2014-04-16
Today from Hiiraan Online:  _
Wararka Maanta- Khamiis, Dec 6 , 2012
Mid ka mid ah Ergadii soo xushay Baarlamaanka Somalia iyo Haweeney rayid ah oo siyaabo kala duwan loogu dilay Muqdisho
Khamiis, December 06, 2012 (HOL) — Kooxo hubeysan ayaa xalay ku dilay Muqdisho nabaddoon iyo haweeney rayid ah, iyadoo dilka nabaddoonka la sheegay inay geysteen kooxo bastoolado ku hubeysan oo ay markii dambe u suurogashay inay goobta ka baxsadaan.

Nabaddoonka la dilay oo lagu magacaabo jiray, Maxamed Maxamuud Yuusuf ayaa ka mid ahaa odayaashii soo xulay xildhibaannada baarlamaanka Soomaaliya, iyadoo uu noqonayo odaygii labaad oo ka mid ahaa ergadii xulista baarlamaanka oo dhowr todobaad gudahood lagu dilo Muqdisho.

"Allaha u naxariisteen nabaddoonka waxaa lagu dilay degmada Wadajir, gaar ahana xaafadda Xaawo-taako, waxaa lagu hor-dilay garaash uu baabuur dhigtay, kooxihii dilkiisa geystayna way baxaseen," ayuu yiri guddoomiye ku xigeenka degmada Wadajir oo la hadlay saxaafadda.

Dilka nabaddoonka oo dhacay xalay fiidkii ayaa wuxuu cabsi weyn geliyay ergda kale ee Muqdisho ku sugan, iyadoo dowladda Soomaaliya aysan weli ka hadlin dilka loo geystay nabaddoonka.

Sidoo kale, ciidammo ka tirsan kuwa dowladda oo xalay dhac ka geystay deegaanka Kaxda ee Muqdisho oo dhawaan loo aqoonsaday degmadii 17-aad ee gobolka Banaadir ayaa waxay xalay ku dileen haweeney umul ah, sida ay sheegeen dadka deegaanka.

"Haweeneyda waxay ahayd umul waxaana ku dhacay rasaas ay ciidamadu fureen xilli ay dhac ka geysanayeen degmada," ayuu yiri Maxamed Jarrati oo ka mid ah dadka ku nool degmada cusub ee Kaxda, isagoo intaas ku daray inaysan garanayn halka ay ka yimaadeen ciidamada dilka iyo dhaca geystay.

Jidadka magaalada Muqdisho ayaa waxaa dhawaan laga qaaday isbaarooyin lacago looga qaadi jiray gaadiidka dadweynaha, iyadoo wixii markaas ka dambeeyay ay soo kordhayaan falalka dhaca ah ee loo geysanayo dadka shacabka ah.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-12-06 10:42 AM EST
Khamiis, December 06, 2012 (HOL) — Shirkadda Diyaaradaha ee Oday express ayaa shaacisay in ay bilowday duulimaad joogto ah oo ay ku tagi doonto magaalada Beledweyne, iyadoona shirkadda ay markii ugu horeeysay shalay ka degtay garoonka magaalada Beledweyne ee xarunta gobolka Hiiraan.

2012-12-06 8:15 AM EST
Khamiis, December 06, 2012 (HOL) — Golaha wasiirrada xukuumadda Soomaaliya ayaa kulan ay maanta ku yeesheen Muqdisho waxay ku mamnuuceen ka ganacsiga hubka iyo direyska ciidamada, iyagoo sidoo kalena isku raacay in dib looga billaabo dekedda Muqdisho dhoofka xoolaha.

2012-12-06 7:52 AM EST
Khamiis, December 06, 2012 (HOL) — Ra'iisul waasaraha Itoobiya, Hailemariam Desalegn ayaa wareysi uu siiyay telefishinka Al-jazeera ku sheegay inuu doonayo in wadahadallo uu la furo dalka ay dariska yihiin ee dalka Eritrea oo 12 sano uu kala dhexeeay dagaal ay ku dhinteen 70,000 oo qof.

2012-12-06 7:33 AM EST
Khamiis, December 06, 2012 (HOL) — Maamulka gobolka Bay ee dowladda Soomaaliya ayaa xabsiga dhigay sarkaal ka tirsan hay'adda cunnada iyo beeraha adduunka ee FAO, kaasoo ciidamada Baydhabo ay xalay kala baxeen gurigiisa.

2012-12-06 7:23 AM EST
Khamiis, December 06, 2012 (HOL) — Kooxda kubadda cagta ee dalka Eritrea iyo dhakhtarkooda ayaa weydiistay dowladda Uganda magangalyo, iyagoo sheegay in haddii ay dalkooda ku laabtaan ay ka baqayaan inay xaalad khatar ah la kulmaan.

2012-12-06 7:00 AM EST
Khamiis, December 06, 2012 (HOL) — Qarax bambaano oo ay ku dhaawacmeen ugu yaraan 13 qof oo u badan haween ayaa ka dhacay goor-dhow qaybta dahabka lagu iibiyo ee suuqa Bakaaraha, iyadoo ciidamada dowladda ay markiiba halkaas howlgal ka billaabeen.

2012-12-06 5:13 AM EST
Khamiis, December, 06, 2012 (HOL) -- Tan iyo wixii ka danbeeyay dhawaan markii ay rag hubeysan ku toogteen magaalada Baladweyne guddoomiyihii golaha odayaasha dhaqanka gobollka Hiiraan nabadoon Max’ed Shiikh Xusseen Maryacade, ciidamada maamulka gobolka iyo AMISOM waxa ay ku howlanaayeen sidii loo xoojin lahaa amniga magaalada.

2012-12-06 3:57 AM EST
Khamiis, December 06, 2012 (HOL) — Qarax xooggan oo xalay fiidkii ka dhacay magaalada Nairobi gaar ahaan waaaxda California ee xaafadda Islii ayaa sababay dhimashada hal qof iyo dhaawaca todobo kale.

2012-12-06 2:27 AM EST
Khamiis, December 06, 2012 (HOL) — Madaxweynaha Turkiga, Cabdalla Guul ayaa ku dhawaaqay Arbacadii shalay in shacabka iyo xukuumadda dalka Turkiga ay siin doonaan Soomaaliya taageero weyn oo dib loogu dhisayo, si ay beesha caalamka ugu noqdaan tusaale.

2012-12-06 2:21 AM EST
Khamiis, December 06, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) iyo taliyaha ciidamada AMISOM, Jen. Andrew Gutti ayaa xalay fiidkii kulan looga hadlayay ammaanka ku yeeshay madaxtooyada Soomaaliya sida lagu sheegay warbixin ay soo saartay AMISOM.

2012-12-06 2:20 AM EST
Khamiis, December 06, 2012 (HOL) — Dadweynaha reer Somaliland oo maalmihii u dambeeyey is-waydiinayey urur waliba gobolada codadka uu ka helay iyo inta musharax ee usoo baxday, ayaa waxa iska soo daba dhacaya degmooyinkii u dambeeyey natiijadii ay ururadu iyo xisbiyadu ka haleen.