12/21/2014
Today from Hiiraan Online:  _
Wararka Maanta- Arbaco, Nov 21, 2012
Wasiirka Gaashaandhigga Kenya oo booqday Magaalada Gaarisa iyo Xaaladda degmadaas oo saakay deggen


Arbaco, November 21, 2012 (HOL) — Wasiirka gaashaandhigga Kenya, Maxamed Yuusuf Xaaji ayaa gaaray magaalada Gaarisa ee gobolka Waqooyi-bari Kenya gallinkii dambe ee shalay oo Salaaso ahayd, iyadoo la sheegay in xaaladdu ay saakay tahay mid deggen.

Yuusuf Xaaji ayaa booqday goobihii ay ciidamada Kenya dhibaatooyinka ka geysteen isagoo sheegay in falalkii ay ciidamadu ku kaceen ay ahaayeen kuwo aad u xun, balse ma uusan sheegin in tallaabo laga qaadayo ciidamadaas iyo in kale.

"Xaaladda Gaarisa way deggen tahay tan iyo markii uu shalay soo booqday wasiirka difaaca Kenya, saakay waxaa dib loo furay goobaha ganacsiga qaarkood, gaadiidka dadweynuhu dib ayay shaqooyinkooda u billaabeen," ayuu yiri goobjooge ku sugan degmada Gaarisa oo saxaafadda la hadlay.

Sidoo kale, goobjooguhu wuxuu sheegay in ciidamadii Kenya ee gudaha ugu jiray magaalada labadii casho ee lasoo dhaafay aysan saakay joogin, iyadoo aan la ogeyn halka ay aadeen.

Mudanayaasha laga doorto Gaarisa, culummada iyo waxgaradka degmada ayaa aad uga carooday falalkii isugu jiray boobka, gudbidda iyo khasaaraha nafeed ee ay ka geysteen ciidamada milateriga Kenya magaalada Gaarisa, iyagoo ku eedeeyay dowladda Kenya inay iska indho-tirtay wixii Gaarisa ka dhacay.

Rabshadaha magaalada Gaarisa ka socday labadii maalmood ee lasoo dhaafay ayaa waxay ka dhasheen dilka saddex askari oo ka tirsan milateriga Kenya oo maalintii dorraad loogu geystay bartamaha Gaarisa.

Dhaawacyada dadkii waxyeelladu kasoo gaartay rabshadihii magaaladaas ka dhacay ayaa weli yaalla isbitaalka weyn ee magaalada, waxaana dadkaas ku jiray arday ay ciidamada Kenya ugu galeen iskuulkii ay wax ka baranayeen.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

11/21/2012 8:11 AM EST
Arbaco, November 21, 2012 (HOL) — Baarlamaanka dalka Kenya ayaa maanta ka dooday howgalladii ay ciidamada milateriga Kenya ka fuliyeen magaalada Gaarisa ee gobolka Waqooyi-bari Kenya, kaasoo ay dad ku dhinteen, kuwo kale ay dhaawacyo, sidoo kalena geystay burbur hantiyeed oo fara badan.

11/21/2012 7:39 AM EST
Arbaco, November 21, 2012 (HOL) — Maxkamadda ciidamada qalabka sida ee dowladda Soomaaliya ayaa maanta xabsiga dhigtay wariye Ibraahim Maxamed Aadan oo ahaa wariyihii BBC-da laanta afka Soomaaliga uga warrami jiray magaalada Muqdisho ee xarunta Soomaaliya.

11/21/2012 7:07 AM EST
Arbaco, November 21, 2012 (HOL) — Tababar ku saabsan horumarinta ganacsiga bulshada ayaa maanta laga furay Muqdisho, kaasoo socon doono muddo shan casho ah oo ka billaabanaysa maanta kuna eg Axadda soo socota, waxaana ka faa'iideysan doona tababarka 19 qof oo ka socday shirkado ka howgala Soomaaliya.

11/21/2012 6:43 AM EST
Arbaco, November 21, 2012 (HOL) — Madaxweynaha Soomaaliya, Mudane Xasan Sheekh Maxmuud ayaa xarunta madaxtooyada Soomaaliya kula kulmay wafdi ka socday dalka Ingiriiska, isagoo ku wareejiyay dhul ay ka dhistaan safaaraddooda Soomaaliya.

11/21/2012 6:31 AM EST
Arbaco, November 21, 2012 (HOL) — Madasha bulshada rayidka Soomaaliya ayaa ka doodday lixdii qodob ee uu ku dhawaaqay madaxweynaha Soomaaliya kuwasaoo uu sheegay inay saldhig u noqon doonaan waxqabadka dowladdiisa, waxayna sidoo kale ugu hambalyeeyeen ra’iisul wasaare Soomaaliya, Cabdi Faarax Shir0doon (Saacid) sida uu uga gudbay hannaankii wax-qeybsi ee 4.5 iyo kaalintii uu xubnihii uu haweenka ka siiyay golihiisa wasiirradda oo ay sheegeen inay tahay mid aan horay loo arag.

11/21/2012 6:16 AM EST
Arbaco, November 21, 2012 (HOL) — Safaaradda Soomaaliya ay ku leedahay dalka Belgium ayaa ku guuleysatay inay xarunta safaaraddaas ka saarto dad si sharci daro ah kuu deggenaa muddo 18 sano ah, iyadoo arrintan ay timid kaddib markii ay maxkamadda Belgium go'aan ku gaartay in in dadka deggen xaruntaas safaaradda ay isaga baxaan.

11/21/2012 5:07 AM EST
Arbaco, November 21, 2012 (HOL) —Wararka aynu ka heleyno magaalada Kismaayo ayaa sheegaya in saaka aroortii uu dagaal xooggan ka dhacay deegaanka Yoontoy oo qiyaastii 25-KM dhanka waqooyi kaga began magaalada Kismaayo ee xarunta gobolka Jubada Hoose.

11/21/2012 5:06 AM EST
Arbaco, November 21, 2012 (HOL) — Xarakada Al-shabaab ayaa iska fogeysay inay mas'uul ka tahay weerarkii qaraxa ahaa ee Axaddii lasoo dhaafay ka dhacay Nairobi kaasoo ay dad badan oo shacab ah wax ku noqdeen.

11/21/2012 1:40 AM EST
Arbaco, November 21, 2012 (HOL) — Guddoomiyaha baarlamanka Soomaaliya, Prof. Maxamed Sheekh Cismaan (Jawaari) ayaa sheegay in toddobaadka soo socda ay xubnaha baarlamaanka Soomaaliya ansixin donaan xeer hoosaadka baarlamanka uu ku shaqeynayo afarta sano ee soo socota, iyadoo ay toddobadyadii lasoo dhaafay socdeen doodo ay xildhibaannadu ka yeelanayaan qodobbada xeer hoosaadka.