2014-04-23
Today from Hiiraan Online:  _
Wararka Maanta- Khamiis, Dec 6 , 2012
Golaha Wasiirrada Xukuumadda Somalia oo isku raacay inaan laga ganacsan karin Dharka, Gaadiidka Ciidamada iyo Hubka
Khamiis, December 06, 2012 (HOL) — Golaha wasiirrada xukuumadda Soomaaliya ayaa kulan ay maanta ku yeesheen Muqdisho waxay ku mamnuuceen ka ganacsiga hubka iyo direyska ciidamada, iyagoo sidoo kalena isku raacay in dib looga billaabo dekedda Muqdisho dhoofka xoolaha.

Shirka maanta ayaa waxaa guddoominayay ra'iisul wasaaraha Soomaaliya, Cabdi Faarax Shirdoon (Saacid) iyadoo ay ka maqnaayeen saddex wasiir oo ka mid ah wafdiga madaxweynaha ee safarka ku jooga dalka Turkiga, iyadoo shirka kaddib uu saxaafadda la hadlay wasiirka khayraadka dalka, Cabdirisaaq Cumar Maxamed.

"Golaha wasiirradu waxay si buuxda u mamnuuceen ka ganacsiga labiska ciidamada, gaadiidka ay isticmaalaan ciidamada iyo hubka, ciddii lagu helana go'aan cad ayay xukuumaddu ka qaadanaysaa," ayuu yiri wasiirka wasaaradda khayraadka dalka.

Wasiirku wuxuu hadalkiisa ku daray inaan ganacsi ahaan dalka loo keeni karin, sidoo kalena aan la arki karin cid tolaysa dharka ciidamada oo uu sheegay in qodobkan uu ahaa midkii ay aadka uga hadleen golaha wasiirrada intii uu shirkoodu socday.

"Hubka, rasaasta iyo baabuurta ciidamada ayaa ka mid ah kuwa la mamnuucay oo aan dib dambe dalka ganacsi ahaan loo keeni karin," ayuu yiri wasiirka, isagoo aan sheegin sida ay xukuumaddu ka yeelayso gaadiidka ciidmada ee hadda la wato iyo hubka lagu iibinayo caasimadda dhexdeeda.

Magaalada Muqdisho ayaa waxaa ku yaalla suuqyo lagu iibiyo hubka iyo dharka ay ciidamadu xirtaan, iyadoo dowladdii KMG ahayd ay dhowr jeer isku daysay inay la dagaalanto suuqyada hubka lagu iibiyo, inkastoo aan natiijo weyn laga gaarin.

Dhanka kale, wasiirka wasaaradda khayraadka dalka ayaa sheegay in sidoo kale ay isku raaceen golaha wasiirrada xukuumadda Soomaaliya in dib loo billaabo dhoofinta xoolaha Soomaalida.

"Qodobka kale ee go'aanka laga gaaray waa in dekedda weyn ee Muqdisho dib looga billaabo dhoofinta xoolaha, iyadoo kasoo shaqeynta arrintaa loo xilsaaray shan wasiir iyo ganacstada xoolaha," ayuu yiri wasiirka khayraadka dalka.

Shirka golaha wasiirrada ee maanta ayaa noqonaya kii labaad oo go'aanno ay kasoo saaraan wasiirrada Soomaaliya tan iyo intii codka kalsoonida ay ka heleen golaha baarlamaanka Soomaaliya bishii lasoo dhaafay.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-12-06 10:42 AM EST
Khamiis, December 06, 2012 (HOL) — Shirkadda Diyaaradaha ee Oday express ayaa shaacisay in ay bilowday duulimaad joogto ah oo ay ku tagi doonto magaalada Beledweyne, iyadoona shirkadda ay markii ugu horeeysay shalay ka degtay garoonka magaalada Beledweyne ee xarunta gobolka Hiiraan.

