12/20/2014
Today from Hiiraan Online:  _
Wararka Maanta- Jimco, Dec 7 , 2012
Hoos u dhac ku yimid Afduubyadii ay Burcad-badeedda u geysan jireen Maraakiibta ku safra Xeebaha Soomaaliya


Jimco, December 07, 2012 (HOL) — Afduubyadii ay burcadbadeedda Soomaalidu ka geysan jireen xeebaha Soomaaliya ayaa sannadkan 2012 uu aad hoos ugu dhacay sida ay sheegtay hay'adda la socodka badaha bariga Afrika oo fadhigeedu yahay magaalada Mombassa ee dalka Kenya.

Saraakiisha hay'addan ayaa sheegay in ilaalo badan oo maraakiibta la dagaalanka burcadbadeeddu ka sameeyeen biyaha Soomaaliya ay sababtay in hoos uu u dhaco afduubka burcadbadeedda Soomaalida.

"Hoos u dhac weyn ayaa sannadkan ku yimid afduubka maraakiibta, taasna waxaa sababtay kaddib markii burcadda lagula dagaalamay dhulka oo ah halka ay kasoo duulaan," ayuu yiri Jonathan Omonid oo ka tirsan hay'adda la socodka badaha ee Bariga Afrika.

Maraakiibta la dagaalanka burcadbadeedda Soomaalida ayaa sheegay in sannadkan 2012 ay burcadbadeeddu qaadeen 176 weerar, taasoo ka dhigaysa inay hoos uga dhaceen sannadkii 34 isku day.

Burcadbadeedda ayaa la sheegay inay ku guuldarreysteen isku dayo badan oo ay ku doonayeen sannadkan inay ku qabsadaan maraakiib marayay badaha Soomaaliya iyadoo la sheegay inay jiraan kuwo u suurogalay inay ku guuleystaan fulintooda.

Diyaaradaha dagaalka ee la socda maraakiibta NATO ee ku sugan xeebaha Somalia ayaa waxay sannadkan dhowr jeer ku weerareen xeebaha Soomaaliya kooxaha burcadbadeedda ah; iyagoo burburiyay qalabkii ay ku duulaan-tegi jireen, sidoo kalena waxay dileen dhow burcadbadeed.

Burcadbadeedda Soomaalida ayaa waxay hadda gacanta ku hayaan maraakiib iyo shaqaalihii la socday, kuwaasoo ay ka doonayaan madaxfurasho lacageed, iyagoo mararka qaarkood soo saara digniino ay ku sheegayaan inay ku dili doonaan bad-maaxiinta ay gacanta ku hayaan.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

12/7/2012 2:21 PM EST
Jimco, December 07, 2012 (HOL) - Hal qof ayaa ku dhintay toban kalena waa ay ku dhaawacmeen qarax loo maleynayo bombka gacanta laga tuuro oo lala beegsaday Masaajidka Al-Hidaaya ee waddada Jaam Street ee xaafdda Eastleigh.

12/7/2012 8:04 AM EST
Jimco, December 07, 2012 (HOL) — Maamulka gobolka Banaadir ayaa sheegay in hay'adda horumarinta caalamiga ah ee Turkiga [TIKA] ay dib u dhis ku sameyn doonto waddooyinka magaalada Muqdisho oo aan wax dayactir ah lagu sameyn tan iyo markii ay dhacday dowladdii dhexe ee Soomaaliya 1991-kii.

12/7/2012 2:59 AM EST
Jimco, December 07, 2012 (HOL) — Hal qof ayaa ku dhintay, ilaa lix qofna way ku dhaawacmayn rabshado xalay ka dhacay magaaladda Hargeysa ka dib markii lagu dhowaaqay natiijadii doorashadda golaha deegaanka ee magaaladda Hargeysa sida ay noo xaqiijiyeen hawl-wadeenadda caafimaadka ee Adna Cisbitaal oo la dhigay dhawaaci.

12/7/2012 2:59 AM EST
Jimco, December 07, 2012 (HOL) — Ururka dhallinyarada SYL II ayaa bandhig lagu dhiiri-galinayo dhaqanka iyo afka Soomaaliga ku qabtay Muqdisho, bandhigan oo ay kasoo qeyb-galeen agaasimaha wasaaradda waxbarashada, hidaha iyo tacliinta Sare, Ismaaciil Macalin Cabdullahi ayaa si aad ah u soo dhaweeyay bandhigga sheegayna in wasaaradu ay dhiiri-gallin doonto dhaqanka Soomaaliyeed iyo afkaba.

12/7/2012 2:52 AM EST
Jimco, December 07, 2012 (HOL) — Madaxweynaha Soomaaliya, Xasan Sheekh Maxamuud ayaa xalay magaalada Istanbuul ee dalka Turkiga kulan kula yeeshay ra'iisul wasaaraha dalkaas Recep Tayyip Erdogan, iyagoo kawada hadlay sidi xiriirka labada dal loo xoojin lahaa.

12/7/2012 2:49 AM EST
Jimco, December 07, 2012 (HOL) — Taliyaha ciidanka booliiska degmada Baydhabo ee gobolka Bay, Col. Mahad C/raxmaan Aadan ayaa sheegay in sarkaal ka tirsan hay'adda FAO oo ay gacanta ku hayaan loo haysto dambi ah inuu la shaqeyn jiray Al-shabaab.

12/7/2012 2:49 AM EST
Jimco, December 07, 2012 (HOL) — Komishanka ama guddiga doorashooyinka Somaliland ee magaaladda Hargeysa, ayaa ku dhawaaqay natiijadii degmooyinka magaaladda Hargeysa, kaas oo si weyn loo hadal hayey.