3/28/2024
Today from Hiiraan Online:  _
Wararka Maanta- Isniin, Dec 31, 2012
Hillary Clinton oo Isbital la dhigay kadib dhaawac madaxa kasoo gaaray

Isniin, December 31, 2012 (HOL) — Xoghayaha arimaha dibadda dalka Mareykanka Hillary Clinton ayaa la dhigay isbital ku yaal magaalada New-york ee dalka Mareykanka kadib markii la ogaaday in dhiig xijiro ah uu u fariistay madaxa.

Dhaqaatiirta Mrs. Clinton ayaa sheegay in dhiig xinjiro ah laga helay madaxeeda taasoo ay sheegeen in ay ka danbeeysay jug dhawaan kasoo gaartay madaxa kadib markii ay si xun dhulka ugu dhacday.

Afhayeenka Mrs. Clinton Phillippe Reines oo warbaahinta la hadlay ayaa sheegay in dhaqaatiirta gaarka ah ee Mrs.Clinton ay sheegeen in madaxeeda ay ka heleen xinjir taasoo ka dhalatay jug dhawaan kasoo gaartay madaxa, wuxuuna xusay in imika la daweynayo.

“Dhaqaatiirteeda waxay ku dadaali doonaan xaaladeeda caafimaad iyo weliba hadii ay jiraan arimo kale oo la xiriira jugta madaxa ka gaartay, waxayna go’aamin doonaan hadii loo baahanyahay tallaabooyin dheeri ah,” ayuu hadalkiisii raaciyay.

Haweeneydani oo da’deedu tahay 65-sano jir ayaa dhawaanahan la xanuunsanayd virus ay ku fuuqbaxday oo kaga dhacay caloosha, kaasoo ay la suuxday islamarkaasina sababay in ay dhulka ku dhacdo oo ay jug ka gaarto madaxa.

Mrs. Clinton ayaa la filayaa in ay isbitalka ku jiri doonto 48-saacadod ee soo socota, iyadoona mudadaasi dhaqaatiirtu ay la tacaali doonaan xaaladeeda caafimaad.

 

Xasan Nuur, Hiiraan Online
[email protected]
Muqdisho, Soomaaliya













Click here
12/31/2012 7:46 AM EST
Isniin, December 31, 2012 (HOL) —Xaalad kacsanaan ah ayaa laga soo sheegayaa magaalada Baardheere ee gobolka Gedo, halkaasoo ay gacanta ku hayaan xoogagga Xarakada Al-shabaab.

12/31/2012 7:39 AM EST
Isniin, December 31, 2012 (HOL) — Madaxweynaha Somaliland Md:Axmed Maxamed Maxamuud Siillaanyo, ayaa sheegay inay si xor oo xalaal ah u dhacday doorashadii golaha deegaanka ee bishii November 28 ka dhacday dalka, waxaanu tilmaamay inay sumacadii Somaliland doorashadaasi kor u qaaday.

12/31/2012 7:35 AM EST
Isniin, December 31, 2012 (HOL) — Hal qof ayaa ku geeriyooday, ilaa saddex kalana way ku dhaawacmeyn Mudaharaad balaadhan oo shalay ilaa xalay fiidkii ka socday magaaladda Boorame, kaas oo lagaga soo horjeeday farogelin ay sheegeen inay xukuumaddu ku hayso doorashadda golaha deegaanka ee degmadda Saylac.

12/31/2012 4:42 AM EST
Isniin, December 31, 2012 (HOL) — Degmada Mandheera ee gobolka Waqooyi-bari ee dalka Kenya oo ku dhow xuduudda Soomaaliya ayaa la sheegay inuu ka dillaacay cudur halis ah oo wata qandho daran, iyadoo saraakiisha caafimaadka ay dagaal kula jiraan sidii cudurkaas ay u xakameyn lahaayeen.

12/31/2012 4:30 AM EST
Isniin, December 31, 2012 (HOL) — Xarakada Al-shabaab oo bishan looga qabsaday dagaal la'aan degmada Jowhar ee xarunta gobolka Shabeellada dhexe ayaa sheegay inay wadaan qorsheyaal ay ku weerarayaan degmooyinka gobolkaas ee ka maqan gacantooda, iyagoo sheegay in gobolka uu galay xaalad dagaal.

12/31/2012 1:42 AM EST
Isniin, December 31, 2012 (HOL) — Baarlamaanka Soomaaliya ayaa weydiistay xukuumadda Soomaaliya inay soo gudbiso tirada ciidamada dowladda iyo shaqaalaha rayidka ah ee mushaarka la siiyo, iyadoo dalabkan uu imaanayo xili mudanayaasha baarlamaanka Soomaaliya ay shalay cod aqlabiyad ah ku ansixiyeen miisaaniyadda ay xukuumadda Soomaaliya ku shaqeynasyso sannadka soo socda 2013.

12/31/2012 1:40 AM EST
Isniin, December 31, 2012 (HOL) — Mas’uuliyiinta Ahlusunna Waljamaaca ayaa war-murtiyeed ay kasoo saareen shir muddo toddobaad ah uga socday magaalada Dhuuso-mareeb ee xarunta gobolka Galguduud waxay ku sheegeen in heegan buuxa la geliyay ciidamadooda, isla markaana la siinayo tababrro ay uga mid noqdaan ciidamada dowladda Soomaaliya.