2014-11-27
Today from Hiiraan Online:  _
Wararka Maanta- Jimco, Dec 7 , 2012
Taliyaha Booliiska Baydhabo oo sheegay in Sarkaalka FAO ka tirsan oo ay xireen loo haysto inuu Al-shabaab la shaqeynayay


Jimco, December 07, 2012 (HOL) — Taliyaha ciidanka booliiska degmada Baydhabo ee gobolka Bay, Col. Mahad C/raxmaan Aadan ayaa sheegay in sarkaal ka tirsan hay'adda FAO oo ay gacanta ku hayaan loo haysto dambi ah inuu la shaqeyn jiray Al-shabaab.

Col. Mahad ayaa sheegay inay socdaan baaritaanno lagu sameynayo sarkaalka oo lagu magacaabo Idiris Cabdi Dhakhtar isagoo sheegay in haddii dambiga lagu helo la horkeeno doono maxkamad haddii lagu waayana lasii dayn doono.

"Sarkaalkan innaga ayaa xirnay, waxaana kasoo qabannay gurigiisa; waxaan helnay fariin ah inuu la shaqeeyo Al-shabaab," ayuu yiri taliyaha booliiska Baydhabo oo intaa ku daray inay hadda ku hayaan xabsiga dhexe ee Baydhabo.

Wararka laga helayo Baydhabo ayaa sheegaya in sarkaalka ay habeen hore ciidamo ka tirsan kuwa maamulka gobolk kala soo baxeen gurigiisa oo ku yaalla xaafadda Horseed, iyadoo markiibana la geeyay xabsiga Baydhabo.

Isagoo hadalkiisa sii wata ayuu yiri: "Ma jirto hay'ad ka tirsan UN-ka oo nagala hadashay xariga sarkaalkan, waana nin reer Baydhabo ah oo hay'adaha caalamiga ah si aad ula shaqeyn jiray.

Ma ahan markii ugu horreysay oo sarkaal ka tirsan hay'adaha samafalka lagu xiro degmada Baydhabo, iyadoo taliyuhu uu sheegay in qof walba oo ay u arkaan inuu yahay dambiile ay xiri doonaan, darajiid uu doono ha lahaado ama hay'addii uu doono hala shaqeeyeen.

"Haddii aan sarkaalka siin lahayn fursad waxaan ka baqnay inuu nagu dalbado kuwa wax toogta oo magaalada ka buuxa, sidaa daraadeed markii fariinta aan helnay horay ayaan ka xirnay," ayuu Col. Mahad C/raxmaan hadalkiisa raaciyay.

Degmada Baydhabo ayaa waxay ka mid tahay degmooyinka ay ciidamada dowladda iyo kuwa caawinaya kala wareegeern xoogagga Al-shabaab, iyagoo maalin walba ka geysta halkaas falal isugu jira qaraxyo iyo dilal qorsheysan oo ay bartilmaameed uga dhiganayaan saraakiisha maamulka, ciidamada iyo dadka maamulka la shaqeeya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-12-07 2:21 PM EST
Jimco, December 07, 2012 (HOL) - Hal qof ayaa ku dhintay toban kalena waa ay ku dhaawacmeen qarax loo maleynayo bombka gacanta laga tuuro oo lala beegsaday Masaajidka Al-Hidaaya ee waddada Jaam Street ee xaafdda Eastleigh.

2012-12-07 8:04 AM EST
Jimco, December 07, 2012 (HOL) — Maamulka gobolka Banaadir ayaa sheegay in hay'adda horumarinta caalamiga ah ee Turkiga [TIKA] ay dib u dhis ku sameyn doonto waddooyinka magaalada Muqdisho oo aan wax dayactir ah lagu sameyn tan iyo markii ay dhacday dowladdii dhexe ee Soomaaliya 1991-kii.

2012-12-07 7:21 AM EST
Jimco, December 07, 2012 (HOL) — Afduubyadii ay burcadbadeedda Soomaalidu ka geysan jireen xeebaha Soomaaliya ayaa sannadkan 2012 uu aad hoos ugu dhacay sida ay sheegtay hay'adda la socodka badaha bariga Afrika oo fadhigeedu yahay magaalada Mombassa ee dalka Kenya.

2012-12-07 2:59 AM EST
Jimco, December 07, 2012 (HOL) — Hal qof ayaa ku dhintay, ilaa lix qofna way ku dhaawacmayn rabshado xalay ka dhacay magaaladda Hargeysa ka dib markii lagu dhowaaqay natiijadii doorashadda golaha deegaanka ee magaaladda Hargeysa sida ay noo xaqiijiyeen hawl-wadeenadda caafimaadka ee Adna Cisbitaal oo la dhigay dhawaaci.

2012-12-07 2:59 AM EST
Jimco, December 07, 2012 (HOL) — Ururka dhallinyarada SYL II ayaa bandhig lagu dhiiri-galinayo dhaqanka iyo afka Soomaaliga ku qabtay Muqdisho, bandhigan oo ay kasoo qeyb-galeen agaasimaha wasaaradda waxbarashada, hidaha iyo tacliinta Sare, Ismaaciil Macalin Cabdullahi ayaa si aad ah u soo dhaweeyay bandhigga sheegayna in wasaaradu ay dhiiri-gallin doonto dhaqanka Soomaaliyeed iyo afkaba.

2012-12-07 2:52 AM EST
Jimco, December 07, 2012 (HOL) — Madaxweynaha Soomaaliya, Xasan Sheekh Maxamuud ayaa xalay magaalada Istanbuul ee dalka Turkiga kulan kula yeeshay ra'iisul wasaaraha dalkaas Recep Tayyip Erdogan, iyagoo kawada hadlay sidi xiriirka labada dal loo xoojin lahaa.

2012-12-07 2:49 AM EST
Jimco, December 07, 2012 (HOL) — Komishanka ama guddiga doorashooyinka Somaliland ee magaaladda Hargeysa, ayaa ku dhawaaqay natiijadii degmooyinka magaaladda Hargeysa, kaas oo si weyn loo hadal hayey.