2014-10-31
Today from Hiiraan Online:  _
Wararka Maanta- Talaado, Dec 11, 2012
Ra'iisul Wasaaraha Dalka Itoobiya oo difaacay doorka ay Dowladda Kenya ee ku Saabsan Arrimaha Jubbooyinka


Talaado, December 11, 2012 (HOL) — Ra'iisul wasaaraha Itoobiya, Hailemariam Desalegn ayaa ka hadlay markii ugu horreysay arrimaha Jubbooyinka isagoo xusay in arrintaas aysan ahayn mid culeys badan leh, ayna tahay in dowladda Soomaaliya ay hoggaanka u qabato arrimaha Jubbooyinka.

Desalegn ayaa hadalkan ku sheegay wareysi uu siiyay TV-ga Al-jazeera isagoo sheegay in Kenya ay ka mid tahay urur goboleedka IGAD qorshaheeduna uu yahay in Jubbooyinka loo sameeyo maamul ay ka dhex-muuqdaan dhammaan beelaha ku nool gobolladaas.

"Soomaaliya hadda waxaa ka muuqata rajo wanaagsan; waxaana dhameystirmaya  qorshaha nabadda, waana arrin ku timid dadaal badan oo ay sameeyeen dalalka dariska la ah Soomaaliya," ayuu ra'iisul wasaaraha Itoobiya ku yiri wareysigiisa.

Sidoo kale, ra'iisul wasaaraha Itoobiya wuxuu sheegay inaysan wax wanaagsan ahayn in lagu eedeeyo Kenya inay taageerto qabiil gaar ah oo ku nool Jubbooyinka, isagoo xusay in madaxweynaha Soomaaliya ay aad uga doodeen arrinta ka taagan gobollada Jubbooyinka.

"Madaxweynaha Soomaaliya markii uu halkan (Addis Ababa) noogu yimid waxaan ka doodnay arrimaha Jubbooyinka; waxaana isla garanay in loo sameeyo maamul ay ku jiraan dhammaan beelaha Soomaalida, waana kaas mowqifka Kenya ee Jubbooyinka ku aaddan," ayuu yiri Desalegn.

Hadalka ra'iisul wasaaraha Itoobiya ayaa imaanaya iyadoo weli uu taagan yahay muran ku saabsan maamul u sameynta Jubbooyinka, iyadoo dowladda Soomaaliya ay ku adkeysanayso inay iyadu maamul u sameyso Jubbooyinka, halka kooxaha ku sugan Kismaayo ay ku adkeysanayaan inay iyagu sameystaan maamul.

Madaxweyne Xasan Sheekh ayaa lagu wadaa inuu dhawaan dalka Kenya u tago safar ku saabsan ka hadalka arrimaha Jubbooyinka, iyadoo gobolladaas intooda badan gacanta ku haysa Xarakada Al-shabaab.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-12-11 7:10 AM EST
Talaado, December 11, 2012 (HOL) — Ganacsade Cismaan Axmed Rooble oo ahaa wasiirkii ugu horreeyay ee maaliyadda iyo lacagta Soomaaliya ayaa ku geeriyooday magaalada London ee xarunta dalka Britain maqribnimadii xalay isagoo 93 jir ahaa.

2012-12-11 6:32 AM EST
Talaado, December 11, 2012 (HOL) — Guddida Doorashooyinka ayaa arrintii khilaafku ka taagnaa ee natiijadda degmadda Hargeysa iskaga gudbiyey maxkamadda gobolka Hargeysa, iyagoo soo jeediyey in cidii dacwad qabta loo gudbiyo maxkamadda gobolka.

2012-12-11 6:21 AM EST
Talaado, December 11, 2012 (HOL) — Mudanayaasha Baarlamaanka Soomaaliya ayaa maanta su'aalo weydiiyay ra'iisul wasaare ku xigeenka ahna wasiiradda arrimaha dibadda ee Soomaaliya, Fowziyo Yuusuf Xaaji Aadan iyo wasiirka Gaashaandhigga, C/xakiin Maxamuud Xaaji Fiqi.

2012-12-11 6:13 AM EST
Talaado, December 11, 2012 (HOL) — Ciidamo maamulka gobollka Hiiraan iyo kuwa ka socda dalka Jabuuti ee ku howlgalaya magaca AMISOM ayaa maalmihii ugu danbeeyayba siweyn isugu howlanaa sugida amniga magaalada Baladweyne.

2012-12-11 5:55 AM EST
Talaado, December 11, 2012 (HOL) — Fannaaniinta kala ah; Qaalid Shariif Axmed (King Qaalid), Cabdixakiin Ciise Geeddi (Farayare) iyo Xasan Cujeer Cajami ayaa si weyn loogu soo dhaweeyay maanta garoonka diyaaradaha caalamiga ah ee Muqdisho.

2012-12-11 2:20 AM EST
Talaado, December 11, 2012 (HOL) — Ururka Midowga Afrika ayaa shaaciyay in ciidamadooda ku sugan Soomaaliya ee AMISOM ay difaaci doonaan xuquuqul aadanaha Soomaaliya, kaddib markii shalay la qabtay maalinta xuquuqda aadanaha ee adduunka oo ku beegnayd Isniintii shalay.