2014-09-01
Today from Hiiraan Online:  _
Wararka Maanta- Arbaco, Nov 21, 2012
Tababar ku saabsan Hormuraminta Ganacsiga Bulshada oo Maanta Muqdisho looga furay Shirkado Ganacsi oo kala duwan


Arbaco, November 21, 2012 (HOL) — Tababar ku saabsan horumarinta ganacsiga bulshada ayaa maanta laga furay Muqdisho, kaasoo socon doono muddo shan casho ah oo ka billaabanaysa maanta kuna eg Axadda soo socota, waxaana ka faa'iideysan doona tababarka 19 qof oo ka socday shirkado ka howgala Soomaaliya.

Tababarkan ayaa waxaa maaligeliyay ururka Midowga Yurub, waxaana soo qaban-qaabiyay ururka shaqaalaha Adduunka (ILO) iyadoo ay tababarkan casharrro ka bixin doonaan macallimiin isugu jira Soomaali iyo ajnabi ka socday ururka ILMC.

Hay'ado iyo shirkadaha tababarkan ka qaybqaadanaya ayaa waxay kala yihiin: Dahabshiil, ururka horumarinta ganacsiga haweenka Soomaaliyeed ee SWEA, IIDA, Horn Relief and Development, Banadir Business women Organization, Bakaro Commuttee of Trading, Suuq-bacaad Commuttee of Trading, Chamber of Commerce, Jaamacadd Muqdisho (Cemed Center) iyo wasaaradda horumarinta arrimaha bulshada.



Xubnihii furitaanka kulanka ka hadlay ayaa waxay sheegeen in tababarkan uu faa'iido badan ku leeyahay ganacsatada Soomaalida, iyagoo qaarkood dalbaday in lagu daro tababarrada sida loo abuuro ganacsiga, taasoo ay xuseen inaysan aqoon badan u lahayn dadka Soomaaliyeed.

"Soomaalida lacag way haystaan, balse waxaa ka maqan sidii ay u abuuri lahaayeen shaqo, waayo waxaa dhacaysa in lacago aad u badan lasoo geliyo ganacsi, balse aan la abuurin shaqo, taasna waxay u baahan tahay in Soomaalida la baro sida loo abuuro ganacsiyada kala duwan," ayuu yiri Maxamed Cumar Nuur oo ka socday wasaaradda horumarinta arrimaha bulshada.

Xubnaha ka qaybgalaya tababarka ayaa lagu boorriyay inay ka faa'iideystaan tababrakan oo qiimo weyn u leh horumarinta ganacsiyada ka jira Soomaaliya, iyadoo qorshahan uu qayb ka yahay dadaallo uu doonayo ururka shaqaalaha Dunida in shaqooyin loogu abuuro dad badan oo Soomaaliyeed.



Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-11-21 8:11 AM EST
Arbaco, November 21, 2012 (HOL) — Baarlamaanka dalka Kenya ayaa maanta ka dooday howgalladii ay ciidamada milateriga Kenya ka fuliyeen magaalada Gaarisa ee gobolka Waqooyi-bari Kenya, kaasoo ay dad ku dhinteen, kuwo kale ay dhaawacyo, sidoo kalena geystay burbur hantiyeed oo fara badan.

2012-11-21 7:39 AM EST
Arbaco, November 21, 2012 (HOL) — Maxkamadda ciidamada qalabka sida ee dowladda Soomaaliya ayaa maanta xabsiga dhigtay wariye Ibraahim Maxamed Aadan oo ahaa wariyihii BBC-da laanta afka Soomaaliga uga warrami jiray magaalada Muqdisho ee xarunta Soomaaliya.

2012-11-21 6:43 AM EST
Arbaco, November 21, 2012 (HOL) — Madaxweynaha Soomaaliya, Mudane Xasan Sheekh Maxmuud ayaa xarunta madaxtooyada Soomaaliya kula kulmay wafdi ka socday dalka Ingiriiska, isagoo ku wareejiyay dhul ay ka dhistaan safaaraddooda Soomaaliya.

2012-11-21 6:31 AM EST
Arbaco, November 21, 2012 (HOL) — Madasha bulshada rayidka Soomaaliya ayaa ka doodday lixdii qodob ee uu ku dhawaaqay madaxweynaha Soomaaliya kuwasaoo uu sheegay inay saldhig u noqon doonaan waxqabadka dowladdiisa, waxayna sidoo kale ugu hambalyeeyeen ra’iisul wasaare Soomaaliya, Cabdi Faarax Shir0doon (Saacid) sida uu uga gudbay hannaankii wax-qeybsi ee 4.5 iyo kaalintii uu xubnihii uu haweenka ka siiyay golihiisa wasiirradda oo ay sheegeen inay tahay mid aan horay loo arag.

2012-11-21 6:16 AM EST
Arbaco, November 21, 2012 (HOL) — Safaaradda Soomaaliya ay ku leedahay dalka Belgium ayaa ku guuleysatay inay xarunta safaaraddaas ka saarto dad si sharci daro ah kuu deggenaa muddo 18 sano ah, iyadoo arrintan ay timid kaddib markii ay maxkamadda Belgium go'aan ku gaartay in in dadka deggen xaruntaas safaaradda ay isaga baxaan.

2012-11-21 5:07 AM EST
Arbaco, November 21, 2012 (HOL) —Wararka aynu ka heleyno magaalada Kismaayo ayaa sheegaya in saaka aroortii uu dagaal xooggan ka dhacay deegaanka Yoontoy oo qiyaastii 25-KM dhanka waqooyi kaga began magaalada Kismaayo ee xarunta gobolka Jubada Hoose.

2012-11-21 5:06 AM EST
Arbaco, November 21, 2012 (HOL) — Xarakada Al-shabaab ayaa iska fogeysay inay mas'uul ka tahay weerarkii qaraxa ahaa ee Axaddii lasoo dhaafay ka dhacay Nairobi kaasoo ay dad badan oo shacab ah wax ku noqdeen.

2012-11-21 1:40 AM EST
Arbaco, November 21, 2012 (HOL) — Guddoomiyaha baarlamanka Soomaaliya, Prof. Maxamed Sheekh Cismaan (Jawaari) ayaa sheegay in toddobaadka soo socda ay xubnaha baarlamaanka Soomaaliya ansixin donaan xeer hoosaadka baarlamanka uu ku shaqeynayo afarta sano ee soo socota, iyadoo ay toddobadyadii lasoo dhaafay socdeen doodo ay xildhibaannadu ka yeelanayaan qodobbada xeer hoosaadka.

2012-11-21 1:36 AM EST
Arbaco, November 21, 2012 (HOL) — Wasiirka gaashaandhigga Kenya, Maxamed Yuusuf Xaaji ayaa gaaray magaalada Gaarisa ee gobolka Waqooyi-bari Kenya gallinkii dambe ee shalay oo Salaaso ahayd, iyadoo la sheegay in xaaladdu ay saakay tahay mid deggen.