2014-08-21
Today from Hiiraan Online:  _
Wararka Maanta- Khamiis, Nov 15, 2012
Madaxweynaha oo sheegay in lala Xisaabtamayo Hay'adaha Maaliyadda ee Dowladda si looga hortago Musuqmaasuqa


Khamiis, November 15, 2012 (HOL) — Madaxweynaha Soomaaliya, Xasan Sheekh Maxamuud ayaa ku sheegay khudbad uu jeediyay xalay in dowladdu ay si cad ula xisaabtami doonto hay'adaha kala duwan ee maaliyadda, isagoo sheegay in tani ay hordhac inaan lagu takri-falin hantida dowladda soo gasha.

Xasan Sheekh wuxuu sheegay in dowladdiisu ay xoogga saari doonto dhismaha hay'adaha kala duwan ee dowladda iyo la xisaatankooda, isagoo sheegay inay ka shaqeynayaan inay beeniyaan in Soomaaliya uu ka jiro musuqmaasuq baahsan.

"Dowladdu waxay xoogga saari doonnaa dhismaha hay'daaha maaliyadda, kuwaasoo ay ka mid yihiin: wasaaradda maaliyadda, bankiga dhexe, xisaabaadka guud iyo hanti-dhowraha guud," ayuu yiri yiri Xasan Sheekh oo sheegay inay la xisaabtami doonaan dhammaan haya'dahan si ay Soomaaliya uga harto magacyada xunxun ee lagu dhajiyay la xisaabtan ma lahan, shafaafiyad ma lahan iyo musuqmaasuqu wuxuu gaaray meel sare.

Madaxweynuhu wuxuu sheegay in hay'adahan ay ka rajeynayaan inay shaqooyinka loo igmaday kasoo baxaan; isagoo intaas ku daray in shacabka Soomaaliyeed aysan istaahilin in loogu yeero magacyo xun-xun.

"Shakhsiyaad yar oo naga tirsan oo iyagu ku takri-falay awooddii dowladnimada ee la siiyay ama ammaanadii daycay inay magac xumo dalkan u soo jiidaan suurogal ma ahan, waxaana u istaagaynaa inaan hor-istaagno in wax yar ee aan haysanno lagu takri-falo," ayuu yiri madaxweyne Xasan Sheekh.

Dhanka kale; madaxweynuhu wuxuu ka hadlay dhulka dowladda ee la dhistay isagoo sheegay in dhulka dowladda uu yahay dhul dowladeed markii ay dowladdu u baahantana ay ka saarayso dadka ku dhaqmayay muddada dheer.

"Dhul kasta oo dhul dowladeed ahaa 26-kii Jannaayo 1991-kii weli waa dhul ay leedahay dowladda Soomaaliya; waxaan uga digaynaa shacabka dhistay inay u qaataan inay iyagu leeyihiin, qofkii ku dhaqmay waxaan u sheegaynaa inuusan is-lahaysiin," ayuu yiri Xasan Sheekh.

Madaxweynaha Soomaaliya ayaa tan iyo xalay jeedinayay khudbadyo kala duwan oo ku saabsan waxqabadka dowladda horyaalla, waxaana hadalladiisan ay kusoo beegmayaa xilli la ansixiyay xukuumadda Soomaaliya lana dhaariyay maanta oo Khamiis ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-11-15 9:08 AM EST
Khamiis, November 15, 2012 (HOL) — Kulanka diimeedkan oo ay soo qabanqaabisay hay'adda Wadahadalka bulshada ayaa waxaa ka qayb-galay illaa 10 culumaa’udiinka Soomaaliyeed ka mid ah iyagoo kulanooda kasoo saaray qodobbo diiini ah, iyagoo shacabka Soomaaliyeed ugu baaqay inay Alle u laabtaan.

2012-11-15 8:48 AM EST
Khamiis, November 15, 2012 (HOL) — Kulan ay ururrada bulshada rayidka ah ee Soomaaliyeed ku taageerayaan xukuumadda Soomaaliya ayaa Muqdisho lagu qabtay, iyadoo kulankan ay soo qabanqaabiyeen haya'dda horumarinta haweenka ee IIDA iyo hay'adda Somali Women Agenda SWA.

2012-11-15 6:29 AM EST
Khamiis, November 15, 2012 (HOL) — Sagaal wasiir oo ka mid ah golaha wasiirrada xukuumadda Soomaaliya ee dhawaan uu baarlamaanku ansixiyay ayaa maanta lagu dhaariyay xarunta golaha shacabka ee Muqdisho, waxaana dhaarka ka maqnayd wasiiradda arrimaha dibadda ahna ra'iisul wasaare ku xigeenka, Fowziyo Yuusuf Xaaji Aadan oo safar dibadeed ku maqan.

2012-11-15 6:27 AM EST
Khamiis, November 15, 2012 (HOL) — Mas’uuliyiinta maamulka gobolka Hiiraan ayaa soo dhaweeyay talaabadii uu dhawaan baarlamaanka Soomaaliya ku ansixiyay xukuumada cusub ee Soomaaliya, kadib shir jaraa’id oo ay ku qabteen magaalada Baladweyne.

2012-11-15 5:43 AM EST
Khamiis, November 15, 2012 (HOL) — Guddoomiyihii gobolka Banaadir iyo duqii Muqdisho, Maxamed Cumar Xabeeb (Maxamed Dheere) ayaa maanta xanuun awgiis ugu geeriyooday Muqdisho xilli la doonayay in arrimo caafimaad dalka dibaddiisa loogu qaado.

2012-11-15 3:10 AM EST
Khamiis, November 15, 2012 (HOL) —Guddigii farsamo ee ka socday shirka maamul u sameynta Jubooyinka ayaa gudaha magaalada Kismaayo kulamo gooni-gooni ah kula leh odoyaasha dhaqan beelaha dega Jubooyinka.

2012-11-15 3:03 AM EST
Khamiis, November 15, 2012 (HOL) — Xarakada Al-shabaab oo dagaal kula jirta dowaldda Soomaaliya ayaa uga digtay shacabka inay raacaan gaadiidka muraayadaha madow, gaar ahaan kuwa mara deegaannada ay gobolka Shabeellada hoose ee ay ka taliso dowaldda Soomaaliya.

2012-11-15 2:50 AM EST
Khamiis, November 15, 2012 (HOL) — Xukuumadda Uganda ayaa sheegtay inay ka laabatay go'aankii ay ciidamadeeda uga saaraysay Soomaaliya iyo dalal kale oo ku yaalla Afrika, taasoo ka dhalatay caro ay Uganda ka qaaday warbixin ay guddi ka tirsan Qaramada Midoobay ku sheegeen in dalalka Uganad iyo Ruwanda ay taageero siiyaan jabahadda M23 ee ka dagaalanta bariga dalka Jamhuuriyadda Congo.

2012-11-15 2:24 AM EST
Khamiis, November 15, 2012 (HOL) — Madaxweynaha Soomaaliya, Xasan Sheekh Maxamuud oo shir jaraa'id ku qabtay xarunta madaxtooyada Soomaaliya shalay oo Arbaco ahayd ayaa kaga hadlay arrimo badan oo ay ka mid yihiin maamul u sameynta gobollada dalka, wax ka qabashada ammaanka iyo dhoofinta dhuxusha taalla Kismaayo.