2014-10-31
Today from Hiiraan Online:  _
Wararka Maanta- Sabti, Nov 17, 2012
Ciidamada AMISOM oo Isbitaallo dadka lagu daweeyo ka furay deegaanno ka tirsan Gobolka Shabeellada Hoose


Sabti, November 17, 2012 (HOL) — Ciidamada Midowga Afrika ee AMISOM ayaa isbitaallo lagu daweeyo dadka xanuunsan ka furay deegaanno ku yaalla gobolka Shabeellada kuwaasoo ay ka qabsadeen xoogagga Al-shabaab oo muddo sannado ah ka talinayay.

Guddoomiyaha gobolka Shabeellada hoose, C/qaadir Maxamed Siidii ayaa sheegay in ciidamada AMISOM ay isbitaalladii ugu dambeeyay ka fureendeegaannada Leego iyo Shalaanbood, kuwaasoo lagu daweeyo dad xanuunsan oo ka kala imaanaya dhowr deegaan oo ku yaalla gobolka Shabeellada Hoose.

"Isbitaalladan waxay qaabilaan maalin walba bukaanno kala duwan oo deegaanno ka tirsan gobolka Shabeellada hoose ka imaanaya, waxayna qayb ka yihiin isbitaallo horay looga hirgeliyay degmada Afgooye iyo deegaanka Lafoole," ayuu yiri Siidii oo intaas ku daray in hay'do maxalli ay ka billaabeen gobolkaas raashin qaybin.

Ciidamada dowladda Soomaaliya iyo kuwa AMISOM ayaa tan iyo horraantii sandkan kala wareegay Al-shabaab deegaanno fara badan oo ku yaalla gobolka Shabeellada hoose, kuwaasoo ay ku jirto degmada Marko oo ka mid ahayd saldhigyada waaweyn ee Al-shabaab ku lahayd Koonfurta Soomaaliya.

Ciidamada AMISOM ayaa horay uga furay Muqdisho isbitaallo lagu daweeyo dadka xanuunsan, inkastoo ay xireen markii Al-shabaab ay isaga baxday Muqdsho, iyagoo aan xilli u qaban isbitaallada ay hadda ka fureen gobolka Shabeellada Hoose.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-11-17 8:27 AM EST
Sabti, November 17, 2012 (HOL) — Wasiirka arrimaha dibadda ee dalka Jabuuti, Maxamuud Cali Yuusuf ayaa sheegay in Soomaaliya ay u baahan tahay balaayiin doollar si dib loogu dhiso, isagoo sheegay in lacagaha yaryar ee mar walba la sheego in loogu deeqay aysan waxba u tagayn Soomaaliya.

2012-11-17 7:23 AM EST
Sabti, November 17, 2012 (HOL) — Mark Bowden oo ah xiriiriyaha Qaramada Midoobay u qaabilsan gargaarka bani'aadamnimo ee Soomaaliya oo shir jaraa'id ku qabtay maanta magaalada Nairobi ayaa sheegay in 2.5 milyan qof oo Soomaali ah ay weli u baahan yihiin gargaar bani'aadamnimo.

2012-11-17 6:58 AM EST
Sabti, November 17, 2012 (HOL) — Kulan wadatashi iyo isbarasho ah ayaa maanta dhexmaray wasiirradii hore ee xukuumaddii KMG ahayd iyo wasiirrada cusub iyadoo kulankan uu shir guddoominayay ra'iisul wasaaraha Soomaaliya, Cabdi Faarax Shir-doon.

2012-11-17 6:20 AM EST
Sabti, November 17, 2012 (HOL) — Hay'adda Wadahadalka Bulshada ee CCD ayaa maanta dood-cilmiyeed looga hadlayay gabdhaha khasab lagu guursado Muqdisho ugu qabatay haween ka kala socday 16-ka degmo ee gobolka Banaadir. iyadoo lagu falanqeeyay doodda sidii looga hortagi lahaa in gabadha si khasab ah loogu guuriyo qof aysan raalli ka ahayn.

2012-11-17 3:47 AM EST
Sabti, November 17, 2012 (HOL) — Ciidamada Soomaaliya iyo kuwa Midowga Afrika ee AMISOM ayaa Al-shabaab ka saaray deegaanno ay ku xoogganayd oo ku yaalla gobollada Jubbada Hoose iyo Gedo ee Koonfurta Soomaaliya, laakiin hadda waxaa ka taagan deegaannadaas dagaal siyaasadeed ku aaddan ciddii maamuli lahayd.

2012-11-17 2:33 AM EST
Sabti, November 17, 2012 (HOL) — Madaxweynihii hore ee Dowladdii KMG ahayd ee Soomaaliya, Shariif Sheekh Axmed iyo qoyskiisa ayaa shalay oo Jimco ka guuray magaalada Muqdisho, iyagoo kusii jeeda dalka Uganda, halkaasoo degenaasho ay ka heleen.

2012-11-17 1:35 AM EST
Sabti, November 17, 2012 (HOL) —Kadib booqasho uu ra’isul wasaaraha dalka Masar Hisham Qandal ku tagay magaalada Qasa ee dhulka Falastiin ayuu sheegay in dowladda Masar aysan indhaha ka daboolan doonin dhibaatada ka taagan halkaasi.