3/28/2024
Today from Hiiraan Online:  _
Wararka Maanta- Arbaco, Jun 30, 2010
Marakiibta Ciidamada Holland ee Xeebaha Puntland Oo Deeq Dawo ah Gaarsiiyay Dadka Deegaanka Xaabo ee Gobolka Bari.
Arbaco 30, Jun, 2010 (HOL)-Labo ka mid ah Maraakiibta Ciidamada Holland ee ku sugan xeebaha Puntland ayaa maanta deeq Dawo ah gaarsiiyay dadka ku dhaqan deegaanka Xaabo oo ka tirsan Gobolka Bari.

Waxaa la sheegay in daawadaan ay isugu jidho noocyo badan ,balse ay u badantahay dawooyinka looga hortago Cudurka Malaariyada oo halkaasi ka dilaacay maalmo ka hor.

Duqa degmada Xaabo Soote Yuusuf oo la hadlay warbaahinta Gudaha ee Bosaaso ayaa sheegay in daawadaan ay tahay mid loogu tala galay in looga hortago Cudurka Maaliriyada.

Waxaa kaloo Duqa uu sheegay in ay kulan la qaateen saraakiisha Ciidamada Holland ee ku sugan xeebaha Puntland ,isla markaana la isku afgartay in si isku mid ah looga hortago Burcad badeeda.

Daawadan waxaa naloo keenay xiligii loo baahnaa ,waxyaabo badanna way naga anfici doontaa "ayuu yiri duqa degmada Xaabo,isagoo mahad u celiyay Saraakiishii daawada soo gaarsiiyay.

Deeqdan dawada ah ayaa noqonaysa tii ugu horaysay inta la ogyahay oo ay Ciidamada Nato soo gaarsiiyayaan dadka ku dhaqan degmooyinka xeebaha ah ee Puntland.

Ma jiro Wax hadal ah oo ilaa iyo hada ka soo baxay wasaarada Caafimaadka Puntland ,taasi oo ku aadan Daawadan la siiyay dadka degmada Xaabo,Waxaana jira shaki ay daawadaasi ka muujinayaan qaar ka mid ah aqoonyahanada Gobolka Bari.

Faisel Maxamed Hassan,Hiiraan Online
[email protected]
Bosaso,Somaliya  











Click here
6/30/2010 11:27 AM EST
Arbaco, 30 June 2010 (HOL)- Guddiga ilaalinta anshaxa iyo habsami-u-socodka doorashada Somaliland, ayaa faahfaahin ka bixiyay geedi-socodkii doorashadii Sabtidii qabsoonay iyo qaabkii ay uga hawlgaleen.

6/30/2010 8:52 AM EST
Arbaco, June 30, 2010 (HOL) − Ugu yaraan 2-qof ayaa ku dhintay madaafiic culus oo maanta ku dhacay gudaha iyo hareeraha suuqa weyn ee Bakaaraha, waxaana ku dhaawacmay duqeymahaas 7-qof oo kale.

6/30/2010 8:50 AM EST
Arbaco, June 30, 2010 (HOL) − Dowladda Soomaaliya ayaa sheegtay inay dadaal weyn ugu jirto sidii ay kusoo celin lahayd amaanka iyo kala dambeynta dalka Soomaaliya, kaddib ku dhawaad 20-sano oo degenaasho la'aan ay ka taagnayd.

6/30/2010 8:43 AM EST
Arbaco, June 30, 2010 (HOL) − Maamulka Ururka Xisbul Islaam ee Gobolka Banaadir ayaa maanta ku amray Saxaafadda ka howlgasha Magaalada Muqdisho, gaar ahaan Idaacadaha inaysan sii-dayn karin warar ku saabsan sannadguuradii 50-aad ee ay kasoo wareegtay markii ay Soomaaliya xorowday oo ku beegan 1-da Luuliyo.

6/30/2010 5:32 AM EST
Arbaco 30, Jun, 2010 (HOL) Odayaal iyo Waxgarad ku dhaqan degamda Matabaan ee Goballka Hiiraan oo ay HOL la hadashay ayaa waxaa ay siweyn uga deyriyeen xaalado adag oo food saaray dadka ku dhaqan degmada degmada, kadib markii ay ku soo jabeen Qoysas siyaabo kala duwan uga soo barakacay deegaanadii ay ku noolaayeen.

6/30/2010 5:29 AM EST
Arbaco, June 30, 2010 (HOL) − Guddoomiyaha guud ee Culumaa'uddiinka Ahlusunna Waljamaaca Macallin Maxamuud Sheekh Xasan Faarax ayaa sheegay inuu burburay gabi ahaan heshiiskii ay horay ula galeen Dowladda Soomaaliya.

6/30/2010 5:27 AM EST
Arbaco, June 30, 2010 (HOL) − Wasiirka Dastuurka iyo Arrimaha Federaalka Dowladda Soomaaliya Madoobe Nuunow Maxamed oo Magaalada Muqdisho ugu warramay saxaafadda qaarkeed ayaa sheegay in dastuurka cusub ee dalka loo qorayo ay soo bandhigo doonaan bisha soo socda.