2014-09-20
Today from Hiiraan Online:  _
Wararka Maanta- Talaado, Nov 20, 2012
Kulan looga Hadlayay Ammaanka Xaafadda Islii oo ka Dhacay Magaalada Nairobi [SAWIRRO]


Talaado, November 20, 2012 (HOL) —Kulan ballaaran oo looga hadlayay sidii loo xallin lahaa rabshadaha kasoo cusboonaaday xaafadda Islii ee u dhexeeya Soomalida Islii ku dhaqan iyo kooxo dhalinyaro ah oo ka yimid xaafadda Madari islamarkaasina ka careysnaa qaraxii ay dadka badan ku dhinteen ee gudaha xaafadda Islii lagula eegtay gaari Bas ah.

Kulankan oo looga doodayay sida loo hakin karo dhibaatooyinka kasoo cusboonaaday xaafadda Islii islamarkaasina looga hortagi lahaa Rabashado kale oo xaafadda ka dhaca ayaa waxa kasoo qeybgalay saraakiisha u sareysa ciidamada Booliska Kenya, Danjiraha Soomaaliya u fadhiya dalkani Kenya, Xildhibaanka laga soo doorto deegaanka Kamakunji, madax ka socotay xaafaddaha Starehe iyo Islii, dhalinyaro, haween, Culumaa'udiin  iyo weliba marti sharaf kale.

Goobta ayaa waxaa ka hadlay dhalinyaro, haween, culumaa’udiin iyo madax, waxayna si isku mid ah u cambaareeyeen weerarkii gudaha xaafadda Islii lagula eegtay gaari bas ah oo ay saarnaayeen dadka rayid ah, waxayna sidoo kale cambaareeyeen kooxaha rabshadaha ka wada xaafadda Islii.

Xildhibaanka laga soo doorto deegaanka Kamakunji Yuusuf Xasan oo shir jaraa’id qabtay kadib markii uu kulanka soo dhamaaday ayaa sheegay in kulankii maanta looga doodayay rabshadihii ka dhacay xaafadda islii iyo sidii looga hortagi lahaa in markale ay dib usoo laabtaan.

“Rabshadihii ka dhacay labadii cishe ee ina dhaafay ee dhibka faraha badan xaafadeena u geeystay ma ahayn kuwa ay sameeyeen dad u dhashay oo degan xaafadda Islii, waxay ahaayeen dad lasoo diray oo ujeedadoodu ahayd in ay bililiqeystaan xaafadda, dhaawac weyna u geystaan shacabka soomaaliyeed ee meesha ku nool,” ayuu xildhibaanku yiri.

Masuulkani ayaa sheegay in kulanka maanta ay isugu yeereen qoysaska iyo madaxda xaafadihii laga soo abaabulay duulaankii lagu soo qaaday xaafadda Islii, wuxuuna sheegay in laga wada hadlayay sidii is afgaradka iyo wadahadalka labada qoys loo xoojin lahaa, wuxuuna xusay in si wadajir ah ay uga soo horjeesteen kooxo uu ku sheegay burcad ka faa’iideysaneysay qaraxii ka dhacay xaafadda Islii.

Masuulkani ayaa sheegay in booliska ay ka gaabiyeen howshoodii islamarkaasina ay jaanis siiyeen kooxihii weerarka soo qaaday in ay is abaabulaan oo ay soo weeraraan xaafadda Islii.

“Waxaan dooneynaa inaan isu keenno madaxda syiyaasadda muslimiinta iyo Kirishtaanka, dumarka iyo dhalinyaradooda aana kawada hadalno sidii arintaasi looga hortagi lahaa loona wacyi gelin lahaa dhalinyaradaasi,” ayuu xildhibaanku hadalkiisii raaciyay.

Sidoo kale xildhibaan Yuusuf Xasan ayaa xusay in uu booqasho ku tagay saldhigga Bangaano oo ay ku xirnaayeen dad fara badan oo Soomaali ah oo ay ciidamadu qabteen intii ay rabashadaha socdeen, wuxuuna sheegay in uu la hadlay madaxda saldhigga ayna ka ballan qaadeen in wixii aan danbi lahayn lasii deyn doono, dadkii dambi lagu helana maxkamad la geyn doono.

