May-16-12
Today from Hiiraan Online:  _
Wararka Maanta- Sabti, May 8 , 2010
Webiga Jubba oo ku fatahay degmada Bu’aale iyo Deegaano hoostaga

Sabti, May 08, 2010(HOL): Wararka aynu ka heleyno degmada bu’aale ee gobolka j/dhexe ayaa sheegaya in webiga Jubba uu ku fatahay Degmadaasi Bu’aale iyo Deegaano kale oo hoostaga Degamdaasi.

Fatahaada webiga ayaa timid kadib markii mudooyinkii ugu danbeeyay ay Roobabka gu’ga siweyn uga da’een Gobollada Jubooyinka, waxaana lagu soo waramayaa in biyaha ka yimid webiga ay siweyn u buuxiyeen dhul beereedyada ku yaal Degmadaasi Bu’aale ee xarunta gobolka j/dhexe.

Qaar katirsan dadka ku dhaqan Degmada Bu’aale ee gobolka j/dhexe ayaa inoo xaqiijiyay in fatahaada webigu ay siweyn u socoto waxaana ay sheegeen in laga cabsi qabo in goobo kale ay gaarto fatahaada.

Maamulka iyo ganacsatada ku dhaqan Degmada Bu’aale ee gobolka j/dhexe ayaa wado dadaallo ay doonayaan in ay ku xiraan goobaha uu webiga ka fatahay iyadoo lagu soo waramayo in gurmadka ay wadaan ganacsatada iyo maamulka laga dareemi karo degmada Bu’aale ee gobolka j/dhexe.

Webiga ayaa sidoo kale ku fatahay deegaanada lagu magacaabo Raaxoole, Duqiyo, caanoole. Iyo Farbutoow oo dhamaantoodba hoostaga degmada Bu’aale ee gobolka j/dhexe.

Ma ahan markii ugu horeysay ee uu fatahaad sameeyo webiga jubba hore ayuu webigu fatahaad tan lamid ah uga sameeyay deegaanada gosha ee gobolka j/hoose halkaas oo ay qasaaro kazoo gaartay beeraley ku dhaqan deegaanadaasi.

Xasan Nuur, Hiiraan Online
hnur@hiiraan.com
Kismaayo, Soomaaliya
YUUSUF SHIIKH CIISE KABO-KUTUKADE :- Maamul hoos taga Xarrakada Mujaahidiinta Al-shabaab ayaan ka dhisi doonaan deegaannada Goballka Galgaduud ee hadda gacanteena ku jirra.
08/05/2010 3:33 PM EST
Sabti. 8, May, 2010 (HOL) Waaliga Waalaayada Goballka Galgaduud ee Xarrakada Mujaahidiinta Al-shabaab Yuusuf Shiikh Ciise oo Saxaafada la hadllay isaga oo jooga degmada Ceel-dheer ayaa sheegay in maalmihii aynu soo dhaafnay wada hadallo iyo kulamo la lahaayeen Odayaasha iyo Waxgaradka deegaannadii ay dhawaan kala wareegeen Ahlu Sunna Waljameeca.

Dowladda Talyaaniga oo si Rasmi ah u Aqoonsatay Baasaboorka Cusub ee Soomaaliya
08/05/2010 2:43 PM EST
Rome (HOL) - Dowladda Talyaaniga ayaa wareegto ay taariikhdeedu tahay 23/03/2010 si ramsi ah ugu aqoonsatay Baasaboorka cusub ee Soomaaliya (e-passport), dhaqangalkiisana oo bilaabanaayo 3da bisha May 2010.

Ciidamo taabacsan Xarakada Al-Shabaab oo maanta la wareegay gacan ku haynta Degmada Ceelbarde ee Gobolka Bakool
08/05/2010 9:59 AM EST
Sabti, May 08, 2010 (HOL) − Ciidamo taabacsan Xarrakatul Shabaabul Mujaahidiin ayaa maanta la wareegtay gacan ku haynta degmada Ceelbarde ee Gobolka Bakool, waxaana ka dhacay dagaal kooban oo sababay dhaawaca hal qof.

Mudanayaal kulan ku yeeshay Muqdisho oo ka hadlay xilliga uu furmayo fadhiga ugu horreeya ee Baarlamaanka
08/05/2010 9:59 AM EST
Sabti, May 08, 2010 (HOL) − Xildhibaannada kasoo horjeeda Guddoonka Baarlamaanka oo maanta kulan ku yeeshay Hotel Wehliye ee Muqdisho ayaa sheegay inaysan ka qaybgalayn kulan uu shir guddoominayo Sheekh Aadan Madoobe.

