2014-10-02
Today from Hiiraan Online:  _
Wararka Maanta- Sabti, Dec 8 , 2012
MADAXWEYNE XASAN SHEEKH: "Madaxda Turkiga waxyaabihii ugu weynaa ee aan kala hadlay waa Ammaanka"


Sabti, December 08, 2012 (HOL) — Madaxweynaha Soomaaliya oo booqasho saddex maalmood qaadatay ku tagay dalka Turkiga ayaa sheegay in waxyaabihii ugu weynaa ee uu kala hadlay madaxda dalka Turkiga ay ugu muhiimsanaayeen sidii ammaanka dalka loo sugi lahaa.

Madaxweyne Xasan ayaa intii uu Turkiga ku sugnaa la kulmay madaxweynaha iyo ra'iisul wasaaraha Turkiga, isagoo ka dalbaday inay gacan ka siiyaan dowladda cusub ee Soomaaliya sidii ay dalka dib u dhis ugu sameyn lahayd dibna loogu soo celin lahaa ammaanka.

"Madaxda Turkiga waxyaabihii ugu waaweynaa ee aan kala hadlay waa ammaanka sidii lagu soo celin lahaa," ayuu yiri madaxweynaha Soomaaliya, Xasan Sheekh oo sheegay in dowladda Turkiga ay tahay dowlad doonaysa inay si hagar la'aan ah u caawiso Soomaaliya.

Dowladda Turkiga ayaa waxay safaarad ka furatay sannadkii hore Soomaaliya sidoo kale waxay diyaaradda Turkish Airlines duulimaadyo ka billowday gudaha dalka si ay u muujiso sida ay uga go'an tahay in dib loo soo celiyo karaamadii iyo sharaftii ay Soomaaliya ku lahayd dunida inteeda kale.

"Turkiga waxay tusaale u yihiin caalamka, waxayna ballanqaadeen inay Soomaaliya ka caawin doonaaan dhinacayada, ammaanka, dhaqaalaha iyo horumarinta guud ee dalka," ayuu yiri Xasan Sheekh.

Ra'iisul wasaaraha Turkiga Recep Erdogan iyo madaxweynaha dalkaas, Cabdalla Gul ayaa waxay ballanqaadeen inay si dhab ah ula shaqeyn doonaan Soomaaliya dib u dhiska, kaabayaasha dhaqaalaha iyo horumarinta hay'adaha dowladda.

Madaxweynaha Soomaaliya oo safarkiisa ay ku wehliyaan wasiirro ka tirsan xukuumadda ayaa lagu wadaa inay dib ugu soo laabtaan maanta magaalada Muqdisho, kaddib markii uu soo gabgaboobay safarkii ay Turkiga ku tageen.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-12-08 9:52 AM EST
Sabti, December 08, 2012 (HOL) — Waxaa maanta qabuuraha Muslimiinta ee magaalada Nairobi lagu aasay qaar kamid ah dadkii ku dhintay qaraxii xalay ka dhacay masaajid ku yaal xaafadda Islii ee magaalada Nairobi.

2012-12-08 8:31 AM EST
Sabti, December 08, 2012 (HOL) — Xildhibaanno ka tirsan baarlamaanka Soomaaliya iyo koox fanaaniin ah ayaa maanta gaaray magaalada Baladweyne ee xarunta gobollka Hiiraan, halkaa oo ay ku soo dhaweeyeen mas’uuliyiinta ka tirsan maamulka gobolka.

2012-12-08 8:22 AM EST
Sabti, December 08, 2012 (HOL) — Guddiga doorashada Puntland ayaa saddex toddobaad oo dheeraad ah ku kordhiyay mudada furashada xisbiyada oo xiligii horay loogu qabtay uu dhammaad ku dhow yahay.

2012-12-08 7:35 AM EST
Axad, December 09, 2012 (HOL) — Guddiga Doorashooyinka Somaliland ayaa sheegay in dib loogu noqonayo tirintii sanaaduuqda degmadda Hargeysa ee natiijadeedu rabshaduhu ka dhasheen, isla markaana hakiyeen natiijadii ku meelgaadhka ahayd ee lagu dhowaaqay.

2012-12-08 7:24 AM EST
Sabti, December 08, 2012 (HOL) — Maxkamadda ciidamada qalabka sida ee Somalia ayaa xakun xabsi daa’in ah ku ridday maanta oo Sabti ah taliyihii hore ee ciidamada Asluubta Soomaaliyeed, Jen. Cabdi Maxamad Ismaaciil (Indho-buur) kaddib markii lagu eedeeyay inuu xabsiga dhexe kasii daayay 14 maxaabiis oo Al-shabaab ka tirsanaa.

2012-12-08 6:51 AM EST
Sabti, December 08, 2012 (HOL) — Madaxweynaha dowladda Soomaaliya, Xasan Sheekh Maxamuud oo maanta dib ugu soo laabtay Muqdisho ayaa cambaareeyay qaraxii xalay ka dhacay xaafadda Islii ee magaalada Nairobi oo uu ku dhaawamay xildhibaan Yuusuf Xasan oo ka tirsan baarlamaanka Kenya.

2012-12-08 6:30 AM EST
Sabti, December 08, 2012 (HOL) — Maamulka Ahlusunna Waljamaaca ee gobolka Galguduud ayaa ka manuucay xarunta gobolkaas ee Dhuusomareeb in hub lagu dhex qaato iyo si macno-darro ah rasaas loogu dhex-rido, iyagoo sheegay inay tallaabo ka qaadi doonaan ciddii jabisa amarkaas.

2012-12-08 3:07 AM EST
Sabti, December 08, 2012 (HOL) - Shan qof ayaa ku dhimatay lix kalena waa ay ku dhaawacmeen qarax xalay lala eegtay Xildhibaan Yuusuf Xasan xilli uu dadweeyne kula hadlayay masaajid ku yaal wadada loo yaqaan Jam street oo ka tirsan xaafadda islii ee magaalada Nairobi.

2012-12-08 3:04 AM EST
Sabti, December 08, 2012 (HOL) — Xarunta golaha shacabka ee Muqdisho ayaa lagu qabtay kulan ay talooyin iyo su’aalo ay isku dhaafsanayeen guddoomiyaha baarlamaanka Soomaaliya, Maxemed Cismaan Jawaari iyo dhallinyarada magaalada Muqdisho. Kulankan oo ahaa kii ugu horreeyay noociisa oo ay yeeshaan madaxda dalka iyo dhallinyarada Muqdisho.