2014-04-24
Today from Hiiraan Online:  _
Wararka Maanta- Isniin, Dec 31, 2012
Baarlamaanka Soomaaliya oo ka dalbaday Xukuumadda inay u soo gudbiso tirada ciidamada iyo shaqaalaha rayidka ah

Isniin, December 31, 2012 (HOL) — Baarlamaanka Soomaaliya ayaa weydiistay xukuumadda Soomaaliya inay soo gudbiso tirada ciidamada dowladda iyo shaqaalaha rayidka ah ee mushaarka la siiyo, iyadoo dalabkan uu imaanayo xili mudanayaasha baarlamaanka Soomaaliya ay shalay cod aqlabiyad ah ku ansixiyeen miisaaniyadda ay xukuumadda Soomaaliya ku shaqeynasyso sannadka soo socda 2013.

Guddoomiye ku xigeenka baarlamaanka Soomaaliya, Mahad C/lla Cawad oo shalay ka hor-hadlayay mudanayaasha baarlamaanka ayaa sheegay inaysan ogeyn tirada ciidamada dowladda ee mushaarka la siinayo, isagoo xusay inay lagama maarmaan tahay inay ogaadaan tirada ciidamada.

“Waxaan ka codsanaynaa xukuumadda gaar ahaan wasaaradda maaliyadda inay baarlamaanka u soo gudbiso tirada ciidamada dowladda ee mushaarka la siiyo iyo shaqaalaha rayidka ah,” ayuu yiri mudane Cawad oo sheegay in xukuumadda laga sugayo soo gudbinta arrintan marka uu baarlamaanku kasoo laabto fasaxiisa.

“Bisha Maarso ee soo socota saddexdeeda ayaan ka sugaynaa xukuumadda inay soo gudbiso tirada ciidamada iyo shaqaalaha rayidka ah ee mushaarka qaata iyo weliba qoondooyinka dhaqaale ee ay wasaaraddu u sameysay,” ayuu guddoomiye ku xigeenku hadalkiisu ku daray.

Codsiga baarlamaanka ee ku aaddan in loosoo gudbiyo tirada ciidamada iyo shaqaalaha rayidka ah ayaa wuxuu kusoo beegmayaa xilli shalay la ansixiyay miisaaniyadda dowladda oo la sheegay in ciidamada dowladda lagu kordhiyay lacagaha loo qoondeeyay in ka badan 11 milyan oo doollar.

Mudanayaasha baarlamaanka Soomaaliya ayaa waxay galayaan fasax laba bilood ah, iyadoo go’aanka lagu dalbanayo tirada ciidamada iyo shaqaalaha uu noqonayo kii ugu horreysay oo uu baarlamaanku u gudbiyo xukuumadda.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya





Post your comments

2012-12-31 7:46 AM EST
Isniin, December 31, 2012 (HOL) —Xaalad kacsanaan ah ayaa laga soo sheegayaa magaalada Baardheere ee gobolka Gedo, halkaasoo ay gacanta ku hayaan xoogagga Xarakada Al-shabaab.

2012-12-31 7:39 AM EST
Isniin, December 31, 2012 (HOL) — Madaxweynaha Somaliland Md:Axmed Maxamed Maxamuud Siillaanyo, ayaa sheegay inay si xor oo xalaal ah u dhacday doorashadii golaha deegaanka ee bishii November 28 ka dhacday dalka, waxaanu tilmaamay inay sumacadii Somaliland doorashadaasi kor u qaaday.

2012-12-31 7:35 AM EST
Isniin, December 31, 2012 (HOL) — Hal qof ayaa ku geeriyooday, ilaa saddex kalana way ku dhaawacmeyn Mudaharaad balaadhan oo shalay ilaa xalay fiidkii ka socday magaaladda Boorame, kaas oo lagaga soo horjeeday farogelin ay sheegeen inay xukuumaddu ku hayso doorashadda golaha deegaanka ee degmadda Saylac.

2012-12-31 6:26 AM EST
Isniin, December 31, 2012 (HOL) — Xoghayaha arimaha dibadda dalka Mareykanka Hillary Clinton ayaa la dhigay isbital ku yaal magaalada New-york ee dalka Mareykanka kadib markii la ogaaday in dhiig xijiro ah uu u fariistay madaxa.

2012-12-31 4:42 AM EST
Isniin, December 31, 2012 (HOL) — Degmada Mandheera ee gobolka Waqooyi-bari ee dalka Kenya oo ku dhow xuduudda Soomaaliya ayaa la sheegay inuu ka dillaacay cudur halis ah oo wata qandho daran, iyadoo saraakiisha caafimaadka ay dagaal kula jiraan sidii cudurkaas ay u xakameyn lahaayeen.

2012-12-31 4:30 AM EST
Isniin, December 31, 2012 (HOL) — Xarakada Al-shabaab oo bishan looga qabsaday dagaal la'aan degmada Jowhar ee xarunta gobolka Shabeellada dhexe ayaa sheegay inay wadaan qorsheyaal ay ku weerarayaan degmooyinka gobolkaas ee ka maqan gacantooda, iyagoo sheegay in gobolka uu galay xaalad dagaal.

2012-12-31 1:40 AM EST
Isniin, December 31, 2012 (HOL) — Mas’uuliyiinta Ahlusunna Waljamaaca ayaa war-murtiyeed ay kasoo saareen shir muddo toddobaad ah uga socday magaalada Dhuuso-mareeb ee xarunta gobolka Galguduud waxay ku sheegeen in heegan buuxa la geliyay ciidamadooda, isla markaana la siinayo tababrro ay uga mid noqdaan ciidamada dowladda Soomaaliya.