2014-10-21
Today from Hiiraan Online:  _
Wararka Maanta- Isniin, Dec 3 , 2012
Dibadbax lagu Taageerayay Amarkii Madaxweynaha Somalia ee lagu qaaday Isbaarooyinka oo ka dhacay Muqdisho


Isniin, December 03, 2012 (HOL) — Dibadbax lagu taageerayay amarkii isbaarada lagu qaadayay ee uu dhawaan bixiyay madaxweynaha Soomaaliya, Xasan Sheekh Maxamuud ayaa maanta ka dhacay garoonka Koonis Istaadiyum ee magaalada Muqdisho.

Bannaanbaxan ayaa waxaa ka qaybgalay mas'uuliyiin ka socday dowladda, kuwo ka socday maamulka gobolka Banaadir, saraakiil, fannaaniin iyo dadweyne fara badan, iyadoo lagu soo bandhigay goobta uu dibadbaxu ka dhacayay majaajilooyin looga sheekeynayay isbaarooyinka la qaaday.

"Waxaan caddeynaynaa in maanta aysan wax isbaarooyin ah aanay oolin gobolka Banaadir, marka waxaan codsanaynaa in caqabad walba laga gudbo, gaar ahaan waxaan codsanaynaa in laga baxo iskuullada, isbitaallada iyo xarumaha kale ee dowladda si looga adeego bulshada," ayuu yiri guddoomiyaha degmada C/casiis, C/llaahi Xuseen Fanax oo ku hadlayay magaca guddoomiyeyaasha degmooyinka gobolka.

Sidoo kale, waxaa halkaas ka hadlay agaasimaha guud ee wasaaradda arrimaha gudaha iyo ammaanka Qaranka, Nuur Axmed Diiriye ayaa sheegay in dibadbaxan uu caddeyn u yahay inuu fulay amarkii madaxweynaha ee isbaarooyinka lagu qaadayay.

"Waxaan halkan fariin u marinayaa dadka caadeystay inaysan fulin awaamiirta dowladda waxaan leennay ka waantooba. Toddobaadka soo socda waxaa billaaban doona kormeerro ay wasaaradda arrimaha gudaha sameyn doonto, kuwaasoo loogu kuurgalayo sida ay awaamiirta u fuliyeen, ciddii lagu helo inay jabisaynna waaxa loo aqoonsan doonaa inay tahay cid jabisay amarkii dowladda," ayuu yiri agaasimaha wasaaradda arrimaha dibadda.

Guddoomiye ku xigeenka dhinaca siyaasadda iyo arrimaha bulshada ee maamulka gobolka Banaadir, Cali Axmed Guure oo isaguna dibadbaxa ka hadlay ayaa sheegay in la garowsaday in Muqdisho ay tahay halka laga hagaajin karo dhibaatooyinka ka taagan gobollad dalka oo dhan.

Ugu dabeyn, waxaa dibadbaxa ka hadlay wasiirka wasiirka howlaha guud, dib u dhiska, gaadiidka cirka dhulka iyo badda xukuumadda Soomaaliya, Muxyadiin Max'ed Kaalmooy oo uga mahadceliyay maamulka gobolka Banaadir fulinta amarkii kasoo baxay madaxweynaha Soomaaliya ee lagu qaadayay isbaarooyinka.

"Go'aannada dowladda oo dhan waa in nabadgalyo lagu soo dabbaalo dalka, wixii xunna la iska qabto, dalkeennana aan dib u dhisanno, waayo caasimaddeennu waxay ka tilmaannayd caasimadaha caalamka, in sideedii lagu soo celinaya waxay ku jirtaa gacmaha shacabka," ayuu yiri Kaalmooy.

Bannaanbaxan ayaa wuxuu imaanayaa iyadoo 60 isbaaro oo taallay gudaha gobolka Banaadir laga qaaday, kuwaasoo gaadiidka looga qaadi jiray lacago sharci-darro ah, balse dadweynaha ayaa weli ka cabanaya in gaadiidleydu aysan hoos u dhigin qiimihii lagu raaci jiray gaadiidka.

Maxamed Xaaji Xuseen, Hiiraan Online
maxuseen@hiiraan.com
Muqdisho, Soomaaliya




Post your comments

2012-12-03 1:51 PM EST
Isniin, December 03, 2012(HOL): Safaaradda Soomaalida ee Shiinaha iyo dhammaan Ganacsatada iyo ardeyda soomaaliyeed ee ku nool dalka China ayaa si wada jir ah, tacsi ugu dirayo Ehelladii iyo asxaabtii uu ka geeriyooday marxuumka.

2012-12-03 1:29 PM EST
Isniin, December 03, 2012 (HOL) —Kulan ay maanta isugu yimaadeen golaha wasiiradda xukuumadda federaalka Soomaaliya ayay uga doodeen arimo dhowr ah oo ay kamid tahay miinaasiyadda sanadda 2013.

