2014-07-25
Today from Hiiraan Online:  _
Wararka Maanta- Axad, Nov 18, 2012
Shirkadda Hormuud Telecom oo Matoor Dab-dhaliye ah ugu deeqday Isbitaalka Masaarida ee Magaalada Muqdisho [SAWIRRO]


Axad, November 18, 2012 (HOL) — Shirkadda isgaarsiinta Hormuud ayaa matoor dab-dhaliye ah ugu deeqday isbitaalka Masaarida ee magaalada Muqdisho, iyadoo maamulka isbitaalkaas uu soo dhaweeyay.

Zamzam Egyptian Hospital oo ka mid ah isbitaallada tirada yar ee adeeg caafimaad oo lacag la'aanah u ka fuliya Muqdisho ayaa qaabilaha qaybaha kala duwan ee bukaannada sida: caruurta, dumarka, qaliinka, jiifka iyo qaybta cuduradda guud, iyadoo dhammaan bukaannada taga isbitaalkaas lagu daweeyo si lacag la'aan ah.

Maddaxa isbitaalka, Dr. Xasan Axmad oo warbaahinta la hadlayay ayaa mahad u celiyay shirkadda isgaarsiinta Hormuud; isagoo sheegay in matoorka loogu deeqay ay baahi weyn u qabaan, uuna yahay mid kaafin kara koronto siin isbitaalka oo dhan.

Madaxa waaxda xiriirka guud ee shirkadda Hormuud, Cali Sheekh Yaasiin (Fadhaa) ayaa sheegay in shirkaddu ay ugu deeqday matoorkan kaddib markay aragtay in isbitaalka ay baahi koronto ka jirto shaqadiisuna ay aad u badan tahay.

Shirkadda Hormuud ayaa dhowr jeer oo matoorro iyo qalab kale ugu deeqday dhowr isbitaal oo ku yalla Muqdisho, gaar ahaan isbitaallada Madiina, Banaadir iyo Keysaney oo ka mid ah isbitaallada waaweyn ee ka shaqeeya Muqdisho.



Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-11-18 9:39 AM EST
Axad, November 18, 2012 (HOL) — Lix qof oo rakaab ay ayaa ku dhimatay kadib markii gaari nooca Rakaabka qaado uu ku qarxay nawaaxiga Kaniisad ku taal xaafadda Islii gaar ahaan nawaaxiga waaxda Sec1.

2012-11-18 6:53 AM EST
Axad, November 18, 2012 (HOL) — COL Cabaasi Ibraahim Gureey oo kamid ah saraakiisha hogaamisa ciidamada dowladda ee gobolka Gedo ayaa sheegay in shacabka Jubooyinka ay xaq u leeyihiin in ay iyaga soo dhistaan maamulkooda.

2012-11-18 5:21 AM EST
Axad, November 18, 2012 (HOL) — Afhayeenka Xarakada Al-shabaab, Sheekh Cali Maxamuud Raage (Sheekh Cali Dheere) ayaa ugu baaqay qurbo-joogta Soomaalida inay faraha kala baxaan siyaasadda dalka, isagoo uga digay inay dalalka reer galbeedku u adeegsadaan siyaasadda dalkooda.

2012-11-18 3:45 AM EST
Axad, November 18, 2012 (HOL) — Dhismaha garoon diyaraadeed Cusub ayaa ka bilowday degmada Ceelwaaq ee gobolka Gedo, iyadoona dhismaha garoonkani ay iska kaashanayaan maamulka gobolka Gedo iyo hay’adda cuntada Aduunka ee WFP.

2012-11-18 3:19 AM EST
Axad, November 18, 2012 (HOL) — Ciidamada dowladda Soomaaliya oo gaadiidka dagaalka ayaa gaaray saakay oo Axad ah deegaanka Garsale oo ku dhow degmada Jowhar ee xarunta gobolka Shabeellada dhexe.

2012-11-18 3:18 AM EST
Axad, November 18, 2012 (HOL) — Dadweynaha ku nool degmada Gaarisa ee gobolka Waqooyi-bari Kenya ayaa ka cabanaya xaalado ammaan-darro oo kusoo kordhay degmadaas, kuwaasoo sababay in degmadaas lagu dilo dad badan oo ay ku jiraan saraakiil ka tisran booliiska Kenya.