2014-09-01
Today from Hiiraan Online:  _
Wararka Maanta- Arbaco, Dec 12, 2012
Shil sababay Dhimasho iyo Dhaawac oo ka dhacay Waddada ugu Mashquulka badan Magaalada Muqdisho



Arbaco, December 12, 2012 (HOL) — Ugu yaraan laba qof oo uu ku jiray nin Injineer ah ayaa ku dhintay shil gaari oo ka dhacay isgoyska Dabka ee waddada Maka Al-mukarama ee magaalada Muqdisho, iyadoo sidoo kale uu shilkaas ku dhaawacmay wadihii gaariga shilka galay oo ahaa nooca raaxada.

Gaariga shilka galay ayaa ka dhacay bohol laga dumiyay guri oo ku taalla isgoyska Dabka, iyadoo labada qof ee dhintay uu mid ahaa qof uu gaarigu waddada kasii qaatay markii uu hoga ku dhacayay iyo Injineer gaariga saarnaa.

"Baabuurka shilka galay wuxuu ka yimid dhinaca degmada Waaberi, wuxuuna isagoo si xowli ah ku socda ku dhacay godka oo la doonayay in dhisme laga dhiso, labada qof ee dhintayna waxaa ku jiray injineerkii halkaas guriga ka dhisayay," ayuu yiri Maxamed Mangaani oo ka mid ah ciidamada ilaalada wadooyinka oo ku sugnaa halka uu shilku ka dhacay.

Shilkan ayaa noqonaya kii ugu horreeyay noociisa oo ka dhaca isgoyska dabka tan iyo markii Al-shabaab ay isaga baxeen magaalada Muqdisho sannadkii hore, iyadoo ay ciidamada ilaalada waddooyinka ay sheegeen inay gaadiid fara badan ay kusoo kordheen magaalada, sidoo kalena aysan wadayaashu lahayn xifado ku filan.

"Arrintan waa mid aad looga naxo, jug xoog badan ayaan maqlay markaan dibadda u soo baxay wax waan arki waayay, balse markii aan dibadda u soo baxay ayaa la i tusay gaariga godka ku dhacay, runtii waxay ahayd arrin aad u naxdin badan," ayay tiri haweeney dukaan ganacsi ah ku haysatay halka uu shilku ka dhacay.

Dadweyne badan ayaa markiiba ku xoomay goobta uu shilku ka dhacay iyagoo halkaas ka qaaday darawalkii gaariga oo miyir-daboolmay, sidoo kalena waxaa isbitaalka Madiina la dhigay qofkii uu gaarigu jidka kasii qaatay oo la aqoosan la'yahay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-12-12 11:29 AM EST
Arbaco, December 12, 2012 (HOL) — Magaalada Hargeysa waxa maanta ka dhacay aroos wadareedkii ugu badnaa sanadkan, waxaana dhamaan camirnaa hoteellada waaweyn ee inta badan ay ka dhacaan xafladaha meherka iyo aroosyada iyadoo la waayay hoolal la kiraysto.

2012-12-12 8:17 AM EST
Arbaco, December 12, 2012 (HOL) — Garsoorayaal iyo xeer ilaaliyeyaal tiradoodu ahayd 90 ayaa maanta tababar loogu soo gabgabeeyay magaalada Muqdisho ee xarunta dalka Soomaaliya, kaddib tababar u socday muddo hal sano ah.

2012-12-12 7:19 AM EST
Arbaco, December 12, 2012 (HOL) — Urur siyaasadeedkii saddexaad ee bishan gudeheeda la furo ayaa looga dhawaaqay magaalada Boosaaso ee xarunta gobolka Bari shalay oo Talaado ahayd. Ururkan oo magaciisu yahay [Midnimo] waxaa ku bahoobay in badan oo kamid ah aqoonyahanka iyo ganacsatada waaweyn ee Puntland.

2012-12-12 7:04 AM EST
Arbaco, December 12, 2012 (HOL) — Maxkamad ku taalla magaalada San Diego ee dalka Mareykanka ayaa gabar Soomaaliyeed oo lagu eedeeyay inay lacag gaaraysa 1,450 doollar u dirtay dalka Mareykanka ku xukuntay sideed sano oo xabsi ah, sidoo kale maxkamaddu waxay xukuntay nin Suuriya u dhashay oo la sheegay inuu doonayay inuu ku biiro Al-shabaab.

2012-12-12 6:15 AM EST
Arbaco, December 12, 2012 (HOL) — Guddoomiyaha baarlamaanka dalka Jabuuti iyo wafdi uu hoggaaminayo ayaa soo gaaray maanta magaalada Muqdisho iyagoo kulan la yeeshay xildhibaanada baarlamaanka Soomaaliya, kaasoo ay uga hadleen safarka ay ku yimaadeen Muqdisho.

2012-12-12 2:25 AM EST
Arbaco, December 12, 2012 (HOL) — Ciidamada dalka Kenya ee ku sugan xuduudda u dhexeysa Soomaaliya iyo Kenya ayaa gacanta ku dhigay shalay gallinkii dambe lix qof oo Soomaali ah iyo hub ay wateen, kuwaasoo la sheegay inay ka yimaadeen xeryaha qoxootiga Dhadhaab ayna hubka u wadeen degmada Gaarisa.

2012-12-12 1:58 AM EST
Arbaco, December 12, 2012 (HOL) — Hay'adda isku-duwidda gargaarka bani'aadamnimo ee Qaramada Midoobay UNOCHA ayaa sheegtay in xaalad cunno-yari iyo mid bani'aadamnimo oo khatar ah ay ka jiraan Soomaaliya; iyagoo sheegay in afar milyan oo Soomaali ah ay u baahan yihiin gargaar bani'aadamnimo oo kala duwan.

2012-12-12 1:56 AM EST
Arbaco, December 12, 2012 (HOL) — Hoggaamiyaha Xarakada Al-shabaab, Sheekh Mukhtaar C/raxmaan Abuu-Zubeyr oo farriin maqal ah soo dhigay bar Internet oo taageerta Al-shabaab ayaa ku sheegay inay weli iyagu ka taliyaan gobolladii ay Kenya qabsatay, isagoo fariin u diray muslimiinta ku nool dalalka Kenya iyo Itoobiya.