3/29/2024
Today from Hiiraan Online:  _
Wararka Maanta- Isniin, Dec 12, 2012
Maxkamado ku yaalla Mareykanka oo Xukunno kala duwan ku ridday Laba qof oo Taageero u fidiyay Al-shabaab
Arbaco, December 12, 2012 (HOL) — Maxkamad ku taalla magaalada San Diego ee dalka Mareykanka ayaa gabar Soomaaliyeed oo lagu eedeeyay inay lacag gaaraysa 1,450 doollar u dirtay dalka Mareykanka ku xukuntay sideed sano oo xabsi ah, sidoo kale maxkamaddu waxay xukuntay nin Suuriya u dhashay oo la sheegay inuu doonayay inuu ku biiro Al-shabaab.

Nimca Cali Yuusuf oo 26-jir ah ayuu garsooraha maxkamaddu sheegay inay dambiga qiratay bishii December ee sannadkii hore, ayna sheegtay inay lacago ay qalab ku iiibsadaan u dirtay Al-shabaab oo Mareykanka looga aqoosan yahay argagaxiso.

Gabadhan ayaa waxay ka mid tahay Soomaali badan oo loo haysto inay taageero u fidiyeen Xarakada Al-shabaab, kuwaasoo ay baaritaanno ku hayso maxkamad ku taalla gobolka Minnesota. Iyadoo la sheegay in gabadhan ay lacagta ku hagaajisay afar xubnood oo ka tirsan Al-shabaab.

Hay'adda FBI ayaa sheegtay in gabadhan ay lacagaha kala dirtay sannadihii 2009 iyo 2010 oo ay Soomaaliya ka socdeen dagaallo u dhexeeya Al-shabaab iyo dowladdii KMG ahayd ee ay Qaramada Midoobay taageeraysay.

Dhanka kale, maxkamad ku taalla magaalada Chicago ayaa waxay 10 sano oo xabsi ah ku xukuntay nin u dhashay dalka Suuriya oo lagu magacaabo Shakir Masir oo 29-jir ah, iyadoo lagu eedeeyay inuu doonayay inuu xeryo ay Al-shabaab ku leedahay Soomaaliya tababarro kusoo qaato.

Shakir ayaa qirtay dambiga lagu soo eedeeyay bishii July ee sannadkan, isagoo sidoo kale sheegay inuu qalab ku taageeray Al-shabaab oo Mareykanka looga aqoonsan yahay koox argagaxiso ah. Iyadoo ninkan uu ka mid yahay dad badan oo lagu xiray dalka Mareykanka kuwaasoo lagu eedeeyay inay taageereen Al-shabaab.

Masri wuxuu ku dhashay gobolka Alabama ee dalka Mareykanka, balse wuxuu ku noolaa magaalada Chicago, isagoo la xiray sannadkii 2010 wax-yar ka hor isagoo doonayay inuu u safro dalka Soomaaliya. Isagoo qirtay inuu doonayay inuu si mutadawacnimo ah uu uga barbar dagaalamo A-shabaab.

Maxamed Xaaji Xuseen, Hiiraan Online
[email protected]
Muqdisho, Soomaaliya












Click here
12/12/2012 11:29 AM EST
Arbaco, December 12, 2012 (HOL) — Magaalada Hargeysa waxa maanta ka dhacay aroos wadareedkii ugu badnaa sanadkan, waxaana dhamaan camirnaa hoteellada waaweyn ee inta badan ay ka dhacaan xafladaha meherka iyo aroosyada iyadoo la waayay hoolal la kiraysto.

12/12/2012 8:39 AM EST
Arbaco, December 12, 2012 (HOL) — Ugu yaraan laba qof oo uu ku jiray nin Injineer ah ayaa ku dhintay shil gaari oo ka dhacay isgoyska Dabka ee waddada Maka Al-mukarama ee magaalada Muqdisho, iyadoo sidoo kale uu shilkaas ku dhaawacmay wadihii gaariga shilka galay oo ahaa nooca raaxada.

12/12/2012 8:17 AM EST
Arbaco, December 12, 2012 (HOL) — Garsoorayaal iyo xeer ilaaliyeyaal tiradoodu ahayd 90 ayaa maanta tababar loogu soo gabgabeeyay magaalada Muqdisho ee xarunta dalka Soomaaliya, kaddib tababar u socday muddo hal sano ah.

12/12/2012 7:19 AM EST
Arbaco, December 12, 2012 (HOL) — Urur siyaasadeedkii saddexaad ee bishan gudeheeda la furo ayaa looga dhawaaqay magaalada Boosaaso ee xarunta gobolka Bari shalay oo Talaado ahayd. Ururkan oo magaciisu yahay [Midnimo] waxaa ku bahoobay in badan oo kamid ah aqoonyahanka iyo ganacsatada waaweyn ee Puntland.

12/12/2012 6:15 AM EST
Arbaco, December 12, 2012 (HOL) — Guddoomiyaha baarlamaanka dalka Jabuuti iyo wafdi uu hoggaaminayo ayaa soo gaaray maanta magaalada Muqdisho iyagoo kulan la yeeshay xildhibaanada baarlamaanka Soomaaliya, kaasoo ay uga hadleen safarka ay ku yimaadeen Muqdisho.

12/12/2012 2:25 AM EST
Arbaco, December 12, 2012 (HOL) — Ciidamada dalka Kenya ee ku sugan xuduudda u dhexeysa Soomaaliya iyo Kenya ayaa gacanta ku dhigay shalay gallinkii dambe lix qof oo Soomaali ah iyo hub ay wateen, kuwaasoo la sheegay inay ka yimaadeen xeryaha qoxootiga Dhadhaab ayna hubka u wadeen degmada Gaarisa.

12/12/2012 1:58 AM EST
Arbaco, December 12, 2012 (HOL) — Hay'adda isku-duwidda gargaarka bani'aadamnimo ee Qaramada Midoobay UNOCHA ayaa sheegtay in xaalad cunno-yari iyo mid bani'aadamnimo oo khatar ah ay ka jiraan Soomaaliya; iyagoo sheegay in afar milyan oo Soomaali ah ay u baahan yihiin gargaar bani'aadamnimo oo kala duwan.

12/12/2012 1:56 AM EST
Arbaco, December 12, 2012 (HOL) — Hoggaamiyaha Xarakada Al-shabaab, Sheekh Mukhtaar C/raxmaan Abuu-Zubeyr oo farriin maqal ah soo dhigay bar Internet oo taageerta Al-shabaab ayaa ku sheegay inay weli iyagu ka taliyaan gobolladii ay Kenya qabsatay, isagoo fariin u diray muslimiinta ku nool dalalka Kenya iyo Itoobiya.