannaan dadweyne ah kula hadlay xaafada Easleigh ee Soomaalidu ka dagantahay magaalada Nairobi ee xarunta dalka Kenya .

2012-07-02 8:17 AM EST
Isniin, July 02, 2012 (HOL) — Xaafadda gubta oo ka tirsan degmada Dayniile ee gobolka Banaadir ayaa maanta lagu arkay maydadka laba haween ah oo la dilay, kuwaasoo la sheegay inay wateen ukun fara badan.

2012-07-02 8:13 AM EST
Isniin, July 02, 2012 (HOL) — Dowladda KMG, maamulka Puntland iyo Mareykanka ayaa si isku mid ah u cambaareeyay qaraxyadii ka dhacay magaalada Gaarisa oo ay ku dhinteen 17-qof ayna ku dhaawacmeen 50-qof iyo afduubyada shaqaalaha gargaarka.

2012-07-02 7:41 AM EST
Isniin, July 02, 2012 (HOL) — Siminnaarkan oo ay ka qaybagleen 150 haween ah ayaa waxaa soo qaban-qaabisay hay'adda Midowga Dhallinyarada Soomaaliya UYS iyadoo xubnaha ka qaybgalay ay ku jireen mas'uuliyiin ka tirsan dowladda DKMG ah.

2012-07-02 7:25 AM EST
Isniin, July 02, 2012 (HOL) — Magaalada Toronto ee dalka Kanada ayaa waxaa lagu qabtay xaflad ballaaran oo lagu taageerayay murashaxnimada ra'iisul wasaaraha Soomaaliya, C/weli Maxamed Cali Gaas isla markaana lagu taageerayay waxqabadka xukuumaddiisa muddadii halka sano ahayd ee ay shaqeynaysay.

2012-07-02 4:37 AM EST
Isniin, July 02, 2012 (HOL) — Ugu yaraan 10-qof oo labada dhinac ah ayaa lagu dilay dagaal culus oo xalay duleedka degmada Xudur ee gobolka Bakool ku dhexmaray ciidamada DKMG ah oo garansanaya kuwa Itoobiya iyo xoogagga Al-shabaab.

2012-07-02 4:09 AM EST
Isniin, July 02, 2012 (HOL) — Saraakiil u hadlay ciidamada DKMG ah iyo kuwa Kenya ee ku sugan Koonfurta Soomaliya ayaa sheegay Isniinta maanta ah in howgal ay si wadajir ah xalay u sameeyeen kusoo furteen afar ruux ajnabi ah kuwaasoo saddex maalmood ka hor laga afduubay xeryaha qoxootiga Dhadhaab-Kenya.

2012-07-02 2:49 AM EST
Isniin, July 02, 2012 (HOL) — Shirkii shanaad ee guddida haga arrimaha duulista Soomaaliya (Steering Committee) ayaa lagu qabtay magaalada Montreal ee xaruunta hay'adda Qaramada Midoobay u qaabilsan duulista hawada ee ICAO (International Civil Aviation Organization) 28-kii bishii lasoo dhaafay ee Juun.