2014-07-28
Today from Hiiraan Online:  _
Wararka Maanta- Isniin, July 2 , 2012
Shir lagu horumarinayo Duulista Hawada Soomaaliya oo lagu qabtay Magaalada Montreal ee dalka Kanada



Xubnaha guddida hagta arrimaha duulista Soomaaliya. Bidix: Eng. Kaamil A. Olol Diinle, Peter Noad, Axmed Dalal Faarax (Wii Waa) iyo Romain Ekoto.


Isniin, July 02, 2012 (HOL) — Shirkii shanaad ee guddida haga arrimaha duulista Soomaaliya (Steering Committee) ayaa lagu qabtay magaalada Montreal ee xaruunta hay'adda Qaramada Midoobay u qaabilsan duulista hawada ee ICAO (International Civil Aviation Organization) 28-kii bishii lasoo dhaafay ee Juun.

Guddiga shirkaan ka qayb-gashay ayaa kala ahaa: Inj. Maxamed-Kamil A. Olol Diinle (TFG Somalia), Axmed Dalal Faarax (Somaliland), Peter Noad (ICAO/TCB). Waxaa sidoo kale shirkan uga qayb-galay khadka taleefoonka agaasimaha mashruuca CACAS (Civil Aviation Caretaker Authority for Somalia) Kemoitse J. Mosupukwa  iyo madaxa hay'adda UNDP Soomaaliya, David M. Clapp.

Kulankan oo uu shir-guddoomiye ka ahaa agaasimaha waxaad duulista ee Somaliland, Axmed Dalal Faarax (Wii Waa) ayaa waxaa is weyn loogu falanqeeyey sidii maamulka loogu soo wareejin lahaa mashruuca CACAS oo illaa 1996 ay gacanta ku haysay maamulka duulista hawada Soomaaliyeed iyo sidii loo horumarin lahaa xuquuqda shaqaalaha Soomaaliyeed ee ka shaqeeya mashruuca CACAS.

Mashruucan CACAS (Civil Aviation Caretaker Authority for Somalia) oo ay xaruuntiisu tahay magaalada Nairobi ayaa waxaa si wadjir ah u aasaasay hay'adda UNDPda iyo Hay'adda ICAO sannadkii 1996 si loo daryeelo ammaanka dayaaradaha dul mara hawada dalka Soomaaliya ka dib markii ay burburtay dowladdii dhex ee dalka Soomaaliya

Mashruuca CACAS ayaa lagu eedeeyay maamul xumo iyo inay lunsadeen dhaqaale wax lagu horumarin lahaa duulista hawada Soomaaliya (Somali Civil Aviation) sida ku cad warbixin aan wali la shaacin oo ay soo diyaariyeen guddiga  "Technical Audit Report" oo baaritaan ku sameeysay mashruuca CACAS.

Shirkan ayaa waxaa kasoo baxay qodobbo ay ka mid yihiin in heshiis cusub lala galo dhammaan shaqaalaha Soomaaliyeed ee ka hawl-gala mashruuca CACAS si kor loogu qaado mushaarkooda iyo wixii daryeel ah (Genuine contracts with benefits and pension system). Sidoo kale waxaa la go'aansaday in lasoo xulo guddi farsamo oo ku meel gaar ah (Transitional Technical Team) kuwaasoo u gogol-xaara sidii maamulka mashruuca CACAS loogu soo wareejin dalka Soomaaliya.

Injineer Kaamil iyo Axmed Wii Waa oo u warramayay Hiiraan Online ayaa sheegay in shirkan uu ahaa kii ugu wanaagsanaa oo ay qabtaan guddiga haga maamulka arrimaha duulista hawada Soomaalia. Waxayna intaa ku dareen in shirkan ay kasoo baxeen go'aano waxtar u leh shaqaalaha Soomaaliyeed ee ka howl-gala mashruuca CACAS.


Axmed Dalal Faarax (Wii Waa), Raymond Benjamin (Secretary General of ICAO) & Eng.Kaamil A. Olol Diinle


Ugu dambeyntii, Inj. Kaamil iyo Axmed Wii Waa ayaa waxay shir-gaar ah xafiiskiisa kula qaateen xoghayaha guud ee hay'adda Qaramada Midoobay u qaabilsan duulista hawada ee ICAO, Mr. Raymond Benjamin. iyagoo kala hadlay sidii loosoo af-jari lahaa mashruuca CACAS. 

Mr. Benjamin ayaa mas'uuliyiinta u ballan-qaaday inuu meel-marin doono dhammaan qodobbada kasoo baxay shirka shanaad ee looga hadlay arrimaha duulista hawada ee Soomaaliya.

Guddiga haga arrimaha duulista hawada Soomaaliya ayaa waxay ka kooban yihiin: dowladda KMG ah ee Soomaaliya, Somaliland, Puntland iyo xubno ka socda CACAS, UNDP iyo ICAO/TCB.

Magaalada Nairobi ee dalka Kenya ayaa lagu ballamay inuu ka dhaco shirka lixaad ee guddiga hagta arrimaha duulista hawada Soomaaliyeed.