2012-12-06 7:52 AM EST
Khamiis, December 06, 2012 (HOL) — Ra'iisul waasaraha Itoobiya, Hailemariam Desalegn ayaa wareysi uu siiyay telefishinka Al-jazeera ku sheegay inuu doonayo in wadahadallo uu la furo dalka ay dariska yihiin ee dalka Eritrea oo 12 sano uu kala dhexeeay dagaal ay ku dhinteen 70,000 oo qof.

2012-12-06 7:33 AM EST
Khamiis, December 06, 2012 (HOL) — Maamulka gobolka Bay ee dowladda Soomaaliya ayaa xabsiga dhigay sarkaal ka tirsan hay'adda cunnada iyo beeraha adduunka ee FAO, kaasoo ciidamada Baydhabo ay xalay kala baxeen gurigiisa.

2012-12-06 7:23 AM EST
Khamiis, December 06, 2012 (HOL) — Kooxda kubadda cagta ee dalka Eritrea iyo dhakhtarkooda ayaa weydiistay dowladda Uganda magangalyo, iyagoo sheegay in haddii ay dalkooda ku laabtaan ay ka baqayaan inay xaalad khatar ah la kulmaan.

2012-12-06 7:00 AM EST
Khamiis, December 06, 2012 (HOL) — Qarax bambaano oo ay ku dhaawacmeen ugu yaraan 13 qof oo u badan haween ayaa ka dhacay goor-dhow qaybta dahabka lagu iibiyo ee suuqa Bakaaraha, iyadoo ciidamada dowladda ay markiiba halkaas howlgal ka billaabeen.

2012-12-06 5:13 AM EST
Khamiis, December, 06, 2012 (HOL) -- Tan iyo wixii ka danbeeyay dhawaan markii ay rag hubeysan ku toogteen magaalada Baladweyne guddoomiyihii golaha odayaasha dhaqanka gobollka Hiiraan nabadoon Max’ed Shiikh Xusseen Maryacade, ciidamada maamulka gobolka iyo AMISOM waxa ay ku howlanaayeen sidii loo xoojin lahaa amniga magaalada.

2012-12-06 3:57 AM EST
Khamiis, December 06, 2012 (HOL) — Qarax xooggan oo xalay fiidkii ka dhacay magaalada Nairobi gaar ahaan waaaxda California ee xaafadda Islii ayaa sababay dhimashada hal qof iyo dhaawaca todobo kale.

2012-12-06 2:27 AM EST
Khamiis, December 06, 2012 (HOL) — Madaxweynaha Turkiga, Cabdalla Guul ayaa ku dhawaaqay Arbacadii shalay in shacabka iyo xukuumadda dalka Turkiga ay siin doonaan Soomaaliya taageero weyn oo dib loogu dhisayo, si ay beesha caalamka ugu noqdaan tusaale.

2012-12-06 2:21 AM EST
Khamiis, December 06, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) iyo taliyaha ciidamada AMISOM, Jen. Andrew Gutti ayaa xalay fiidkii kulan looga hadlayay ammaanka ku yeeshay madaxtooyada Soomaaliya sida lagu sheegay warbixin ay soo saartay AMISOM.

2012-12-06 2:20 AM EST
Khamiis, December 06, 2012 (HOL) — Dadweynaha reer Somaliland oo maalmihii u dambeeyey is-waydiinayey urur waliba gobolada codadka uu ka helay iyo inta musharax ee usoo baxday, ayaa waxa iska soo daba dhacaya degmooyinkii u dambeeyey natiijadii ay ururadu iyo xisbiyadu ka haleen.

2012-12-06 2:12 AM EST
Khamiis, December 06, 2012 (HOL) — Kooxo hubeysan ayaa xalay ku dilay Muqdisho nabaddoon iyo haweeney rayid ah, iyadoo dilka nabaddoonka la sheegay inay geysteen kooxo bastoolado ku hubeysan oo ay markii dambe u suurogashay inay goobta ka baxsadaan.