3/28/2024
Today from Hiiraan Online:  _
Wararka Maanta- Talaado, Mar 17, 2009
Ninkii ka dambeeyay Qarax dhawaan ka dhacay Dalka Yemen oo la sheegay in uu ku soo tababartay Soomaaliya

Talaado, March 17, 2009(HOL): Sarkaal dhinaca Ammaanka u qaabilsan Dowladda Yemen ayaa Wakaaladda Wararka Reuters u sheegay in nin dhawaan isku qarxiyay meel loo dalxiis tago oo Yemen ku taalla uu ku soo tababartay Soomaaliya, kadibna uu Yemen ku laabtay.

Qaraxaas oo is-miidaamin ahaa waxaa ku geeriyooday Afar Dalxiisayaal ah oo Kuuriya u dhashay, sidoo kalena wuxuu qaraxaas geystay burbur baaxad leh oo soo gaaray goobtii dalxiiska.

Qaraxa ayaa wuxuu yimid kagadaal markii ay hoggaamiyayaasha Al-qaacidda ay ku celceliyeen in ay weerari doonaan Dadka aan Muslimka ahayn ee ku sugan Dalalka Carabta.

Sarkaalkan u hadlay Dowladda Yemen wuxuu intaas ku daray in ninka is-qarxiyay lagu magacaabi jiray Abdel Rahman Mehdi al-Aajbari, isla markaana uu ku soo tababartay Dalka Soomaaliya.

Aajbari oo ka tegay Guriga Qoyskiisa oo ku yaala Gobolka Taiz ee Dalka Yemen labo bilood ka hor, ayaa warqad uu qoyskiisa u soo diray, gaar ahaan hooyadiisa uu ku sheegay in aaney mar dambe dib u arki doonin , isagoo shegay in uu rumeysan yahay in uu ku taagan yahay dariiqa saxda ah.

Dalka Yemen oo ay sanad kasta gaaraan kumanaan Qaxooti Soomaali ah oo ka soo cararay dhibaatooyinka ka taagan dalkooda ayaa waxay bishii Janaayo 2009 magangalyo siisay Madaxweynihii hore ee Soomaaliya C/llaahi Yuusuf Axmed kadib markii uu iska casilay xilkii madaxweynenimada Soomaaliya.

Salaad Iidow Xasan (Xiis), Hiiraan Online
[email protected]
Mogadishu, Somalia













Click here
3/17/2009 10:48 AM EST
Talaado, March 17, 2009(HOL): Ku dhawaad 100 ruux oo u badan carruur ayaa u dhintay Cudurka Shuban-biyoodka oo ka dilaacay meelo badan oo ka mid ah Koofurta Soomaaliya, sidaas waxaa sheegay saraakiil maamul iyo kuwo caafimaad oo ku sugan Soomaaliya.

3/17/2009 9:56 AM EST
Talaado, March 17, 2009(HOL): Abaar aad u xoog badan oo waxyeeleeyay dadkii iyo duunyadii ku noolaa deegaano badan oo ka mid ah gobolka Mudug ayaa la soo shegayaa in ay sii korortay, iyadoo aysan jirin cid ilaa iyo hadda wax gargaar ah u fidisay.

3/17/2009 6:53 AM EST
Talaado, March 17, 2009(HOL): Wasiirka Garsoorka iyo Cadaaladda Xukuumadda Midnimada Qaran ee Soomaaliya Shiikh C/raxmaan Maxamuud Faarax Jinaqow oo maanta booqday Xabsiga Dhexe ee Soomaaliya ayaa shaaca ka qaaday in Maxaabiista ku jirta Xabsigaas ay caddaalad heli doonaan.

3/17/2009 5:30 AM EST
Talaado, March 17, 2009(HOL): Madaxweynaha Soomaaliya Shiikh Shariif Shiikh Axmed ayaa wuxuu la kulmay Dhiggiisa Dalka Rwanda Mr. Paul Kagame, wuxuuna kala hadlay arrimo ku saabsan xiriirka labada dal iyo sidii ay Dowladda Rwanda u caawin karto Dowladda Soomaaliya.

3/17/2009 5:28 AM EST
Talaado, March 17, 2009(HOL): Waxaa la sii daayay oo xoriyaddooda dib u helay Samafalayaal u shaqeynayay UN-ka oo shalay ay kooxo hubeysan ka af-duubteen Degmada Waajid ee Gobolka Bakool.

3/17/2009 5:23 AM EST
Talaado, March 17, 2009(HOL): Musaabad ay ka soo qeyb-galeen Golaha Odayaasha Dhaqanka Goballka Hiiraan, Aqoonyahanno iyo Ugaas C/raxmaan Ugaas Khaliif ayaa lagu guddoosiiyay Guddiga dhismaha wadada Goballka Hiiraan lacag dhan 110 Milyan oo Sh. Soomaali ah.