2014-11-26
Today from Hiiraan Online:  _
Wararka Maanta- Talaado, Dec 4 , 2012
Dagaal khasaare geystay oo Ciidamada Dowladda Soomaaliya iyo Al-shabaab ku dhexmaray deegaan ku dhow Jowhar


Talaado, December 04, 2012 (HOL) — Ugu yaraan sideed askari oo ka tirsanaa ciidamadii dagaalamay ayaa ku dhintay tiro kalena way ku dhaawacmeen dagaal culus oo ciidamada dowladda Soomaaliya iyo xoogagga Al-shabaab ku dhexmaray deegaanka Garsaale oo ku dhow degmada Jowhar ee xarunta gobolka Shabeellada Dhexe.

Dagaalka ayaa qarxay kaddib markii xoogagga Al-shabaab ay weerar ku qaadeen deegaan ay ku sugnaayeen ciidamada dolwadda, iyadoo dagaalkan uu noqonayo kii ugu cuslaa oo gobolka Shabeellada dhexe ku dhexmara ciidamada dowladad iyo Xarakada Al-shabaab.

Sarkaal ka tirsan ciidamada dowladda Soomaaliya oo lagu magacaabo, Asad Qaasim ayaa sheegay in 13 dagaalyahan oo ka tirsan Al-shabaab ay ku dileen dagaalka oo muddo saacado ah socday, isagoo sheegay in dhankooda uu kaga dhintay hal askari laba kalena ay kaga dhaawacmeen. Inkastoo Al-shabaab aysan weli ka hadlin weerarkii ay ku qaadeen ciidamada dowladda Soomaaliya.

"Xoogagga Al-shabaab ayaa nasoo weeraray 3:00 habeenimo ee xalay, dagaalkuna wuxuu socday muddo saacado ah, dhankeenna waxaa nooga dhintay hal askari, laba kalena way nooga dhaawacmeen, inatii aan aragnayna 13 Al-shabaab ah ayaa naftooda ku waayay goobta," ayuu yiri Qaasim.

Goobjoogayaal ku sugan deegaanka lagu dagaalmay ayaa sheegay inaysan jirin cid shacabka ah oo dagaalkii xalay wax ku noqotay, dagaalkuna uu deegaankooda ka dhacay, ayna arkeen markii uu dagaalku dhammaaday maydadka sideed ka mid ah dhinacyadii dagaalamay oo dhintay.

Xaaladda deegaankii lagu dagaalamay ayaa deggen saakay, iyadoo degaankaas ay gacanta ku hayaan ciidamada dowladda Soomaaliya oo kaashanaya AMISOM, waxaana saakay furmay isku socodka gaadiidka isaga goosha Muqdisho iyo degmada Jowhar.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-12-04 11:46 AM EST
Talaado, December 04, 2012 (HOL)- Garoonka diyaaradaha ee magaalada Boosaaso waxaa maanta laga soo dejiyey 5 maxbuus oo in muddo ah ku jirey xabsi ku yaalla Seychelles, kadib markii ay maxkamadi ku riddey xukunno kala duwan oo la xiriira falal Burcad-badeednimo oo ay ku lug lahaayeen.

2012-12-04 8:43 AM EST
Talaado, December 04, 2012 (HOL) — Sarkaal u hadlay Qaramada Midoobay ayaa sheegay maanta oo Salaaso ah in xaaladda bani'aadamnimo ee Soomaaliya ay weli tahay mid khatar ah, balse ay jiraan rajooyin ka dhalanaya isbedel siyaasadeed iyo midka ammaan ee dalka ka hirgalay.

2012-12-04 8:36 AM EST
Talaado, December 04, 2012 (HOL) — Kooxda Xuquuqda aadamaha ee Midawga Yurub, Norway, Switzerland iyo Maraykanka ayaa ku baaqay in wax laga qabto meel ka dhacyada ka dhanka ah saxaafadda iyo weliba xad-gudubyada ku dhisan jinsiga.

2012-12-04 7:21 AM EST
Talaado, December 04, 2012 (HOL) — Taliyaha ciidamada ilaalada waddooyinka, Jen. Cali Xirsi Barre (Cali-gaab) ayaa ka hadlay dhaawac fudud oo uu u geystay askari la sheegay inay isbaaro u taallay jidka 21-Oktoobar ee degmada Waabeir ee Magaalada Muqdisho.

2012-12-04 6:56 AM EST
Talaado, December 04, 2012 (HOL) — Maxaabiis budhcad badeed ah oo lagu soo maxkamadeeyey dalka Seychelles ayaa shalay lagu soo wareejiyey gacanta Somaliland.

2012-12-04 5:42 AM EST
Talaado, December 04, 2012 (HOL) —Kooxo ku hubeysan baastoolado ayaa shalay gelinkii danbe toogasho ku dilay Sheekh siweyn looga yaqaanay magaalada Baardheere xilli uu kusii jeeday masaajid.

2012-12-04 3:19 AM EST
Talaado, December 04, 2012 (HOL) — AMISOM ayaa sheegtay inay qaadayso tallaabo lagu adkeynayo ammaanka jidka isku xirta magaalada Marko ee xarunta gobolka Shabeellada Hoose iyo deegaanka Lambar 50 ee isla gobolka Shabeellada hoose, kaddib laba weerar lagu qaaday gaadiid kolonyo ah oo waday wasiirro ka tirsan xukuumadda Soomaaliya oo ka dhacay waddadaas.

2012-12-04 3:01 AM EST
Talaado, December 04, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo warbaahinta la hadlay ayaa sheegay in wafdiyo heer wasiir ah ay xukuumaddiisu u dirayso gobollada dhexe iyo magaalada Kismaayo oo uu weli ka taagan yahay muran dhinaca maamulka ah.

2012-12-04 2:25 AM EST
Talaado, December 04, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo afar wasiir ay ku jiraan ayaa maanta u dhoofay dalka Turkiga, waxaana wafdigan sii sagootiyay guddoomiyaha baarlamaanka Soomaaliya, Prof. Maxamed Cismaan Jawaari.