3/18/2024
Today from Hiiraan Online:  _
Wararka Maanta- Arbaco, Dec 5 , 2012
Madaxweynaha Somalia Xasan Shiikh oo Maanta la kulmay dhiggiisa Turkiga, Cabdalla Guul iyo Heshiis la kala saxiixday
Arbaco, December 05, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku jooga dlaka Turkiga ayaa maanta kulan kula yeeshay magaalada Ankara dhiiggiisa dalkaas, Cabdalla Gull iyagoo kawada hadlay adkeynta xiriirka u dhexeeya labada dal iyo arrimo kale.


Kulankan labada madaxweyne ayaa waxaa goobjoog ka ahaa wasiirro labada dal ka tirsan, waxaana kulanka looga hadlay xoojinta xiriirka labada dal iyo sidoo Turkiga uu u sii wadi lahaa mashaariicda uu ka billaabay Soomaaliya sannadkii hore 2011.

Shir jaraa’id oo ay si wadajir ah u qabteen madaxweyne, Xasan Sheekh iyo Cabdalla Gull ayaa dalka Turkiga Cabdalle Guul oo ay hareeraha ka taagan yihiin wasiirrada gaashaandhigga labada dal ayaa waxay sheegeen inay isla garteen in iskaashiga labada dalka uu sii socdo, sidoo kalena la iska kaashado dhinacyada ammaanka iyo horumarinta.

"Madaxweynaha Turkiga waxaan isla garannay in la xoojiyo xiriirka labada dal iyo in la iska kaashado; dowladda Turkigana ay qayb ka qaataan soo celinta ammaanka dalka Soomaaliya," ayuu yiri Xasan Sheekh oo wariyeyaasha la hadlay. Sidoo kale wuxuu sheegay madaxweyne Xasan in dowladda Turkiga ay uga mahadceliyeen sidii ay gacanta hagar la'aaneed u siiyeen shacabka Soomaalida xilligii adkaa.

Madaxweynaha Turkiga, Cabdalla Gull ayaa isaguna dhankiisa sheegay in dowladda Turkiga ay wadeyso taageerada ay siiso shacabka Soomaaliyeed, isagoo xusay in ay ka go'an tahay inay gacan ka geystaan sidii Soomaaliya ay u noqon lahayd dal xasilloon labaatan sano kaddib.

Wasiirrada gaashaandhigga labada dal ayaa ayaa Madaxweynayaasa hortooda ku hor saxiisay heshiis ku aadan iskaashiga labada dal ee dhinaca ammaanka, iyadoo ay labada wasiir sheegeen in heshiiskooda uu u fuli doono sida ay u saxiixeen.

Madaxweynaha Soomaaliya, Xasan Sheekh iyo wafdi wasiirro ah oo uu horkacayo ayaa ku dalka Turkiga ku jooga booqasho rasmi ah oo qaadanaysa saddex casho, iyadoo lagu kulammadu ay sii socon doonaan illaa maalinta berri ah.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/5/2012 8:44 AM EST
Arbaco, December 05, 2012 (HOL) — Qaar ka mid ah madaxda Dowladda federaalka Soomaaliya iyo masuuliyiin ka kala socotay bahda waxbarashada iyo hay’adda waddaniga ah ee Saacid ayaa maanta ka qayb-galay xaflad lagu dib loogu furayay dugsiga hoose iyo dhexe Saacid/Dhagax-tuur ee magaalada Muqdisho.

12/5/2012 8:28 AM EST
Arbaco, December 05, 2012 (HOL) — Kulankan oo ahaa mid ay albaabbadu u xiran yihiin ayna ka qaybgaleen guddoomiyaha baarlamaanka ahna ku simaha madaxweynaha Soomaaliya, Prof. Maxamed Cismaan Jawaari iyo ra'iisul wasaare Cabdi Faarax Shirdoon (Saacid) ayaa ka dhacay xarunta madaxtooyada Muqdisho.

12/5/2012 8:24 AM EST
Arbaco, December 05, 2012 (HOL) — Gudoomiyaha Isbaheysiga nabadda, C/llaahi Sheekh Xasan oo maanta shir jaraaid ku qabtay Muqdisho ayaa dhaliilo kala duwan u jeediyay madaxda dowladda cusub ee Soomaaliya, isagoo dhinac kalena talooyin u soo jeediyay.

12/5/2012 7:00 AM EST
Arbaco, December 05, 2012 (HOL) — Wasiirka ammaanka Puntland, Col. Khaliif Ciise Mudan oo shir jaraa'id ku qabtay magaalada Boosaaso ayaa ka hadlay dagaal ciidamada Puntland iyo kuwa Al-shabaab ku dhexmaray deegaanka Sugurre ee duleedka Boosaaso.

12/5/2012 3:23 AM EST
Arbaco, December 05, 2012 (HOL) —Madaxweynaha Soomaaliya iyo wafdigii uu hoggaaminayay ayaa si diiran loogu soo dhaweeyay dalka Turkiga, iyadoo lagu wado inay maanta kulammo la billaabaan madaxda dalkaas oo uu ugu horreeyo madaxweynaha Turkiga Cabdalla Gull.

12/5/2012 2:12 AM EST
Arbaco, December 05, 2012 (HOL) — Shirkad lagu magacaabo Horn of Africa Airline ayaa ka billowday Muqdisho duulimaadyo joogto ah oo ay ku tagayso degmooyinka Kismaayo, Baydhabo iyo Baladweyne oo ay ku sugan yihiin ciidmada dowladda iyo kuwa AMISOM, iyadoo duulimaadyadan ay soo dhaweysay AMISOM.

12/5/2012 1:43 AM EST
Arbaco, December 05, 2012 (HOL) — Ugu yaraan 11 askari oo labada dhinac ah ayaa ku dhintay dagaal deegaanka Sugurre ee gobolka Bari xalay saqdii dhexe ku dhexmaray ciidamada Putland iyo xoogagga Al-shabaab ee Buuraleyda Gollis iyo qarax lala beegsaday gaari ay wateen ciidamada Puntland.

12/5/2012 1:29 AM EST
Arbaco, December 05, 2012 (HOL) — Ugu yaraan shan qof oo shacab ah ayaa ku dhaawacmay madaafiic xalay ku dhacay degmooyinka Boondheer iyo Wardhiigley oo ku dhow madaxtooyada Soomaaliya, iyadoo Al-shabaab ay sheegtay inay xalay weerar hoobiyeyaal ah ku qaaday madaxtooyada Soomaaliya.

12/5/2012 1:27 AM EST
Arbaco, December 05, 2012 (HOL) — Ugu yaraan toban ruux ayaa ku dhintay tiro intaas ka badanna way ku dhaawacmeen dagaal culus oo ciidamada dowladda iyo xoogagga Al-shabaab ku dhexmaray shalay gallinkii dambe deegaan u dhexeeya degmooyinka Baydhabo iyo Qasaxdheere ee gobolka Bay.