2014-10-31
Today from Hiiraan Online:  _
Wararka Maanta- Khamiis, Dec 13, 2012
Eedeysane Qirtay inuu Dilay Guddoomiyihii Golaha Odayaasha Dhaqanka ee Gobolka Hiiraan


Khamiis, December 13, 2012 (HOL) — Mukhtaar Xassan Maxamed oo 27-bishii November ee ina dhaaftay loosoo xiray ama loo qabtay dilka guddoomiyihii gollaha odayaasha dhaqanka gobollka Hiiraan Max’ed Shiikh Xusseen Maryacade ayaa qirty in uu galay danbiga loo soo xiray oo ah in uu ahaa shaqsigii gacantiisa ku toogtay guddoomiyaha.


"Anniga ayaa toogtay, labo xabadood ayaa ku dhuftay, aqoon uma laheyn anniga shaqsiga aan dillay laakiin qof ila socday oo howsha wax ka waday ayaa kor iga tusay, sidaa ayaan ku dillay, maalmo kooban ayaan magaalada joogay, waxaana leyga soo dirray degmada Buula-burte,’’ ayuu yiri Mukhtaar Xassan Max’ed oo hadda ku jira gacanta ciidamada maamulka gobollka Hiiraan iyo kuwa AMISOM.

Shaqsigan qirtay danbiga dilka ah ayaa la soo xiray wax yar uun ka dib markii uu bartamaha magalada ku toogtay guddoomiyihiin gollaha odayaasha dhaqanka gobollka Hiiraan bishii ina dhaaftay, iyadoo wixii xiligaa ka danbeeyay lagu waday baaritaanno iyo su’aalo la ku saabsan falka loo soo qabtay.

Taliyaha qeybta baliiska magaalada Baladweyne Col Isaaq Cali C/dulle ayaa sheegay in baaritaan dheer  kadib ay ogaadeen in Mukhaar uu yahay shaqsigii dilka geystay, ugu danbeytiina uu qirtay in uu danbigaas galay.

Waxaa uu sheegay Col Isaaq Cali C/dulle in mid ka mid ah taageerayaasha kooxda Al-shabaab oo ku noolaa magaalada Baladweyne uu hoy iyo gabaad intaba siiyay gacan ku dhiiglaha mudadii uu ku sugnaa magaalada Baladweyne si uu fuliyo qorshaha loo soo dirray ee ah dilka nabadoon-ka.

Lama oga talaabada xigta oo ay qaadayaa saraakiisha maamulka gobollka Hiiraan mar haddii uu qirtay Mukhtaar Xassan Max’ed in uu yahay gacan ku dhiiglihii dilka geystay.

Hiiraan Online, News Desk




Post your comments

2012-12-13 8:50 AM EST
Khamiis, December 13, 2012 (HOL) — Kulan looga hadlay ammaanka iyo horumarinta gobolka Hiiraan oo uu ka qaybgalay ugaaska beesha Xawaadle, ugaas C/raxmaan Ugaas Khaliif Ugaas Rooble ayaa maanta lagu qabtay hoteelka Ambassador ee magaalada Muqdisho.

2012-12-13 8:41 AM EST
Khamiis, December 13, 2012(HOL): Xuska 40 guurada far-soomaaliga ayaa lagu qaban doonaa magaalada Jabuuti ee dalka Jamhuuriyadda Jabuuti 17ka ilaa 22ka bishan Disambar ee 2012ka. Xuskan, oo noqon doona mid ballaadhan, waxa lagu martiqaaday madaxda Soomalida ee geeska Afrika.

2012-12-13 8:31 AM EST
Khamiis, December 13, 2012 (HOL) — Afhayeenka ururka raaskambooni, Cabdinaasir Seeraar Maax ayaa sheegay in ammaanka magaalada Kismaayo ee xarunta gobolka Jubbada Hoose uu yahay mid ka wanaagsan sidii hore, isagoo xusay in dadkii horay uga barakacay magaaladaas ay dib ugu soo laabanayaan.

2012-12-13 8:12 AM EST
Khamiis, December 13, 2012 (HOL) — Guddomiyaha Urursiyaasadeedka Rays Mr; Xasan Maxmed Cali (Gaafaadhi), ayaa sheegay in aanu ku qanacsanayn Natiijada ay soo saareen guddida doorashooyinku, maadaama oo wax isdaba marin iyo musuqmaasuq badani uu hadheeyey, waxaanu ugu baaqay komishanka inay is casilaan mar haddii ay masuuliyadii ummadda u hayeen ka soo bixi waayeen.

2012-12-13 7:45 AM EST
Khamiis, December 13, 2012 (HOL) — Madaxweynaha Soomaaliya, Xasan Sheekh Maxamuud ayaa maanta oo Khamiis ah xarunta madaxtooyada Soomaaliya kulan albaabbadu u xiran yihiin kula qaatay, guddoomiyaha baarlamaanka dalka Jabuuti, Idiris Aarnauut Cali oo booqasho ku jooga Muqdisho.

2012-12-13 7:10 AM EST
Khamiis, December 13, 2012 (HOL) — Ra'iisul wasaaraha Soomaaliya, Cabdi Faarax Shirdoon (Saacid) ayaa maanta dhameystiray xubnaha golaha wasiirrada xukuumadda Soomaaliya, isagoo magacaabay shan wasiir u dowle iyo 20-wasiir ku xigeen.

2012-12-13 1:25 AM EST
Khamiis, December 13, 2012 (HOL) — Abaanduulaha ciidamada xoogga Soomaaliya, Jen. C/kariin Yuusuf Aadan (Dhego-badan) ayaa sheegay inay ka go'an tahay inay isku furaan dhammaan gobollada Soomaaliya, kaddib markii isaga iyo saraakiil kale ay saxaafadda kula hadleen degmada Jowhar.

2012-12-13 1:08 AM EST
Khamiis, December 13, 2012 (HOL) — Madaxweynaha Soomaaliya, Xasan Sheekh Maxamuud ayaa sheegay inaysan wax wadahadal ah la galayn Al-shabaab iyo Al-Qaacida inta ay hubka wataan, balse ciddii ka tanaasusha fikirkooda ayuu sheegay inay soo dhaweynayaan oo ay labada gacmood ku qaadayaan.

2012-12-13 1:04 AM EST
Khamiis, December 13, 2012 (HOL) — 24-kii saac ee lasoo dhaafay waxaa xeebta degmada Garacad ee gobolka Mudug ka dhacay dagaallo khasaare dhaliyey oo dhex maray ciidamada badda ee Puntland iyo kooxo burcad-badeed ah.