2014-10-23
Today from Hiiraan Online:  _
Wararka Maanta- Khamiis, Dec 13, 2012
Kulan looga hadlayay Ammaanka iyo Horumarinta Gobolka Hiiraan oo lagu


Khamiis, December 13, 2012 (HOL) — Kulan looga hadlay ammaanka iyo horumarinta gobolka Hiiraan oo uu ka qaybgalay ugaaska beesha Xawaadle, ugaas C/raxmaan Ugaas Khaliif Ugaas Rooble ayaa maanta lagu qabtay hoteelka Ambassador ee magaalada Muqdisho.

Kulanka oo ay ka qaybgaleen nabaddoonno iyo waxgarad ayaa waxaa diiradda lagu saaray sidii lagu horumarin lahaa gobolka Hiiraan oo ku  yaalla bartamaha Soomaaliya iskuna xira gobollada Koonfureed iyo kuwa waqooyi ee Soomaaliya.

"Dadkii gobolka Hiiraan ku noolaa waxay kusoo bateen Muqdisho, waa inay dib ugu laabtaan gobolkii ayna ka shaqeeyaan horumarkiisa iyo nabadgalyadiisa, sidoo kale waa in dadka gobolka ay kuwada noolaadaan
nabad iyo deggenaasho," ayuu ku yiri ugaaska beesha Xawaadle hadal uu ka jeediyay kulanka.

Ugaaska ayaa sidoo kale ku boorriyay jufooyinka beesha Xawaadle inay iska soo magacaabaan nabaddoon si maamul mideysan loo helo, isagoo ugu baaqay dadka kasoo jeeda beesha ee ku nool dalalka dibadda inay gacan ka geystaan horumarinta gobolka Hiiraan.

Nabadoon iyo waxgarad iyaguna kulanka ka hadlay ayaa sheegay inay ku faraxsan yihiin ujeedada kuanka, waxayna codsadeen in laga shaqeeyo sidii dadka kula nool gobolka Hiiraan ay ugula noolaan lahaayeen
nabad.

"Beesha Xawaadle waxaa ugaas u ah Ugaas C/raxmaan Ugaas Khaliif, mana jiro cid kale oo mateli karta beesha," ayay yiraahdeen nabaddoonno dhowr ah oo ka hadlay kulanka; iyadoo halkaas uu ugaasku uga dhawaaqay shirweyne la qaban doono bisha July ee sannadka soo socda.

Ugu dambeyn, Ugaaska oo kulanka soo xiray ayaa wuxuu halkaas ka jeediyay duco taasoo ay dadkii kulanka ka qaybgalay oo dhan aamiinsadeen, waxaana kulankan uu kusoo gabgaboobay jawi farxadeed.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-12-13 8:41 AM EST
Khamiis, December 13, 2012(HOL): Xuska 40 guurada far-soomaaliga ayaa lagu qaban doonaa magaalada Jabuuti ee dalka Jamhuuriyadda Jabuuti 17ka ilaa 22ka bishan Disambar ee 2012ka. Xuskan, oo noqon doona mid ballaadhan, waxa lagu martiqaaday madaxda Soomalida ee geeska Afrika.

2012-12-13 8:31 AM EST
Khamiis, December 13, 2012 (HOL) — Afhayeenka ururka raaskambooni, Cabdinaasir Seeraar Maax ayaa sheegay in ammaanka magaalada Kismaayo ee xarunta gobolka Jubbada Hoose uu yahay mid ka wanaagsan sidii hore, isagoo xusay in dadkii horay uga barakacay magaaladaas ay dib ugu soo laabanayaan.

2012-12-13 8:12 AM EST
Khamiis, December 13, 2012 (HOL) — Guddomiyaha Urursiyaasadeedka Rays Mr; Xasan Maxmed Cali (Gaafaadhi), ayaa sheegay in aanu ku qanacsanayn Natiijada ay soo saareen guddida doorashooyinku, maadaama oo wax isdaba marin iyo musuqmaasuq badani uu hadheeyey, waxaanu ugu baaqay komishanka inay is casilaan mar haddii ay masuuliyadii ummadda u hayeen ka soo bixi waayeen.

2012-12-13 7:45 AM EST
Khamiis, December 13, 2012 (HOL) — Madaxweynaha Soomaaliya, Xasan Sheekh Maxamuud ayaa maanta oo Khamiis ah xarunta madaxtooyada Soomaaliya kulan albaabbadu u xiran yihiin kula qaatay, guddoomiyaha baarlamaanka dalka Jabuuti, Idiris Aarnauut Cali oo booqasho ku jooga Muqdisho.

2012-12-13 7:10 AM EST
Khamiis, December 13, 2012 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta dhameystiray xubnaha golaha wasiirrada xukuumadda Soomaaliya, isagoo magacaabay shan wasiir u dowle iyo 20-wasiir ku xigeen.

2012-12-13 5:41 AM EST
Khamiis, December 13, 2012 (HOL) — Mukhtaar Xassan Maxamed oo 27-bishii November ee ina dhaaftay loosoo xiray ama loo qabtay dilka guddoomiyihii gollaha odayaasha dhaqanka gobollka Hiiraan Max’ed Shiikh Xusseen Maryacade ayaa qirty in uu galay danbiga loo soo xiray oo ah in uu ahaa shaqsigii gacantiisa ku toogtay guddoomiyaha.

2012-12-13 1:25 AM EST
Khamiis, December 13, 2012 (HOL) — Abaanduulaha ciidamada xoogga Soomaaliya, Jen. C/kariin Yuusuf Aadan (Dhego-badan) ayaa sheegay inay ka go'an tahay inay isku furaan dhammaan gobollada Soomaaliya, kaddib markii isaga iyo saraakiil kale ay saxaafadda kula hadleen degmada Jowhar.

2012-12-13 1:08 AM EST
Khamiis, December 13, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay inaysan wax wadahadal ah la galayn Al-shabaab iyo Al-Qaacida inta ay hubka wataan, balse ciddii ka tanaasusha fikirkooda ayuu sheegay inay soo dhaweynayaan oo ay labada gacmood ku qaadayaan.

2012-12-13 1:04 AM EST
Khamiis, December 13, 2012 (HOL) — 24-kii saac ee lasoo dhaafay waxaa xeebta degmada Garacad ee gobolka Mudug ka dhacay dagaallo khasaare dhaliyey oo dhex maray ciidamada badda ee Puntland iyo kooxo burcad-badeed ah.