2014-07-30
Today from Hiiraan Online:  _
Wararka Maanta- Talaado, Nov 20, 2012
Madaxweynaha Soomaaliya oo Hay'adaha Qaramada Midoobay ka Dalbaday inay u soo Guuraan Magaalada Muqdisho


Talaado, November 20, 2012 (HOL) — Madaxweynaha Soomaaliya, Mudane Xasan Sheekh Maxamuud ayaa maanta xafiiskiisa ku qaabilay wafdi ballaaran oo ka socday laamaha kala duwan ee Qaramada Midoobay.

“Qaramada Mdioobay dadaallo fara badan ayay ku bixisay Soomaaliya, umnadda Soomaaliyeed aad ayay ugu mahad-celinaysaa caawintaas oo socotay labaatankii sanno ee ugu dambeysay. Hadda waxaa loo baahan yahay in Qaramadda Midoobay ay hal meel uga soo jeesato arrimaha Soomaaliya," ayuu yiri madaxweyne Xasan Sheekh oo kulanka kaddib hadlay.

Madaxwenyanuhu wuxuu hadalkiisa ku daray in ujeeddada kama dambeysta ah ee dowladda Soomaaliya ay tahay in gargaarka laga gudbo lana wajaho dib u heshiisiinta iyo dib u dhiska dalka.

Sidoo kale, wuxuu sheegay in hay’adaha Qaramada Midoobay looga bahan yahay inay hay’ad walba ay la shaqeeyso wasaaradda ay isku howsha yihiin; isagoo tusaale u soo qaatay in hay’adaha WHO oo uu sheegay in looga bahan yahay inay la shaqeyso wasaarada arrimaha bulashada si looga guul-gaaro howlaha horyaalla wasaaraddaas.

Ugu dambeyn, madaxweynaha Soomaaliya ayaa ka dalbaday in Hay'adaha kala duwan ee Qaramada ay u soo guuraan Soomaaliya, gaar ahaan magaalada Muqdisho si ay uga howlgalaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-11-20 9:28 AM EST
Talaado, November 20, 2012 (HOL) —Kulan ballaaran oo looga hadlayay sidii loo xallin lahaa rabshadaha kasoo cusboonaaday xaafadda Islii ee u dhexeeya Soomalida Islii ku dhaqan iyo kooxo dhalinyaro ah oo ka yimid xaafadda Madari islamarkaasina ka careysnaa qaraxii ay dadka badan ku dhinteen ee gudaha xaafadda Islii lagula eegtay gaari Bas ah.

2012-11-20 8:48 AM EST
Talaado, November 20, 2012 (HOL) — Ugu yaraan 15-qof ayaa ku dhaawacmay rasaas ay milateriga Kenya ku fureen maanta dad shacab ah oo isugu soo ururay bartamaha magaalada Gaarisa ee gobolka Waqooyi-bari-Kenya, halkaasoo tan iyo shalay ay ka socdeen rabshado ka dhashay saddex askari oo la dilay.

2012-11-20 8:25 AM EST
Talaado, November 20, 2012 (HOL) — Wasiirka difaaca Soomaaliya, Cabdixakiin Maxamuud Xaaji Fiqi oo ka hadlayay waxyaabaha ay qaban doonto wasaaraddiisa ayaa sheegay inay ku wajahan yihiin degmada Jowhar ee gobolka Shabeellada dhexe oo ay ka taliso Al-shabaab.

2012-11-20 8:02 AM EST
Talaado, November 20, 2012 (HOL) — Inkastoo tababarka loo soo xiray saraakiisha iyo ciidamada maamulka gobollka Hiiraan uu socday mudo gaaban, ayeey haddana saraakiisha ciidamada AMISOM sheegeen in uu ahaa mid casri ah oo ka faa’ideen intii ka qeyb-qaadatay.

2012-11-20 7:16 AM EST
Talaado, November 20, 2012 (HOL)-Magaalada Gaalkacayo ee xarunta gobolka Mudug waxaa xalay lagu diley Nabad-doon si weyn loo yaqaaney , laguna magacaabi jirey Aadan Faarax Dheere. Rag Baaskoolado ku hubeysnaa oo aan haybtooda la aqoonsan ayaa la sheegay in ay toogteen.

2012-11-20 2:44 AM EST
Talaado, November 20, 2012 (HOL) — Madaxweynaha Soomaaliya, Xasan Sheekh Maxamuud ayaa si adag u cambaareeyay weerar bambaano oo Axaddii lagu qaaday gaari kuwa rakaabka qaada ah oo marayay bartamaha Nairobi, weerarkaas oo ay ku dhinteen sagaal qof ayna ku dhaawacmeen in ka badan 30-qof oo kale.

2012-11-20 2:43 AM EST
Talaado, November 20, 2012 (HOL) — Beesha Cali Yacquub ee Abgaal ayaa ku caleemo saaratay Muqdisho nabaddoon kaddib kulan ay qaybgaleen waxgarad, culimaawidiin, siyaasiiyiin iyo oo shalay oo Isniin ahayd lagu qabtay magaalada Muqdisho ee xarunta Soomaaliya.

2012-11-20 2:29 AM EST
Talaado, November 20, 2012 (HOL) —Ciidamada ammaanka Kenya ayaa howgallo ay shalay ilaa xalay ka fuliyeen magaalada Garissa ku qabqabtay boqollaal qof oo reer Garissa ah, kadib markii shalay sedex askari lagu dilay magaaladaasi.

2012-11-20 1:31 AM EST
Talaado, November 20, 2012 (HOL) —Waxaa saaka xaalad deganaan ah laga dareemayaa xaafadda Islii oo labadii maalmood ee ugu danbeeyay ay ka jireen rabashado u dhexeeyay Soomaalida degan xaafadda iyo dad ka careysan qaraxii ay dadka badan ku dhinteen ee ka Dhacay Isllii.