2014-09-21
Today from Hiiraan Online:  _
Wararka Maanta- Talaado, Dec 4 , 2012
Sheekh Caan ah oo lagu Dilay Magaalada Baardheere ee Gobolka Gedo


Talaado, December 04, 2012 (HOL) —Kooxo ku hubeysan baastoolado ayaa shalay gelinkii danbe toogasho ku dilay Sheekh siweyn looga yaqaanay magaalada Baardheere xilli uu kusii jeeday masaajid.

Allaha u Naxariistee marxuumka la dilay ayaa lagu magacaaba Sheekh Aadan Isaaq (Madax-madow) wuxuuna ahaa wadaad siweyn looga yaqaano magaalada Baardheere.

Goobjooge ku sugan magaalada Baardheere ayaa HOL u sheegay in marxuumka ay toogteen laba nin oo baastooladu ku hubeysan xilli uu ku sii jeedayay masaajid, wuxuuna xusay in labada nin ay goobta isaga baxsadeen kadib markii ay hubsadeen in marxuumka nafta ka baxday.

"Laba nin ayaa dishay sheekha, waxayna wateen baastoolado, dhowr xabadood ayay ku dhufteen, wayna isaga tageen meesha," ayuu yiri mid kamid ah dadka ku dhaqan magaalada Baardheere oo HOL u waramay isagoo codsaday in aan magaciisa la xigan sababo dhinaca ammaanka ah.

Lama garanayo kooxaha dilka geeystay iyo weliba ujeedada ka danbeeysay dilka Sheekha, mana jiraan masuuliyiin katirsan maamulka Al-shabaab ee ka arimiyaha magaalada Baardheere oo ka hadlay arintaasi.

Marxuum Sheekh Aadan Isaaq (Madax-madow) ayaa ahaa sheekh caan ka ah magaalada Baardheere, waxaana dilkiisa aad uga xumaaday shacabka ku dhaqan magaalada Baardheeree. Sidoo kale dad reer Baardheere ayaa maanta siweyn u hadal haya sababta loo dilay Sheekha iyo weliba  cidda ka danbeeysay dilkiisa.

............

Xasan Nuur
Hiiraan Online, Nairobi - Kenya
Hnur@hiiraan.com





Post your comments

2012-12-04 11:46 AM EST
Talaado, December 04, 2012 (HOL)- Garoonka diyaaradaha ee magaalada Boosaaso waxaa maanta laga soo dejiyey 5 maxbuus oo in muddo ah ku jirey xabsi ku yaalla Seychelles, kadib markii ay maxkamadi ku riddey xukunno kala duwan oo la xiriira falal Burcad-badeednimo oo ay ku lug lahaayeen.

2012-12-04 8:43 AM EST
Talaado, December 04, 2012 (HOL) — Sarkaal u hadlay Qaramada Midoobay ayaa sheegay maanta oo Salaaso ah in xaaladda bani'aadamnimo ee Soomaaliya ay weli tahay mid khatar ah, balse ay jiraan rajooyin ka dhalanaya isbedel siyaasadeed iyo midka ammaan ee dalka ka hirgalay.

2012-12-04 8:36 AM EST
Talaado, December 04, 2012 (HOL) — Kooxda Xuquuqda aadamaha ee Midawga Yurub, Norway, Switzerland iyo Maraykanka ayaa ku baaqay in wax laga qabto meel ka dhacyada ka dhanka ah saxaafadda iyo weliba xad-gudubyada ku dhisan jinsiga.

2012-12-04 7:21 AM EST
Talaado, December 04, 2012 (HOL) — Taliyaha ciidamada ilaalada waddooyinka, Jen. Cali Xirsi Barre (Cali-gaab) ayaa ka hadlay dhaawac fudud oo uu u geystay askari la sheegay inay isbaaro u taallay jidka 21-Oktoobar ee degmada Waabeir ee Magaalada Muqdisho.

2012-12-04 6:56 AM EST
Talaado, December 04, 2012 (HOL) — Maxaabiis budhcad badeed ah oo lagu soo maxkamadeeyey dalka Seychelles ayaa shalay lagu soo wareejiyey gacanta Somaliland.

2012-12-04 3:19 AM EST
Talaado, December 04, 2012 (HOL) — AMISOM ayaa sheegtay inay qaadayso tallaabo lagu adkeynayo ammaanka jidka isku xirta magaalada Marko ee xarunta gobolka Shabeellada Hoose iyo deegaanka Lambar 50 ee isla gobolka Shabeellada hoose, kaddib laba weerar lagu qaaday gaadiid kolonyo ah oo waday wasiirro ka tirsan xukuumadda Soomaaliya oo ka dhacay waddadaas.

2012-12-04 3:01 AM EST
Talaado, December 04, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo warbaahinta la hadlay ayaa sheegay in wafdiyo heer wasiir ah ay xukuumaddiisu u dirayso gobollada dhexe iyo magaalada Kismaayo oo uu weli ka taagan yahay muran dhinaca maamulka ah.

2012-12-04 2:42 AM EST
Talaado, December 04, 2012 (HOL) — Ugu yaraan sideed askari oo ka tirsanaa ciidamadii dagaalamay ayaa ku dhintay tiro kalena way ku dhaawacmeen dagaal culus oo ciidamada dowladda Soomaaliya iyo xoogagga Al-shabaab ku dhexmaray deegaanka Garsaale oo ku dhow degmada Jowhar ee xarunta gobolka Shabeellada Dhexe.

2012-12-04 2:25 AM EST
Talaado, December 04, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo afar wasiir ay ku jiraan ayaa maanta u dhoofay dalka Turkiga, waxaana wafdigan sii sagootiyay guddoomiyaha baarlamaanka Soomaaliya, Prof. Maxamed Cismaan Jawaari.