Xildhibaan Cismaan Cilmi Boqorre oo sheegay in sababihii uu isku casilay ay qayb ka tahay caafimaad darro uu dareemay
08/05/2010 9:58 AM EST
Sabti, May 08, 2010 (HOL) − Xildhibaan Cismaan Cilmi Boqorre oo ahaa guddoomiye ku xigeenkii 2-aad ee Baarlamaanka Soomaaliya oo xilkiisa iska casilay isagoo ku sugan dalka Iiraan ayaa Muqdisho ka sheegay inuu xilkiisii isaga casilay sababo caafimaad.

Muran ka Dhashay Burcad Badeed ay Ciidamada Puntland ku Toogteen Baargaal oo Cirka Isku Shareertay.
08/05/2010 6:04 AM EST
Sabti, May 08, 2010 (HOL) − Ciidamada ilaalada xeebaha Puntland ayaa labo habeen ka hor ku toogtay degmada Baargaal nin dhalinyaro ah oo ay Boolisku sheegeen in uu ka tirsanaa Burcad badeeda.

Ururka Xisbul Islaam oo sheegay in Isbitaalka Xaawo Cabdi uu dhawaan dib u bilaabi doono howlihii caafimaad ee uu qaban jiray
08/05/2010 4:38 AM EST
Sabti, May 08, 2010 (HOL) − Madaxa Ammaanka deegaanka Lafoole ee Ururka Xisbul Sheekh Ibraahim Axmed Aadan (Ganey) oo saxaafadda la hadlay ayaa sheegay in Xarunta Caafimaadka Xaawo Cabdi ay dhawaan dib u bilaabayso howlaheedii caafimaad.

Xarrakatul Shabaabul Mujaahidiin oo ku eedeysay Mareykanka iyo AMISOM inay ka dambeeyeen qaraxyadii ka dhacay Masaajidka C/lla Shideeye
08/05/2010 4:37 AM EST
Sabti, May 08, 2010 (HOL) − Mas'uul sare oo ka tirsan Xarrakatul Shabaabul Mujaahidiin ayaa ku eedeeyay ciidamada AMISOM iyo Mareykanka inay mas'uul ka ahaayeen Qaraxyo ka dhacay Masaajidka C/lla Shideeye todobaadkii hore.

Dowladda Soomaaliya oo sheegtay inay fulinayso qodobbada heshiiskii ay la gashay Culumaa'uddiinka Ahlusunna Waljamaaca
08/05/2010 4:36 AM EST
Sabti, May 08, 2010 (HOL) − Dowladda Soomaaliya ayaa sheegtay inay fulinayso qodobbadii lagu gaaray heshiiskii ay la gashay Culumaa'uddiinka Ahlusunna Waljamaaca, iyadoo mas'uulka ugu sarreeya koox diimeedkan uu sheegay in heshiiskaas uu burburay.

Wafdigii Culimada Ahlu Sunna Waljameeca ee dib ugu laabtay Goballka Galgaduud oo lagu wado in ay kulamo la qaataan dhinacyadii ka biyo diiday hishiiskii Addis Ababa.
08/05/2010 4:19 AM EST
Sabti, 8, May, 2010 (HOL) Culima'udiinka Ahlu Sunna Waljameeca ayaa hadda waxaa ay u muuqda kuwo ku kala aragti duwan dhaqangalinta hishiiskii kol hore iyaga iyo Dowladda Soomaaliya ku dhaxmaray Magaalada Addis Ababa ee dalka Itoobiya kadib markii dhawaan Guddoomiyaha guud ee Culimada Ahlu Sunna Waljameeca Macalin Max'uud Shiikh Xassan uu si cad ugu dhawaaqay in uu bur buray hishiiskii dhaxmaray iyaga iyo Dowladda.

Wilaayada Islaamiga ah ee Gobollada Jubooyinka oo Howlo qabuurin burburin ah ka fulisay Deegaanka Dhoobley ee gobolka J/hoose.
08/05/2010 3:59 AM EST
Sabti, 8, May, 2010 (HOL) Wilaayada islaamiga ah ee xarakatu shabaabul Mujaahidiin ee gobollada jubooyinka ayaa shalay gelinkii danbe howlo qabuuro burburin ah ka fulisay deegaanka dhoobley ee dhaca cirfka galbeed ee gobolka j/hoose.