2014-11-26
Today from Hiiraan Online:  _
Wararka Maanta- Talaado, Nov 20, 2012
Nabaddoon lagu caleemo saaray Magaalada Muqdisho (SAWIRRO)


Talaado, November 20, 2012 (HOL) — Beesha Cali Yacquub ee Abgaal ayaa ku caleemo saaratay Muqdisho nabaddoon kaddib kulan ay qaybgaleen waxgarad, culimaawidiin, siyaasiiyiin iyo oo shalay oo Isniin ahayd lagu qabtay magaalada Muqdisho ee xarunta Soomaaliya.

Munaasabada ayaa lagu caleemo saaray nabaddoon Cali Maxamuud Maxamed Raage oo ku magac dheer (Cali Ganey), kaasoo noqon doona nabaddoon ay leedaay beeshan, iyagoo sheegay in nabaddoonkan uu iyaga matalayo.

Mas'uulinta beesha oo saxaafadda la hadlay ayaa sheegay in beesha Cali Yacquub aysan muddo dheer dooran nabaddoon kaddib geeridii ku timid nabadoonkii hore ee beesha.

Xaflada oo ay ahayd mid aad u qurux badan ayaa waxaa khudbado ka jeediyay xubnihii ka qaybgalay waxayna sheegeen in nabadoon Cali Ganey uu yahay nin caan ah oo kasoo bixi kara xilka ay beesha u dooratay, waana sababta keentay ayay yiraahdeen inuu hoggaan u noqdo beesha Cali Yacquub ee Harti Abgaal.

Ugu dambeyn, waxaa khudbad ka jeediyay munaasabadda nabadoon Cali Maxamuud Maxamed Raage (Ganey) oo ah nabadoonka la doortay isagoo sheegay inuu si weyn ugu faraxsan yahay xilka loo wakiishay, isagoo ka dalbaday xubnaha beesha oo dhan inay gacan ku siiyaan howshiisa.

Nabdoonka ayaa dhinaca kale shaaca ka qaaday inuu si toos ah ula shaqeyn doono ugaasyada, boqorada, babaddoonnada, malaaqyada iyo dhammaan qaybaha kala duwan ee beelaha Soomaaliyeed, isagoona beeshiisa iyo beelaha kale ka codsady inay si wanaagsan ula shaqeeyaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-11-20 9:28 AM EST
Talaado, November 20, 2012 (HOL) —Kulan ballaaran oo looga hadlayay sidii loo xallin lahaa rabshadaha kasoo cusboonaaday xaafadda Islii ee u dhexeeya Soomalida Islii ku dhaqan iyo kooxo dhalinyaro ah oo ka yimid xaafadda Madari islamarkaasina ka careysnaa qaraxii ay dadka badan ku dhinteen ee gudaha xaafadda Islii lagula eegtay gaari Bas ah.

2012-11-20 9:06 AM EST
Talaado, November 20, 2012 (HOL) — Madaxweynaha Soomaaliya, Mudane Xasan Sheekh Maxamuud ayaa maanta xafiiskiisa ku qaabilay wafdi ballaaran oo ka socday laamaha kala duwan ee Qaramada Midoobay.

2012-11-20 8:48 AM EST
Talaado, November 20, 2012 (HOL) — Ugu yaraan 15-qof ayaa ku dhaawacmay rasaas ay milateriga Kenya ku fureen maanta dad shacab ah oo isugu soo ururay bartamaha magaalada Gaarisa ee gobolka Waqooyi-bari-Kenya, halkaasoo tan iyo shalay ay ka socdeen rabshado ka dhashay saddex askari oo la dilay.

2012-11-20 8:25 AM EST
Talaado, November 20, 2012 (HOL) — Wasiirka difaaca Soomaaliya, Cabdixakiin Maxamuud Xaaji Fiqi oo ka hadlayay waxyaabaha ay qaban doonto wasaaraddiisa ayaa sheegay inay ku wajahan yihiin degmada Jowhar ee gobolka Shabeellada dhexe oo ay ka taliso Al-shabaab.

2012-11-20 8:02 AM EST
Talaado, November 20, 2012 (HOL) — Inkastoo tababarka loo soo xiray saraakiisha iyo ciidamada maamulka gobollka Hiiraan uu socday mudo gaaban, ayeey haddana saraakiisha ciidamada AMISOM sheegeen in uu ahaa mid casri ah oo ka faa’ideen intii ka qeyb-qaadatay.

2012-11-20 7:16 AM EST
Talaado, November 20, 2012 (HOL)-Magaalada Gaalkacayo ee xarunta gobolka Mudug waxaa xalay lagu diley Nabad-doon si weyn loo yaqaaney , laguna magacaabi jirey Aadan Faarax Dheere. Rag Baaskoolado ku hubeysnaa oo aan haybtooda la aqoonsan ayaa la sheegay in ay toogteen.

2012-11-20 2:44 AM EST
Talaado, November 20, 2012 (HOL) — Madaxweynaha Soomaaliya, Xasan Sheekh Maxamuud ayaa si adag u cambaareeyay weerar bambaano oo Axaddii lagu qaaday gaari kuwa rakaabka qaada ah oo marayay bartamaha Nairobi, weerarkaas oo ay ku dhinteen sagaal qof ayna ku dhaawacmeen in ka badan 30-qof oo kale.

2012-11-20 2:29 AM EST
Talaado, November 20, 2012 (HOL) —Ciidamada ammaanka Kenya ayaa howgallo ay shalay ilaa xalay ka fuliyeen magaalada Garissa ku qabqabtay boqollaal qof oo reer Garissa ah, kadib markii shalay sedex askari lagu dilay magaaladaasi.

2012-11-20 1:31 AM EST
Talaado, November 20, 2012 (HOL) —Waxaa saaka xaalad deganaan ah laga dareemayaa xaafadda Islii oo labadii maalmood ee ugu danbeeyay ay ka jireen rabashado u dhexeeyay Soomaalida degan xaafadda iyo dad ka careysan qaraxii ay dadka badan ku dhinteen ee ka Dhacay Isllii.