Axmed Gure, Hiiraan Online
gure@hiiraan.com





Post your comments

2012-07-02 6:52 PM EST
Talaado, July 03, 2012(HOL): Xaflad lagu soo bandhigayey buug uu qorey Abwaan Mustafe Sh Cilmi oo la magac baxay DAL MASIIBO DABBAASHAY DAREEN HOY U AHAADAY ayaa lagu qabtey magaalada Stockhlom ee dalka Sweden.

2012-07-02 5:51 PM EST
Isniin, July 02, 2012(HOL): Munaasibad lagu xusayay 1-da July oo ah maalintii ay Soomaaliya xornimada qaadatay, isla markaasina ay israaceen gobolada koonfurta iyo waqooyiga Soomaaliya, ayaa lagu qabtay magaalada Minneapolis ee gobolka Minnesota oo ah halka ay Soomaalidu u badan tahay wadanka Mareykanka.

2012-07-02 1:57 PM EST
Isniin, July 02, 2012(HOL): Waxaa maanta si rasmi ah uga furmay xarunta wasaarada arrimaha dibadda Talyaaniga shirkii kooxda xariirka calamiga ah ee Soomaaliya ( International Contact Group ICG ), waxaana shirkaas ka qayb galaya Dowladda Federalka KMG ah ee Soomaaliya maamullada Puntland, Galmudug, iyo Ururka Ahlusuna Waljameec. Shirkani waxaa uu furmay 2-dii duhurnimo waxaana uu socon doonaa mudo laba cisho ah.

2012-07-02 8:59 AM EST
Isniin, July 02, 2012 (HOL) — Danjirihii Mareykanka ee dalka Itoobiya, David Shinn ahna siyaasi ka faallooda arrimaha siyaasadda geeska Afrika ayaa soo dhaweeyay wadahadallada u billowday Soomaaliya iyo Somaliland, isagoo ku tilmaamay kuwo meesha ka saari kara khilaafkii labada dhinac u dhexeeyay.

2012-07-02 8:53 AM EST
Isagoo dhawaananba ku sugnaa magaalada Nairobi ee xarunta dalka Kenya ayaa ra'iisul wasaarihii hore ee Soomaaliya Maxamed C/laahi Farmaajo uu kumannaan dadweyne ah kula hadlay xaafada Easleigh ee Soomaalidu ka dagantahay magaalada Nairobi ee xarunta dalka Kenya .

2012-07-02 8:17 AM EST
Isniin, July 02, 2012 (HOL) — Xaafadda gubta oo ka tirsan degmada Dayniile ee gobolka Banaadir ayaa maanta lagu arkay maydadka laba haween ah oo la dilay, kuwaasoo la sheegay inay wateen ukun fara badan.

2012-07-02 8:13 AM EST
Isniin, July 02, 2012 (HOL) — Dowladda KMG, maamulka Puntland iyo Mareykanka ayaa si isku mid ah u cambaareeyay qaraxyadii ka dhacay magaalada Gaarisa oo ay ku dhinteen 17-qof ayna ku dhaawacmeen 50-qof iyo afduubyada shaqaalaha gargaarka.

2012-07-02 7:41 AM EST
Isniin, July 02, 2012 (HOL) — Siminnaarkan oo ay ka qaybagleen 150 haween ah ayaa waxaa soo qaban-qaabisay hay'adda Midowga Dhallinyarada Soomaaliya UYS iyadoo xubnaha ka qaybgalay ay ku jireen mas'uuliyiin ka tirsan dowladda DKMG ah.

2012-07-02 7:25 AM EST
Isniin, July 02, 2012 (HOL) — Magaalada Toronto ee dalka Kanada ayaa waxaa lagu qabtay xaflad ballaaran oo lagu taageerayay murashaxnimada ra'iisul wasaaraha Soomaaliya, C/weli Maxamed Cali Gaas isla markaana lagu taageerayay waxqabadka xukuumaddiisa muddadii halka sano ahayd ee ay shaqeynaysay.

2012-07-02 5:03 AM EST
Isniin, July 02, 2012 (HOL) — C/raxmaan C/shakuur Warsame oo ka mid ah xubnaha u tagaan xilka madaxnimo ee Soomaaliya oo shalay ka qaybgalayay xaflad loo qabtay xuska 1-da Luuliyo ayaa sheegay in wadahadallada Soomaaliya iyo Somaliland ay ka weyn yihiin olole loo isticmaalo doorasho.

2012-07-02 4:37 AM EST
Isniin, July 02, 2012 (HOL) — Ugu yaraan 10-qof oo labada dhinac ah ayaa lagu dilay dagaal culus oo xalay duleedka degmada Xudur ee gobolka Bakool ku dhexmaray ciidamada DKMG ah oo garansanaya kuwa Itoobiya iyo xoogagga Al-shabaab.

2012-07-02 4:09 AM EST
Isniin, July 02, 2012 (HOL) — Saraakiil u hadlay ciidamada DKMG ah iyo kuwa Kenya ee ku sugan Koonfurta Soomaliya ayaa sheegay Isniinta maanta ah in howgal ay si wadajir ah xalay u sameeyeen kusoo furteen afar ruux ajnabi ah kuwaasoo saddex maalmood ka hor laga afduubay xeryaha qoxootiga Dhadhaab-Kenya.