2012-12-03 12:52 PM EST
Isniin, December 03, 2012 (HOL) —Ururka shaqaalaha aduunka ee (ILO) ayaa maanta tababar usoo xiray xubno katirsan maamulka gobolka banaadir.

2012-12-03 8:15 AM EST
Isniin, December 03, 2012 (HOL) — Xildhibaannada Baarlamaanka Soomaaliya ayaa u yeeray wasiirka gaashaandhigga, C/xakiin Maxamuud Xaaji Fiqi iyo wasiirradda arrimaha dibadda iyo iskaashiga caalamiga ah, Fowziyo Yuusuf Xaaji Aadan si ay u weydiiyaan su'aalo ku saabsan Xarigga wariyihiin BBC-da iyo kireyntii safaaradda Soomaaliya ee Talyaaniga.

2012-12-03 8:14 AM EST
Isniin, December 03, 2012 (HOL) — Goobjoogayaashii Caalamiga ahaa ee u kuurgaliyey qaabka doorashooyinka golaha deegaanku uga dhaceen Somaliland ayaa sheegay inay si nabadgalyo ah uga dhacday doorashaddu Somaliland, isla markaana dadku si weyn ugu soo baxeen codeynta, taas oo keentay inay ka bataan dadkii doorashooyinkii hore codeen jiray,kuwaas oo dadweynaha somaliland ku tilmaamay qaar u bislaaday dimuqraadiyada iyo usoo bixitaanka doorashooyinka.

2012-12-03 7:46 AM EST
Isniin, December 03, 2012 (HOL) — Roobab xooggan oo Sabtidii lasoo dhaafay ka da'ay magaalada Muqdisho ayaa burburiyay guryo ka sameysan cooshado oo ay ku noolaayeen barakacayaal deegaannadoodii uga soo tagay dagaallo iyo abaaro ku dhuftay sannadkii hore.

2012-12-03 6:56 AM EST
Isniin, December 03, 2012 (HOL) — Wafdi isugu jiray wasiirro iyo saraakiil ciidan oo uu hoggaaminayay wqasiirka arrimaha gudaha iyo ammaanka Qaranka, C/kariin Xuseen Guuleed ayaa ayaa lagu weeraray maanta duleedka degmada Marko ee xarunta gobolka Shabeellada Hoose, iyagoo kusoo jeeday Muqdisho, kaddib markii ay soo gabagabeeyeen safar ay ku joogeen degmada Marko.

2012-12-03 6:26 AM EST
Isniin, December 03, 2012 (HOL) — Xildhibaannada baarlamaanka Soomaaliya ayaa maanta cod aqlabiyad ah ku ansixiyay xeer hoosaasyada uu baarlamaanka Soomaaliya ku shaqeyn doono afarta sano ee soo socota, iyadoo aanay jirin cid kasoo horjeesatay iyo cid ka aamustay.

2012-12-03 3:17 AM EST
Isniin, December 03, 2012 (HOL) — Ugu yaraan shan ka mid ah dhinacyadii dagaalku u dhexeeyay ayaa ku dhintay dagaal culus oo shalay gallinkiii dambe ku dhexmarya duleedka degmada Bardaale ee gobolka Bay ciidamada dowladda Soomaaliya iyo xoogagga Al-shabaab.

2012-12-03 3:09 AM EST
Isniin, December 03, 2012 (HOL) — Danjiraha Jabuuti u jooga Soomaaliya, Dayib Dubad Rooble ayaa shaaca ka qaaday in ciidamada ka socda dalka Jabuuti ee qaybta ka ah howlgalka AMISOM ee Soomaaliya lasoo dhameystiri doono toddobaadka soo socda.

2012-12-03 2:53 AM EST
Isniin, December 03, 2012 (HOL) — Wasiirka arrimaha gudaha iyo Amniga Qaranka ee xukuumadda Soomaaliyeed, Cabdikariin Xuseen Guuleed ayaa sheegay in degmada Marko iyo deegannada kale ee gobolka Shabeellada hoose ay kaga sugan tahay dowladda Soomaaliya la geyn doono ciidammo suga ammaanka oo isugu jira booliis iyo nabad-sugid.

2012-12-03 2:26 AM EST
Isniin, December 03, 2012 (HOL) — Maxaabiis ku jirtay xabsiga degmada Baydhabo oo looga shakisnaa inay ka tirsan yihiin Al-shababa ayaa ka baxsay xalay xabsiga degmada Baydhabo ee xarunta gobolka Bay, iyadoo mas'uuliyiinta gobolkaas ay u sheegeen warbaahinta inay socdaan baaritaanno ku aaddan qaabkii ay maxaabiistu ku baxsatay.

2012-12-03 2:15 AM EST
Isniin, December 03, 2012 (HOL) — Xildhibaannada baarlamaanka Soomaaliya ayaa lagu wadaa inay maanta codka u qaadaan xeer hoosaadyada ay ku shaqeynayaan muddada uu baarlamaankan jiray oo afar sano ah, iyadoo horay ay mudanayaashu uga doodeen xeerkan.