2014-10-30
Today from Hiiraan Online:  _
Wararka Maanta- Jimco, Nov 30, 2012
Madaxweynaha Puntland iyo xubno ka tirsan golihiisa wasiirrada oo maanta soo kormeeray dekedda magaalada Boosaaso [Sawirro]


Jimco, November 30, 2012 (HOL)- Madaxweynaha Puntland oo maalintii labaad ku sugan magaalada Boosaaso ee xarunta gobolka Bari ayaa maanta soo kormeeray dekedda magaalada Boosaaso isaga oo ay weheliyeen xubno ka tirsan golahiisa wasiirada.

Wuxuuna u kuurgalay habsami usocodka guud ee shaqada dekedda oo bilihiii u danbeeyey dayactir lagu wadey. Mas'uuliyiin ay kamid yihiin wasiiirka dekedaha, wasiirka kaluumaysiga iyo wasiirka maaliyadda ayaa madaxweynaha la socdey.

Dhismeyaasha wasaaradaha ee ku yaalla dekedda ayey madaxweynaha iyo wefdigiisu qaybqayb u galeen, iyagoo sidoo kale ku dhex lugeeyey dekedda lana kulmay saraakiisha ciidamada iyo shaqaalaha kale ee ka howl gala.

 

Madaxweynaha oo intaas kadib si kooban warbaahinta ugula hadlay gudaha dekedda, ayaa sheegay in ay lagama maarmaan tahay in xil weyn la iska saaro dayactirka iyo casriyeynta dekedda, si shaqadeeda loo dardar geliyo; maadaama ay ganacsiga Puntland iyo guud ahaan dalkaba hal-bowle u tahay.

Wasiirka dekedaha iyo gaadiidka badda ee Puntland Eng. Siciid Maxamed Raage oo isagu madaxweynaha sharaxaad ka siiyey howlaha dekedda iyo waxyaabihii ugu danbeeyey ee lagu soo siyaadiyey, ayaa sheegay in wasaaradda dekeduhu ay dadaal dheer ku bixisey sidii shaqada dekedda looga dhigi lahaa mid fudud oo casri.

Si kastaba ha ahaatee kormeerka uu madaxweyne Cabdiraxmaan Faroole maanta ku sameeyey magaalada Boosaaso ayaa noqonaya kii ugu horeeyey ee uu ku yimaado intii lagu guda jirey sanadkan sii dhamaanaya ee 2012.

Bishii December ee sanadkii hore 2011 ayeyna ahayd markii ugu danbeysey ee uu madaxweynuhu dekedda kormeer ku sameeyo, xilligaas oo uu weheliyey Ra'iisul wasaarihii hore ee dowladda Federaalka ah Prof. Cabdiweli Maxamed Cali (Gaas).


Maxamed Salaad Xaaji Dirir, Hiiraan Online
xaajidirir@hiiraan.com
Puntland, Soomaaliya





Post your comments

2012-11-30 10:51 AM EST
Jimco, November 30, 2012 (HOL) —Fanaanadda caanka ah ee Saynab Maxamed Cumar Laba Dhagax ayaa maanta muqdisho soo gaartay kadib safarro ay kusoo bixisay dalalka Kenya iyo Uganda.

2012-11-30 10:42 AM EST
Jimco, November 30, 2012 (HOL)-Madaxweeynaha dowladda Federaalka Soomaaliya Mudane Xasan Sheekh Max’uud iyo wafdigii uu horkacayay ayaa dib ugu laabtay magaalada Muqdisho ee caasimadda dalka Soomaaliya.

2012-11-30 10:01 AM EST
Jimco, November 30, 2012 (HOL)- Madaxweynaha Puntland Dr. Cabdiraxmaan Maxamed Maxamuud Faroole oo shaly magaalada Boosaaso soo gaarey, islamarkaana si weyn loogu soo dhoweeyey, ayaa shir uu Saxaafadda u qabtay kaga hadlay arimo badan.

2012-11-30 7:25 AM EST
Jimco, November 30, 2012 (HOL) —Golaha guud ee Qaramada Midoobay ayaa cod aqlabiyad ah ku ansixiyay in sare loo qaado maqaamka ay dowladda Falastiin ku leedahay Qaramada Midoobay islamarkaasina laga dhigo xubin katirsan kor-joogeyaasha Qaramada Midoobay.

2012-11-30 6:41 AM EST
Khamiis, November, 29, 2012 (HOL)-guud ahaan sanaaduuqdii codbixinta ee golaha deegaanka ayaa xalayba la wada tiriyey, iyadoo magaaladda Hargeysa ilaa tobankii habeenimo la dhameeyey, isla markaana lagu wareejiyey xarunta guud ee Guddida Doorashooyinka.

2012-11-30 4:00 AM EST
Jimco, November 30, 2012 (HOL) —Dagaal culus oo sababay khasaarooyin kala duwan ayaa ka dhacay nawaaxiga degmada Xudur ee gobolka Bakool, iyadoona dagaalku uu u dhexeeyay xoogagga Al-shabaab iyo ciidamada dowladda federaalka Soomaaliya.

2012-11-30 2:51 AM EST
Jimco, November 30, 2012 (HOL) —Maamulka ururka Ahlusunna ee degmada Beledxaawo ayaa gacanta ku dhigay xoolo fara badan oo loo iibgeeyay degmadaasi, kuwaasoo maamulku sheegay in ay leeyihiin Al-shabaab