2014-09-01
Today from Hiiraan Online:  _
Wararka Maanta- Talaado, Dec 4 , 2012
Madaxweynaha Soomaaliya iyo Wasiirro ka tirsan xukuumadda oo Maanta Safar ugu ambabaxay dalka Turkiga


Talaado, December 04, 2012 (HOL) — Madaxweynaha Soomaaliya, Xasan Sheekh Maxamuud iyo wafdi uu hoggaaminayo oo afar wasiir ay ku jiraan ayaa maanta u dhoofay dalka Turkiga, waxaana wafdigan sii sagootiyay guddoomiyaha baarlamaanka Soomaaliya, Prof. Maxamed Cismaan Jawaari.


Wafdiga madaxweynaha ayaa waxaa ka mid ahaa, ra'iisul wasaare ku xigeenka ahna wasiirka arrimaha dibadda, Fowziyo Yuusuf Xaaji Aadan, wasiirka gaashaandhigga, C/xakiin Maxamuud Xaaji Fiqi, wasiirka maaliyadda iyo lacagta, Maxamuud Xasan Suleymaan iyo taliyaha ciidamada xoogga dalka Soomaaliya.

"Waxaa u aadaynaa dalka Turkiga si aan u xoojinno xiriirka laba geesoodka ah ee u dhexeeya dowladda Turkiga iyo Soomaaliya, sidoo kale madaxda Turkiga waxaan kala hadli doonnaa arrimo kale oo muhiim ah, kuwaasoo ay ka mid yihiin: ammaanka dib u dhiska ciidamada, siyaasadda iyo horumarinta dhaqaalaha," ayaa madaxweyne Xasan Sheekh ku yiri warsaxaafadeed kasoo baxay madaxtooyada.

Safarka madaxweynaha iyo wafdiga uu hoggaaminayo ay ku aadeen dalka Turkiga oo noqonaya kii ugu horreeyay oo ay dalkaas ku aadaan tan iyo markii Soomaaliya ay ka baxday KMG-nimada ayaan la ogeyn inta maalmood ee uu qaadan doono.

Madaxweyaha ayaa la sheegay inuu casuumaad ka helay dolwadda Turkiga, isagoo inta uu ku sugan yahay la kulmi doona dhiggiisa Turkiga, Cabdalla Guul, ras'iiul wasaaraha, Tayip Erdogan iyo saraakiil sarsare oo dowladda Turkiga ka tirsan.

Sidoo kale, madaxweynuhu wuxuu kulammo la yeelan doonaan inta uu dalka Turkiga ku sugan yahay jaaliyadda Soomaaliyeed ee dalkaas ku nool, iyadoo lagu wado inuu ku boorriyo inay dalka dib ugu laabtaan ayna ka qaybqaataan dib u dhiskiisa iyo soo celinta ammaankiisa.

Madaxweynaha Soomaaliya iyo xubno ka tirsan wasiirradda maanta raacay ayaa horay safarro ugu soo maray dalalka Itoobiya iyo Jabuuti oo ay ciidammo ka joogaan Soomaaliya, iyadoo madaxweynuhuna uu horay keligiis u booqday dalka Uganda.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-12-04 11:46 AM EST
Talaado, December 04, 2012 (HOL)- Garoonka diyaaradaha ee magaalada Boosaaso waxaa maanta laga soo dejiyey 5 maxbuus oo in muddo ah ku jirey xabsi ku yaalla Seychelles, kadib markii ay maxkamadi ku riddey xukunno kala duwan oo la xiriira falal Burcad-badeednimo oo ay ku lug lahaayeen.

2012-12-04 8:43 AM EST
Talaado, December 04, 2012 (HOL) — Sarkaal u hadlay Qaramada Midoobay ayaa sheegay maanta oo Salaaso ah in xaaladda bani'aadamnimo ee Soomaaliya ay weli tahay mid khatar ah, balse ay jiraan rajooyin ka dhalanaya isbedel siyaasadeed iyo midka ammaan ee dalka ka hirgalay.

2012-12-04 8:36 AM EST
Talaado, December 04, 2012 (HOL) — Kooxda Xuquuqda aadamaha ee Midawga Yurub, Norway, Switzerland iyo Maraykanka ayaa ku baaqay in wax laga qabto meel ka dhacyada ka dhanka ah saxaafadda iyo weliba xad-gudubyada ku dhisan jinsiga.

2012-12-04 7:21 AM EST
Talaado, December 04, 2012 (HOL) — Taliyaha ciidamada ilaalada waddooyinka, Jen. Cali Xirsi Barre (Cali-gaab) ayaa ka hadlay dhaawac fudud oo uu u geystay askari la sheegay inay isbaaro u taallay jidka 21-Oktoobar ee degmada Waabeir ee Magaalada Muqdisho.

2012-12-04 6:56 AM EST
Talaado, December 04, 2012 (HOL) — Maxaabiis budhcad badeed ah oo lagu soo maxkamadeeyey dalka Seychelles ayaa shalay lagu soo wareejiyey gacanta Somaliland.

2012-12-04 5:42 AM EST
Talaado, December 04, 2012 (HOL) —Kooxo ku hubeysan baastoolado ayaa shalay gelinkii danbe toogasho ku dilay Sheekh siweyn looga yaqaanay magaalada Baardheere xilli uu kusii jeeday masaajid.

2012-12-04 3:19 AM EST
Talaado, December 04, 2012 (HOL) — AMISOM ayaa sheegtay inay qaadayso tallaabo lagu adkeynayo ammaanka jidka isku xirta magaalada Marko ee xarunta gobolka Shabeellada Hoose iyo deegaanka Lambar 50 ee isla gobolka Shabeellada hoose, kaddib laba weerar lagu qaaday gaadiid kolonyo ah oo waday wasiirro ka tirsan xukuumadda Soomaaliya oo ka dhacay waddadaas.

2012-12-04 3:01 AM EST
Talaado, December 04, 2012 (HOL) — Ra'iisul wasaaraha Soomaaliya, Cabdi Faarax Shir-doon (Saacid) oo warbaahinta la hadlay ayaa sheegay in wafdiyo heer wasiir ah ay xukuumaddiisu u dirayso gobollada dhexe iyo magaalada Kismaayo oo uu weli ka taagan yahay muran dhinaca maamulka ah.

2012-12-04 2:42 AM EST
Talaado, December 04, 2012 (HOL) — Ugu yaraan sideed askari oo ka tirsanaa ciidamadii dagaalamay ayaa ku dhintay tiro kalena way ku dhaawacmeen dagaal culus oo ciidamada dowladda Soomaaliya iyo xoogagga Al-shabaab ku dhexmaray deegaanka Garsaale oo ku dhow degmada Jowhar ee xarunta gobolka Shabeellada Dhexe.