12/18/2014
Today from Hiiraan Online:  _
Wararka Maanta- Arbaco, Nov 21, 2012
Ciidamada Huwanta ah iyo Dagaalyahannada Al-shabaab oo ku Dagaalamay Deegaanka Yoontooy ee Duleedka Kismaayo


Arbaco, November 21, 2012 (HOL) —Wararka aynu ka heleyno magaalada Kismaayo ayaa sheegaya in saaka aroortii uu dagaal xooggan ka dhacay deegaanka Yoontoy oo qiyaastii 25-KM dhanka waqooyi kaga began magaalada Kismaayo ee xarunta gobolka Jubada Hoose.

Dagaalka oo ahaa mid qaatay ku dhawaad hal saac ayaa bilowday kadib markii dagaalyahanno katirsan Al-shabaab ay weerar kusoo qaadeen saldhig ay deegaankaasi ku lahaayeen ciidamada huwanta ah oo maalmihii u danbeeyay halkaasi ka waday dhaqdhaqaaqyo.

Goobjoogeyaal ku sugan deegaanno ku dhow halka uu dagaalka ka dhacay ayaa HOL u sheegay, in labada dhinac ay isu adeegsanayeen hubka noocyadiisa kala duwan iyo Madaafiic.

Lama garanayo khasaaraha ka dhashay dagaalkii saaka, mana jiraan masuuliyiin labada dhinac ah oo faahfaahin ka bixiyay.

Ciidamada dowladda Soomaaliya, kuwa Raaskaambooni iyo Militariga Kenya oo iskaashanaya ayaa mudooyinkii u danbeeyay waday dhaqdhaqaaqyo ay ku doonayaan in ay kula wareegaan qeybaha kale ee ay ay Al-shabaab uga suganyihiin gobollada Jubooyinka

Ciidamada huwanta ah ayaa hakiyay howlgalladii ay ka wadeen gobollada Jubooyinka kadib markii ay gacanta ku dhigeen magaalada Kismaayo ee xarunta gobolka Jubada Hoose oo ahayd magaalo isataraatiji ah islamarkaasina ay xoogagga Al-shabaab ka heli jireen dhaqaalo badan, waxaana imika muuqata in ciidamada huwanta ah ay doonayaan in ay isku fidiyaan deegaanada kale ee gobollada Jubooyinka.

Dagaalkii saaka ayaa daba socdo dagaal shalay gelinkii danbe isla deegaankaasi ku dhexmaray xoogagga Al-shabaab iyo ciidamada huwanta ah oo iyagu weerarka soo qaaday.

Hiiraan Online, News Desk





Post your comments

11/21/2012 8:11 AM EST
Arbaco, November 21, 2012 (HOL) — Baarlamaanka dalka Kenya ayaa maanta ka dooday howgalladii ay ciidamada milateriga Kenya ka fuliyeen magaalada Gaarisa ee gobolka Waqooyi-bari Kenya, kaasoo ay dad ku dhinteen, kuwo kale ay dhaawacyo, sidoo kalena geystay burbur hantiyeed oo fara badan.

11/21/2012 7:39 AM EST
Arbaco, November 21, 2012 (HOL) — Maxkamadda ciidamada qalabka sida ee dowladda Soomaaliya ayaa maanta xabsiga dhigtay wariye Ibraahim Maxamed Aadan oo ahaa wariyihii BBC-da laanta afka Soomaaliga uga warrami jiray magaalada Muqdisho ee xarunta Soomaaliya.

11/21/2012 7:07 AM EST
Arbaco, November 21, 2012 (HOL) — Tababar ku saabsan horumarinta ganacsiga bulshada ayaa maanta laga furay Muqdisho, kaasoo socon doono muddo shan casho ah oo ka billaabanaysa maanta kuna eg Axadda soo socota, waxaana ka faa'iideysan doona tababarka 19 qof oo ka socday shirkado ka howgala Soomaaliya.

11/21/2012 6:43 AM EST
Arbaco, November 21, 2012 (HOL) — Madaxweynaha Soomaaliya, Mudane Xasan Sheekh Maxmuud ayaa xarunta madaxtooyada Soomaaliya kula kulmay wafdi ka socday dalka Ingiriiska, isagoo ku wareejiyay dhul ay ka dhistaan safaaraddooda Soomaaliya.

11/21/2012 6:31 AM EST
Arbaco, November 21, 2012 (HOL) — Madasha bulshada rayidka Soomaaliya ayaa ka doodday lixdii qodob ee uu ku dhawaaqay madaxweynaha Soomaaliya kuwasaoo uu sheegay inay saldhig u noqon doonaan waxqabadka dowladdiisa, waxayna sidoo kale ugu hambalyeeyeen ra’iisul wasaare Soomaaliya, Cabdi Faarax Shir0doon (Saacid) sida uu uga gudbay hannaankii wax-qeybsi ee 4.5 iyo kaalintii uu xubnihii uu haweenka ka siiyay golihiisa wasiirradda oo ay sheegeen inay tahay mid aan horay loo arag.

11/21/2012 6:16 AM EST
Arbaco, November 21, 2012 (HOL) — Safaaradda Soomaaliya ay ku leedahay dalka Belgium ayaa ku guuleysatay inay xarunta safaaraddaas ka saarto dad si sharci daro ah kuu deggenaa muddo 18 sano ah, iyadoo arrintan ay timid kaddib markii ay maxkamadda Belgium go'aan ku gaartay in in dadka deggen xaruntaas safaaradda ay isaga baxaan.

11/21/2012 5:06 AM EST
Arbaco, November 21, 2012 (HOL) — Xarakada Al-shabaab ayaa iska fogeysay inay mas'uul ka tahay weerarkii qaraxa ahaa ee Axaddii lasoo dhaafay ka dhacay Nairobi kaasoo ay dad badan oo shacab ah wax ku noqdeen.

11/21/2012 1:40 AM EST
Arbaco, November 21, 2012 (HOL) — Guddoomiyaha baarlamanka Soomaaliya, Prof. Maxamed Sheekh Cismaan (Jawaari) ayaa sheegay in toddobaadka soo socda ay xubnaha baarlamaanka Soomaaliya ansixin donaan xeer hoosaadka baarlamanka uu ku shaqeynayo afarta sano ee soo socota, iyadoo ay toddobadyadii lasoo dhaafay socdeen doodo ay xildhibaannadu ka yeelanayaan qodobbada xeer hoosaadka.

11/21/2012 1:36 AM EST
Arbaco, November 21, 2012 (HOL) — Wasiirka gaashaandhigga Kenya, Maxamed Yuusuf Xaaji ayaa gaaray magaalada Gaarisa ee gobolka Waqooyi-bari Kenya gallinkii dambe ee shalay oo Salaaso ahayd, iyadoo la sheegay in xaaladdu ay saakay tahay mid deggen.