Kulankani looga hadlayo ammaanka xaafadda Islii ayaa ka danbeeyay kadib markii labadii maalmood ee aynu soo dhaafnay ay xaafadda Islii ka dhacayee rabashado u dhexeeyay Soomaalida ku dhaqan Islii iyo kooxo kasoo duulay xaafado kale oo ka careysnaa qaraxii ka dhacay xaafadda Islii.

--
Xasan Nuur, Hiiraan Online
hnur@hiiraan.com
Nairobi, Kenya





Post your comments

2012-11-20 9:06 AM EST
Talaado, November 20, 2012 (HOL) — Madaxweynaha Soomaaliya, Mudane Xasan Sheekh Maxamuud ayaa maanta xafiiskiisa ku qaabilay wafdi ballaaran oo ka socday laamaha kala duwan ee Qaramada Midoobay.

2012-11-20 8:48 AM EST
Talaado, November 20, 2012 (HOL) — Ugu yaraan 15-qof ayaa ku dhaawacmay rasaas ay milateriga Kenya ku fureen maanta dad shacab ah oo isugu soo ururay bartamaha magaalada Gaarisa ee gobolka Waqooyi-bari-Kenya, halkaasoo tan iyo shalay ay ka socdeen rabshado ka dhashay saddex askari oo la dilay.

2012-11-20 8:25 AM EST
Talaado, November 20, 2012 (HOL) — Wasiirka difaaca Soomaaliya, Cabdixakiin Maxamuud Xaaji Fiqi oo ka hadlayay waxyaabaha ay qaban doonto wasaaraddiisa ayaa sheegay inay ku wajahan yihiin degmada Jowhar ee gobolka Shabeellada dhexe oo ay ka taliso Al-shabaab.

2012-11-20 8:02 AM EST
Talaado, November 20, 2012 (HOL) — Inkastoo tababarka loo soo xiray saraakiisha iyo ciidamada maamulka gobollka Hiiraan uu socday mudo gaaban, ayeey haddana saraakiisha ciidamada AMISOM sheegeen in uu ahaa mid casri ah oo ka faa’ideen intii ka qeyb-qaadatay.

2012-11-20 7:16 AM EST
Talaado, November 20, 2012 (HOL)-Magaalada Gaalkacayo ee xarunta gobolka Mudug waxaa xalay lagu diley Nabad-doon si weyn loo yaqaaney , laguna magacaabi jirey Aadan Faarax Dheere. Rag Baaskoolado ku hubeysnaa oo aan haybtooda la aqoonsan ayaa la sheegay in ay toogteen.

2012-11-20 2:44 AM EST
Talaado, November 20, 2012 (HOL) — Madaxweynaha Soomaaliya, Xasan Sheekh Maxamuud ayaa si adag u cambaareeyay weerar bambaano oo Axaddii lagu qaaday gaari kuwa rakaabka qaada ah oo marayay bartamaha Nairobi, weerarkaas oo ay ku dhinteen sagaal qof ayna ku dhaawacmeen in ka badan 30-qof oo kale.

2012-11-20 2:43 AM EST
Talaado, November 20, 2012 (HOL) — Beesha Cali Yacquub ee Abgaal ayaa ku caleemo saaratay Muqdisho nabaddoon kaddib kulan ay qaybgaleen waxgarad, culimaawidiin, siyaasiiyiin iyo oo shalay oo Isniin ahayd lagu qabtay magaalada Muqdisho ee xarunta Soomaaliya.

2012-11-20 2:29 AM EST
Talaado, November 20, 2012 (HOL) —Ciidamada ammaanka Kenya ayaa howgallo ay shalay ilaa xalay ka fuliyeen magaalada Garissa ku qabqabtay boqollaal qof oo reer Garissa ah, kadib markii shalay sedex askari lagu dilay magaaladaasi.

2012-11-20 1:31 AM EST
Talaado, November 20, 2012 (HOL) —Waxaa saaka xaalad deganaan ah laga dareemayaa xaafadda Islii oo labadii maalmood ee ugu danbeeyay ay ka jireen rabashado u dhexeeyay Soomaalida degan xaafadda iyo dad ka careysan qaraxii ay dadka badan ku dhinteen ee ka Dhacay Isllii.