3/28/2024
Today from Hiiraan Online:  _
Wararka Maanta- Axad, July 15, 2012
Madaxweyne ku xigeenka Somaliland oo booqday deegaanadda galbeedka Somaliland ee abaaruhu ka jiraan

Axad, July 15, 2012 (HOL) — Madaxweyne ku xigeenka Somaliland, Cabdiraxmaan Cabdilaahi Ismaaciil (Saylici), ayaa safar shaqo ku tagay magaaladda Boorame ee gobolka Awdal, isagoo sheegay inuu doonayo inuu u yimid si uu gacan uga gaysto abaaraha baahsan ee ka jira deegaanadaasi.

Safarkan madaxweyne ku xigeenka ee xaqiiqo raadiska ah ee uu ku eegayo sida ay abaaruhu u saameeyeen dad iyo doonyaba waxa la socda raxan wasiirro ah iyo saraakiil ka tirsan dawladda, waxaanu warbaahinta u sheegay in safarkiisu la xidhiidho kormeer uu ku qiimaynayo xaaladda nololeed iyo caafimaadka ee gobolka Awdal iyo Selel ka jira, maadaama oo abaar badan laga soo sheegayo deegaanadaasi.

Madaxweyne kuxigeenka oo safarkiisan ku gelbinayey kolonyo gaadiid ah oo mucaawino raashin ah u sidday goobo ku yaalla dhulka uu safarka ku marayo, ayaa sheegay in raashinkaasi loo qaybin doono qoysas lagu qiyaasay kun qoys oo teedsan goboladda Awdal iyo Selel, isagoo sheegay in meelaha aanay wali gaadhin caawimaddu la gaadhsiin doono, isagoo xusay in kolba wixii la helo siday u kala daran yihiin loo qaybiyo oo goob kaliya uun aan lagu celcelin.

Tan iyo intii uu qaylo dhaanta abaareed laga soo sheegay xeebaha galbeed Somaliland ayaa ganacsato iyo dadweynaha Somaliland taakulooyin kala duwan soo gaadhsiiyeen guddidda abaaraha ee gobolka Awdal iyo Selel, inkastoo aanay ku filayn baahidda jirta iyo dhibaatooyinka ka jira deegaanadaasi ee ay halakeeyeen abaaruhu.

Sidoo kale, waxa iyana soo gaadhay deeq ka timid dhinaca jabuuti oo dawladda iyo shacabka reer Jabuuti soo gaadhsiiyeen deegaanadaasi abaaruhu saameeyeen.

Si kastaba ha ahaatee, madaxweyne ku xigeenka ayaa noqonaya masuulkii ugu sareeyey ee booqda deegaanadda abuuruhu ka dhaceen iyo nolosha taalla deegaanadaasi tan iyo intii laga soo sheegay abaaraha.

Barkhad-Ladiif M. Cumar, Hiiraan Online
[email protected]
Hargeysa, Somaliland













Click here
7/15/2012 6:48 PM EST
Axad, July 15, 2012 (HOL) - Tartan kubada cagta ah oo loogu magac darey Somali Week Seattle ayaa waxoow si xiiso badan uga socdey garoomada Chief Sealth Stadium iyo Foster High Stadium kasoo eey ka qeyb galayeen 12 kooxood oo ka kala yimid magaaladan Seattle iyo Goboladda waaweyn ee dalka Mareykanka sida Minnesota, Denver, Utah, Oregon.

7/15/2012 9:00 AM EST
Axad, July 15, 2012 (HOL) — Guddoomiyaha guddidda Doorashooyinka Somaliland, Ciise Yuusuf Xamari ayaa ka hadlay tallo soo-jeedin ay u soo jeediyeen goleyaasha Sharci dejinta inay wax ka bedelaan Astaantii hore ee doorashooyinka lagu gali jiray oo ay ka dhigeen in number lagu galo si ay ugu fududaato hawlaha doorashooyinka, balse soo jeedintaasi guddidda Doorashooyinka waxa ku gacan saydhay golaha Guurtidda oo diiday in number lagu galo doorashooyinka, maadaama oo ay badan yihiin dadka aan waxna qorin waxna akhriyin, isla markaana ay ku wareerayaan dadkaasi qofkay codka siin lahaayeen, sidaa awgeed ay lagu gallo doorashadda sidii birigii hore ee astaan lagu gali jiray.

7/15/2012 8:59 AM EST
Axad, July 15, 2012 (HOL) — Kooxo bastoolado ku hubeysan ayaa maanta ku dilay xaafadda Suuqa Xoolaha ee degmada Huriwaa laba wiil oo dhallinyaro ah, halka ay mid kalena ku dhaawacmeen.

7/15/2012 7:57 AM EST
Axad, July 15, 2012 (HOL) — Ugu yaraan hal qof ayaa ku dhintay, 16-qof oo kalena way ku dhaawacmeen iska-horimaadyo bartamaha magaalada Addis Ababa ee dalka Itoobiya ku dhexmaray salay oo Sabti ahayd booliiska federaalka dalkaas iyo kooxo muslimiin ah.

7/15/2012 3:14 AM EST
Axad, July 15, 2012 (HOL) - Kooxda Baarista (Monitoring Group) oo ay Golaha Ammaanka ee Qaramada Midoobay u xilsaartay baarista qaabka loo maamulay dhaqaalaha soo gala dowladda KMG ah ee Soomaaliya ayaa warbixin hordhac ah oo laga helay ku eedesay madaxda sare ee dowladda Soomaaliya inay lunsadeen hanti gaareysa 131-milyan oo doollar.

7/15/2012 2:55 AM EST
Axad, July 15, 2012 (HOL) — Xarakada Al-shabaab ayaa guulo ka sheegatay iska-horimaadyo ka dhacay deegaanno ka tirsan gobollada Bakool iyo Shabeellada Hoose iyo waddada isku xirta Muqdisho iyo Afgooye.

7/15/2012 2:32 AM EST
Axad, July 15, 2012 (HOL) — Iska-horimaad xooggan oo u dhexeeya ciidamada dowladda KMG ah oo kaashanaya kuwa AMISOM iyo xoogagga Al-shabaab ayaa maanta ka dhacay meel qiyaastii 5-km u jirta magaalada Afmadow ee gobolka Jubada Hoose.