2014-04-24
Today from Hiiraan Online:  _
Wararka Maanta- Arbaco, Dec 5 , 2012
Ciidamada Puntland iyo Xoogagga Al-shabaab ee Buuraleyda Golis oo xalay ku dagaalamay Deegaanka Sugurre

Arbaco, December 05, 2012 (HOL) — Ugu yaraan 11 askari oo labada dhinac ah ayaa ku dhintay dagaal deegaanka Sugurre ee gobolka Bari xalay saqdii dhexe ku dhexmaray ciidamada Putland iyo xoogagga Al-shabaab ee Buuraleyda Gollis iyo qarax lala beegsaday gaari ay wateen ciidamada Puntland.

Dagaalka ayaa qarxay kaddib markii xoogagga Al-shabaab ee Golis ay weerar kaddis ah ku qaadeen deegaanka Sugurre oo 45-km dhinaca Koonfur-galbeed kaga beegan degmada Boosaaso halkaasoo ciidamada Puntland ay difaac uga jireen, waxaana uu dagaalku socday muddo laba saacadoo ah.

Afar ka mid ah labada dhinac ee dagaalku u dhexeeyay ayaa ku dhintay, toddoba kalena way ku dhaawacmeen, iyadoo gaari ay wateen ciidammo ka tirsan Puntland oo gurmad ah uu qarax haleelay, iyadoo isla goobta ay ku dhinteen shan askari halka laba kalena ay ku dhinteen isbitaalka Boosaaso.

Xaaladda ayaa saakay deggen iyadoo ciidamada Puntland ay ku sugan yihiin halkii lagu soo weeraray, halka xoogaggii Al-shabaab ay dib ugu laabteen goobihi ay ka yimaadeen markii hore.

Maamulka Puntland iyo Al-shabaab ayaana labadaba ka hadlin dagaalkii qaraaraa ee xalay ka dhacay deegaanka Sugurre, kaasoo noqonaya kii ugu cuslaa ee dhexmara labada dhinac muddo shan bilood laga joogo.

Dagaalkan ayaa imanaaya iyadoo mas'uuliyiinta Puntland ay dhawaan sheegeen in xoogagga Al-shabaab ay kusoo qulqulayaan deegaanno ka tirsan Puntland kaddib markii looga adkaaday dagaallo ka dhacay Koonfurta Soomaaliya.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-12-05 8:44 AM EST
Arbaco, December 05, 2012 (HOL) — Qaar ka mid ah madaxda Dowladda federaalka Soomaaliya iyo masuuliyiin ka kala socotay bahda waxbarashada iyo hay’adda waddaniga ah ee Saacid ayaa maanta ka qayb-galay xaflad lagu dib loogu furayay dugsiga hoose iyo dhexe Saacid/Dhagax-tuur ee magaalada Muqdisho.

2012-12-05 8:28 AM EST
Arbaco, December 05, 2012 (HOL) — Kulankan oo ahaa mid ay albaabbadu u xiran yihiin ayna ka qaybgaleen guddoomiyaha baarlamaanka ahna ku simaha madaxweynaha Soomaaliya, Prof. Maxamed Cismaan Jawaari iyo ra'iisul wasaare Cabdi Faarax Shirdoon (Saacid) ayaa ka dhacay xarunta madaxtooyada Muqdisho.

2012-12-05 8:25 AM EST
Arbaco, December 05, 2012 (HOL) — Madaxweynaha Soomaaliya, Xasan Sheekh Maxamuud oo booqasho ku jooga dlaka Turkiga ayaa maanta kulan kula yeeshay magaalada Ankara dhiiggiisa dalkaas, Cabdalla Gull iyagoo kawada hadlay adkeynta xiriirka u dhexeeya labada dal iyo arrimo kale.

2012-12-05 8:24 AM EST
Arbaco, December 05, 2012 (HOL) — Gudoomiyaha Isbaheysiga nabadda, C/llaahi Sheekh Xasan oo maanta shir jaraaid ku qabtay Muqdisho ayaa dhaliilo kala duwan u jeediyay madaxda dowladda cusub ee Soomaaliya, isagoo dhinac kalena talooyin u soo jeediyay.

2012-12-05 7:00 AM EST
Arbaco, December 05, 2012 (HOL) — Wasiirka ammaanka Puntland, Col. Khaliif Ciise Mudan oo shir jaraa'id ku qabtay magaalada Boosaaso ayaa ka hadlay dagaal ciidamada Puntland iyo kuwa Al-shabaab ku dhexmaray deegaanka Sugurre ee duleedka Boosaaso.

2012-12-05 3:23 AM EST
Arbaco, December 05, 2012 (HOL) —Madaxweynaha Soomaaliya iyo wafdigii uu hoggaaminayay ayaa si diiran loogu soo dhaweeyay dalka Turkiga, iyadoo lagu wado inay maanta kulammo la billaabaan madaxda dalkaas oo uu ugu horreeyo madaxweynaha Turkiga Cabdalla Gull.

2012-12-05 2:12 AM EST
Arbaco, December 05, 2012 (HOL) — Shirkad lagu magacaabo Horn of Africa Airline ayaa ka billowday Muqdisho duulimaadyo joogto ah oo ay ku tagayso degmooyinka Kismaayo, Baydhabo iyo Baladweyne oo ay ku sugan yihiin ciidmada dowladda iyo kuwa AMISOM, iyadoo duulimaadyadan ay soo dhaweysay AMISOM.

2012-12-05 1:29 AM EST
Arbaco, December 05, 2012 (HOL) — Ugu yaraan shan qof oo shacab ah ayaa ku dhaawacmay madaafiic xalay ku dhacay degmooyinka Boondheer iyo Wardhiigley oo ku dhow madaxtooyada Soomaaliya, iyadoo Al-shabaab ay sheegtay inay xalay weerar hoobiyeyaal ah ku qaaday madaxtooyada Soomaaliya.

2012-12-05 1:27 AM EST
Arbaco, December 05, 2012 (HOL) — Ugu yaraan toban ruux ayaa ku dhintay tiro intaas ka badanna way ku dhaawacmeen dagaal culus oo ciidamada dowladda iyo xoogagga Al-shabaab ku dhexmaray shalay gallinkii dambe deegaan u dhexeeya degmooyinka Baydhabo iyo Qasaxdheere ee gobolka Bay.